Yesaia 51:9 - Katɔti Ɔku Kedee

⁹ Unwoti, buvele ta! Ta na ada alɛ ku ƒula ɔyikun na edie kɔnu na abla ɔyikun ala aani kalɛ kani na ábla dii na kuuku uwi ɔni na bula bati kuuku bélie. Bɔgyi ka awɔ nádu Rahab, ɛpu kemmo liƒu kebweyi bonwu kammɔ ékulo eku eku.

Yesaia 51:9 ပူးပေါင်းရင်းမြစ်များ

Hiob 26:12

Nwuna ɔyikun ɔɔtu ɛpu teenwini ku liƒu kebweyi kekpidi kani nkya-mu kemmo.

Hiob 9:13

Si Unwoti údie nwuna kɔnyi keyi ni, ɔsɔ ulanu kama. Na Rahab ku nwuna batu muedi ƒui béboku bana eli kalɔ na báyu bátɛ-nwu lɛgba kalɔ.

Kɔgya 21:13

Unwoti, buumwi-ɔ na ƒula ɔyikun bonwu ɔsu. Na bɔdubɔtu kɔgya budie ƒula ablala keyi.

Kɔgya 44:1

O Katɔti, bula bati básu-bu na búnu ku bula atu ala ani udu na ábla na bana kuuku uwi.

Kɔgya 44:2

Ékpoku kadi bamba bekyuli ku ƒula ɔyikun na ábɔku-ma édie bana kalɔ lɛlɔ na áyila-ma udu. Áya na bula bati bétélie mmɔ na ala átɛ éte-ma.

Kɔgya 44:23

Unwoti, buuvele-ɔ, ta na ebo ebebunku-bu. Tedie-bu atu ƒui lɛni.

Kɔgya 44:24

Bi ɔsu na áda anumi édie-bu lɛlɔ lɛni na ƒula kasusu kálɛ bula lɛbibo ku budumo bɔni kemmo bɔkya lɛlɔ?

Kɔgya 59:4

Ɔɔɔdi mina likpidi lɛdi ɔsu na bakɛ beekeli taada-mi. O Katɔti, nu lɛla lɛni mɔɔlɛ́ na ata ku kɔnyi na ebo ebedie-mi.

Kɔgya 7:6

O Unwoti, ta ku kɔnyi na enye ada mina bekisine bani nsiaku-mi ku kɔnyi geen! Ta na ebunku-mi! Ɔsika awɔ mɔɔtɛ litemi ulu lɛlɔ.

Kɔgya 77:5

Mɔɔkali taanu kuuku uwi akwa akwa ani návi mmɔ ƒui.

Kɔgya 78:65

Ɔmmɔ kama ni, Unwoti úbata únye aani kalɛ na ukyuli ɔɔta na kalɛɛkɔ. Na ɔ́bla aani kalɛ na ntɛ bɔɔyá na ɔyikune ɔdi ɔɔta taabla ala.

Kɔgya 87:4

“Ndubɔka Egyipte ku Babilon libunku kadi bekyuli bani nánu-mi báti akɔ. Na Ƒilistia kalɔ ku Tiro ɔma ku Etiopia kalɔ lɛnɔ bebunku. Na badubɔsu banini, ‘Sion na báwɔ-bu.’ ”

Kɔgya 89:10

Áyila ɛpu kemmo liƒu kebweyi kani ndi Rahab udu. Na édie ƒula kɔnu na ábla ɔyikun ala na égyingya ƒula bekisine.

Kɔgya 89:11

Kayaa ku kalɔ ƒui kadi awɔ kadi, na kayawi ku kana ala ƒui ni, awɔ nédie-nya.

Kɔgya 93:1

Unwoti Katɔti ndi ɔga ɔni mɔɔdi kayawi ƒui lɛlɔ. Na ɔda ala aani ɔga na ubo ɔyikun na ɔ́ƒɔ lɛnyi geen. Na lɛla lɛdi lilakana ka bɔkunku.

