Yesaia 57:2 - Katɔti Ɔku Kedee

² Nsu si ina bekyuli siin bamɛni békpi ni, baatɛ kekpine mmɔ buɛɛ na bana keyi kaayɔ́ na kalɛ na bénu Unwoti litemi ɔsu.

Yesaia 57:2 ပူးပေါင်းရင်းမြစ်များ

Ala Kalɔ Buse 17:1

Uwi ɔni na Abram ɔ́ƒɔ akwa liti ku aavlene-yaalenwi ni, Unwoti údie lɛlɔ ɔ́tina-nwu na ɔ́su-nwu ɔnini, “Ami ndi Katɔti Ɔyikune Ƒui. Mɔɔwia ka elie ngba sɛɛn ɔni na aláƒiɔ-mi.

Ala Alɛdi 2 16:14

Amu na asa na uwi ɔmɛni ubo lɛni ni, Ɔga Asa ɔ́ya na béku nwuna kaƒiɔtɔ bése na ɔdi atabi ubu ɔni na bédie na Yerusalem atakpɛ kɔbi kɔdi lɛlɔ. Anwuɔsu mmɔ na báva-nwu. Na béti kesudi ku ugyulo nnɔmii ƒɛƒɛɛ bɔdi béwi kɔƒiɔtɔ kammɔ kemmo ƒui tɛɛ. Na bákyula likpose ekyweni livongu bonwu lɛdi béte-nwu na mmɔ béti bákɔliku-nwu lɛnyi katɔ.

Hiob 3:17

Na kekpine mmɔ ni, balalane basɔ belekpoku bekyuli. Na bekyuli bani muususu lɛlɔ basɔ beletu lɛlɔ, na baakɛ́ bɔnwuna.

Kɔgya 37:37

Se ukyuli ɔbuni ɔni ablala nkɛ ulu lɛlɔ likpo kaduɛ. Ukyuli ɔmɛni keyi kadanku lɛlɔyɔ ku keyi buɛɛ.

Etemila 12:7

Lɛni na bula ɔlɔna ɔɔsɔ teenwini teesie kalɔ kemmo na ɔƒɛƒɛɛ ɔni nkya-bu lɛlɔ kemmo uute-bu ngba mmɔ ɔsɔ uunwíni teesie Katɔti kudɔ.

Yesaia 14:18

Baga bani na békpi mmɔ ƒui batɛ bana kɔƒiɔtɔ kemmo ku bana agala.

Yesaia 26:7

O Ati ɔni nse kedee, bekyuli bani ablala nse siin ni, bana kasiakɔ biala kaatɛ kalɔ ƒiaa. Na bana kɔvinkɔ ni, aayá na kɔɔbla suɛlɛ suɛlɛ.

Yeremia 6:16

Unwoti ɔ́su ɔnini, “Uwi ɔni na bísie bítédu elukpo ni, lɛ́su-mii nnii, ‘Bɛsia ulu ɔni lɛlɔ na bina bati kuuku básia na bɛdubulie ku keyi buɛɛ.’ Nsu bíni.

Daniel 12:13

“Anwuɔsu ni, Daniel, siaku ƒula Katɔti kama siin na talɛ-nwu kama uti utédu kawɔlɔkɔ! Adubo bɔnwuna na asɔ ata alɛ kekpine abáƒɔ ƒula lɛyuƒɔla.”

Mateo 25:21

“Nwuna unwoti ɔmmɔ ɔ́su-nwu ɔnii, ‘Kabla ɔblane ɔbuni, ábla lɛla biala ulu lɛlɔ geen! Ka ásia ala blii suɛ amɛni anu kaduɛ ɔsu ni, ndubuti-ɔ linyene ala enengudi kenye. Bo butaadi na butaani na butaakɛ ebiti!’

Luka 1:6

Ɔgya ku ule bamɛni bélie ngba bɔbuni na Katɔti anumi. Na bádi nwuna ɔda bubo ƒui lɛlɔ kaduɛ.

Luka 16:22

“Ɔwabane ɔmmɔ úbekpi na Katɔti batu bébetiku-nwu bétésie Abraham kudɔ, na baadi limeyi na katɔ. Ɔlakɛne ɔmmɔ lɛnɔ úbekpi na báva-nwu.

Luka 2:29

“Unwoti, ɔƒɛni ni, ka ásia ƒula linyese anu ɔsu ni, akana na edie ami, ƒula kabla ɔblane, ulu na nteesie ku keyi buɛɛ.

Luka 7:50

Amu na Yesu ɔ́su uleku ɔmmɔ ɔnini, “Ƒula bɔƒɔtaadi búdie-ɔ, ɔsu teesie ku keyi buɛɛ.”

Korintoƒuɔ 2 5:1

Na si bula ɔlɔna ɔni nse aani kevo kani kemmo bulie na kayawi kamɛni kemmo kébie ni, bubo ɔtɔ na Katɔ Ɔga Ɔma. Na ɔtɔ ɔmmɔ ni, anwu ɔlati néti nwuna enu ɔ́tu-nwu, na ɔdubunye uwi ƒui.

Korintoƒuɔ 2 5:8

Bɔɔkɛ́ kayi geen na bɔɔyɔ́ teetulo si bɔ́nyonu ɔlɔna ɔmɛni búse na bútánu Blɔti ku anumi mmomu.

Ƒilipiƒuɔ 1:23

Mina kasusu kéƒu na ala akpa anyɔ amɛni lɛlɔ. Ndubɔyɔ si lɛ́tɔlɔ na lísie nkya Kristo kudɔ. Nka ɔmɛni ɔdia-mi utulo.

Budie Taatina 14:13

Ɔmmɔ kama línu lɛdi lɛdi ka lɛ́si katɔ na lɛɛsu lɛnini, “Nweni ala amɛni. Bekyuli bani na lɛlɔ lɛdubɔyɔ-ma ndi bani ndubukpi ka básiaku Blɔti kama ɔ́si ɔƒɛni úsela ɔsu.” Na Katɔti Kɔyu kɔɔtuna kɔnini, “Ɛɛn, badubɔkɛ bɔnwuna! Na badubɔkɛ bana kabla kɔsia!”