Israelƒuɔ Bɔlɛ 6:6

“Anwuɔsu sie na atásu Israelƒuɔ anini, ‘Ami ndi Unwoti, na ndubo-mii budie bɔsiku lɛbibo ugyigba ɔni na Egyipteƒuɔ bétile-mii kalɔ. Na lɛya na bɛkɛ bɔnwuna na bɛsɔ bilabla-ma kabla lɛnɔ. Na ndubudie mina kɔnu na lɛbla ɔyikun ala ebendi na bana akɔ liti lɛtɛku-ma litemi.

Yesaia 27:1

Na kɔnyi limeyi lɛmmɔ lɛlɔ ni, Unwoti ɔdubo ku nwuna kewii bonwu kani mbo ɔkplu na kebo ɔbi yayaaya, na ɔni bayikune bani ntulo ƒui mmɔ kɔtu. Ada bonwu ɔni muukeli, na ɔɔkono lɛlɔ taatu teetéwi, ku liƒu kebweyi bonwu kani na ɛpu kemmo, na badi bayikune mmɔ na ɔdubo bɔdu ƒui.

Yesaia 30:7

Bésela Egyipteƒuɔ kudɔ bani kebunku naaadubo-ma kɔsia kɔdi bɔlɛ anwuɔsu mɔɔlɔ-ma Rahab, kebweyi kani neeebo kɔsia.”

Yesaia 51:17

Yerusalem kadi bekyuli, bɛta! Bɛta binye, ɔsika Unwoti lɛtuni lɛni na úte-mii na bɛ́ni aani ntu na ɔɔƒɛɛ kemmo límo-mii lɛ́vili ɔƒaamu. Bɛ́ni lɛla biala útédu eku ekplodi na bɛsɔ bilakana na bisie ligeen.

Yesaia 51:5

Uwi ɔsɔ uletu asa na ndubɔda bɔlɛ na bɛnu kalɛ na nse siin. Ɔsika mina bekyuli bɔƒɔ uwi údu na ndubɔtɛku bekyuli ƒui litemi. Kadi bekyuli bani na ketu ɔvi ƒui benye baanu-mi ulu ka libo mbedie-ma.

Yesaia 52:1

Yerusalem, ta nye! Sion ɔma kedee, nye lɛgba lɛlɔ kpakplaa na ada lɛlɔ ku ƒula adala abuni ƒui. Ɔsika baƒɔ bani nébo bébebile ɔma kedee ɔmmɔ kemmo basɔ baaadubo keliekɔ kadi bɔkɛ na ƒula kemmo ɔƒɛni amu.

Yesaia 52:10

Unwoti údie nwuna ɔyikun bonwu keyi ɔ́tina kadi bekyuli ƒui. Na ɔƒaani ni, ukyuli biala ɔdubɔnu ɔti bula Unwoti Katɔti ɔni mɔɔƒɔ́ ukyuli ngba.

Yesaia 53:1

Ɔma náƒɔ-bu ɔ́di? Na ɔma bene na Blɔti údie nwuna ɔyikun ɔ́tina?

Yesaia 62:8

Unwoti úse kenye kpakplaa ɔnini, “Nsɔ lɛɛɛdubo bina edula buti bute bina bekisine na badi. Na kadi bamba bekyuli basɔ baaadubo bina ntɛ bɔwɔdi bɔni lɛnɔ na bíbo abi bídie bɔni kudii.

Esekiel 29:3

ami nnini, ‘Awɔ Egyipte ɔga, ábla lɛlɔ aani odenge bonwu ɔdi na ɔtɛ ketu kemmo. Na átaabla lɛlɔ aani si Nil Ketu bonwu kammɔ ƒui ɔwɔ kadi na kadi na awɔ nábla-ka éte lɛlɔ. Nsu ɔƒaani ni, ami Unwoti Katɔti línwini ƒula ukisine!

Mika 7:15

“Ami Unwoti ndubo akɔla budie taatina bɔbla aani kalɛ na lɛ́bla uwi ɔni na bɛ́si bɛ́lɛ Egyipte kalɔ kemmo.

Habakuk 2:19

Bi ndi lɛla lɛni na ukyuli ɔdubɔkana na ɔtɛya ɔsiku baƒiɔ bani na béti sika ɔƒualadi ku ugyiedi bákwaa kemmo? Ala amɛni alanwuna muedi. Kɔnyana litemi bonwu lɛdi lite ukyuli ɔni ndubɔta na ɔsu baƒiɔ bamɛni ɔnini, ‘Ta nye, na abla lɛla lɛdi ete-mi.’

Habakuk 3:13

kalɛ na etékpo aƒɔ ƒula ɔga ɔƒunadi ɔmmɔ. Na kalɔ kani bekyuli mbo kalala mmɔ ni, ádu bana ɔtɔnkune na égyiile-nwu lɛlɔ ala éwi ɔ́si lili úbedu lɛgba.

Sakaria 10:11

“Lɛbibo lɛdubo mina bekyuli butulo aani kalɛ na baanú teeduo ɛpu kemmo. Nsu ndubo ɛpu avlɔvɔ ammɔ kenye butile, na lɛya na Nil Ketu kakwii ketédu nwuna ligyu kalɔ kalɔ ƒui. Na lɛya na Asiriaƒuɔ lɛmɛnɛ bɔkun ku Egyipte ɔyikun ƒui ubo kalɔ na ɔyii udu.

Sakaria 2:13

Ɔdi biala ɔbla kpoo na baba lɛsɛ! Ɔsika Unwoti ɔkya-mii akɔ na uusié taasɔ na nwuna kakpakɔ kedee kemmo.

Luka 1:51

Údie nwuna ɔyikun keyi, na úgyingya bekyuli bani mɔɔtalaku lɛlɔ katɔ.

Yohane 12:38

Nsu ɔmɛni ɔ́lɛ lɛni kalɛ na Katɔti Kenye Udiene Yesaia lɛla lɛni na ɔ́su ka lɛdubɔlɛ libo-nwu kemmo lɛni ɔnini, “Blɔti, ka búdie ƒula kenye kammɔ ni, ɔma náƒɔ-bu ɔ́di? Na ɔma bene na Blɔti údie nwuna ɔyikun ɔ́tina?”

Batalane Kabla 7:7

Na ɔ́sɔ ɔ́su-nwu ɔnini, ‘Nsu kalɔ kani bekyuli ndubuti ƒula bebi benwini bana kabla bablane ni, ndubo-ma kɔtu bɔni geen. Na ɔmmɔ kama ni, badubɔlɛ kalɔ kammɔ kemmo na badubɔkpa-mi na kalɔ kani bilie mɛni lɛlɔ.’

Lɛkpa Ulu 4:34

Na muuye-mii nnii baƒiɔ badi bésie kalɔ kadi lɛlɔ dii na bétédie bekyuli bálɛku kalɔ kammɔ lɛlɔ na béti-ma bábla nwuna bekyuli aani kalɛ na bina Unwoti Katɔti údie-mii ɔ́lɛku Egyipte kalɔ lɛlɔ? Na bina anumi lɛlɔ ni, údie nwuna ɔyikun ɔ́tina-mii na ɔ́ya na lɛlɛ lidu lidu líbo bekyuli lɛlɔ, na údie akɔla lidu lidu ku ala ani mɔɔda liƒu geen ɔ́tina.

Budie Taatina 11:17

Na baasu banini, “Blɔti ɔni mbo ɔyikun ƒui, ɔni nli na úlie, bɔɔgyá-a enu, ɔsika áƒɔ ƒula ɔyikun ubendi na ése kalɔ aadi lɛlɔ!

Budie Taatina 12:9

Na bábɔku liƒu kɔlakpi kɔmmɔ béboku kalɔ. Aku ndi kɔlakpi kɔkukudi bonwu kɔni baalɔ ukisine ɔmmɔ iye Satan, na ɔɔtɔ́lɔ kayawi kemodi ƒui. Bábɔku anwu ku nwuna batu ƒui bábava kalɔ lɛlɔ mɛni.

Litemi Batɛne 6:13

Amu na Gideon údie kenye ɔnini, “Ati, si Unwoti ulieku-bu ni, bi ɔsu na ala amɛni aalɛ́ku-bu lɛni? Wɛ na nwuna akɔla ala budie taatina akya? Ɔɔɔdi bɔsu na bati básu-bu banini, ‘Unwoti nédie-bu ɔ́lɛku Egyipteƒuɔ enu kemmo.’ Nsu ɔƒɛni amu údie-bu atu na ɔ́nyonu-bu ɔ́kya Midianƒuɔ enu kemmo.”