Yesaia 51:4 - Katɔti Ɔku Kedee

⁴ Unwoti ɔnini, “Amii ndi mina kadi bekyuli, anwuɔsu binu-mi litemi. Na ala ani na mɔɔtina kadi ƒui bekyuli ɔdubɔya na mina ɔda bubo buti ala bɔbla ulu siin lɛlɔ uboku-ma na unwini bukeye ute-ma na bana keliela kemmo.

Yesaia 51:4 ပူးပေါင်းရင်းမြစ်များ

Kɔgya 106:5

Ya na ami lɛnɔ makɛ ebiti na kɔsia kɔni na ƒula badi bani na áƒuna badubɔkɛ kemmo. Na lɛlɔ lɛni ndubɔyɔ ƒula kadi bekyuli ni, ami lɛnɔ lɛlɔ lɛmmɔ lɛyɔ-mi.

Kɔgya 147:20

Útabla ɔmɛni útete kadi bamba bekyuli badi kudii. Na baaagyi kalɛ na ɔɔtɛ litemi lɛnɔ. Bɛya na bumwi Unwoti.

Kɔgya 33:12

Lɛlɔ lɛdubɔyɔ kadi bekyuli bani mɔɔbu Unwoti kani, ama bani na ɔ́ƒuna aani nwuna bebi!

Kɔgya 50:7

Mina kadi bekyuli Israelƒuɔ, binu. Ami ndi Katɔti bina Unwoti na ndubo-mii litemi bɔtɛku na lidie bina ala ani bɛ́bla bɛ́ƒiɔ ƒui lɛtina.

Kɔgya 78:1

Bise atu na binu ala ani mɔɔtina-mii, bula kadi bekyuli.

Israelƒuɔ Bɔlɛ 19:6

Na bɛdubɔbla bakpane ku kadi kani bekyuli nse kedee bite-mi.’ Etemila ammɔ lɛsa na ɔlɛka akɔ ete Israelƒuɔ.”

Israelƒuɔ Bɔlɛ 33:13

Na ɔƒɛni ɔni lɛ́ɛti-ɔ mɛni ni, ya na lɛti ƒula kasusu kani na ada, kalɛ na makana na mesie anumi na mabla ƒula lɛyɔla. Na enyimo lɛnɔ ka awɔ náƒuna bekyuli bamɛni ábla ƒula badi.”

Agba 6:23

Ɔsika ɔda bubo bɔmɛni bɔdi asogya, na ala bɔtina bɔmɛni bɔdi-ɔ bukeye. Na kalɛ na etemila amɛni aaklibi-ɔ na ati lɛlɔ bɔda ni, adi ulu ɔni lɛlɔ na adubɔsia na akɛ ngba.

Yesaia 1:27

Ka Unwoti Katɔti ɔɔtɛ litemi ulu lɛlɔ na use siin ɔsu ni, alaekpidi bablane bani nkya Sion na bana ekpidi éduo-ma na bénwini kayi, badubɔkɛ bɔƒɔ.

Yesaia 2:3

Bekyuli badubɔsi kɔlɔ pii lɛlɔ bebo na babasu banini, “Bɛya na bɔkɔ busie Unwoti Katɔti kɔbi lili na Yakob Katɔti kakpakɔ, na ɔtina-bu nwuna lilu na bɔsia-ni lɛlɔ.” Ɔsika Sion mmɔ na badubɔtina-bu ala, na bunu Unwoti litemi bɔsiku Yerusalem.

Yesaia 26:2

Bɛlɛmi ɔban kɔyakun kɔmmɔ, na kadi bani bekyuli nse siin beduo. Ama bani náƒɔ bádi na bada bɔƒɔtaadi bɔmmɔ.

Yesaia 26:8

Unwoti, ka aatɛ litemi siin ɔsu ni, bunye bɔɔnu-ɔ ulu, ɔsika bɔɔwia ka buteemwi-ɔ lɛnyi kedee na butaabla-a lɛyɔla uwi ndi uwi.

Yesaia 33:22

Unwoti ndubɔtɛ bula litemi ute-bu, na ɔdi-bu lɛlɔ. Unwoti ndi bula ɔga ɔni ndubɔda-bu, na lɛla lɛdi lilékpoku-bu.

Yesaia 42:21

Ka Katɔti use siin na ɔɔbla lɛla biala kaduɛ ɔsu ni, ɔdi-nwu lɛƒɔyɔ ka bekyuli banu kalɛ na nwuna ɔda bubo buukeye na bemwi-nwu.

Yesaia 42:6

Lɛ́ƒuna-a ka eti ala bɔbla ulu siin lɛlɔ eboku bekyuli akɔ. Na anwuɔsu na nnye-ɔ kudɔ. Lɛ́ƒuna-a na lɛ́tala-a ka enwini bukeye ku mina bunyimi kenye kani na líse ete kayawi kadi bekyuli.

Yesaia 49:6

Unwoti ɔ́su-mi ɔnini, “Ndubo-ɔ kabla kenengudi kɔnu bɔkya butulo ka akpanku Yakob adua ammɔ ƒui ku Israelƒuɔ bani nébu eboku-mi kani. Mmomu ndubɔbla-a na enwini bukeye ete kadi bamba bekyuli ƒui kalɛ na bayawine ƒui bakɛ ngba bɔƒɔ.”

Yesaia 55:3

“Bise atu kaduɛ na bibo-mi kudɔ, na bɛkɛ ngba bilie. Na kenye kani na lɛ́su Dawid líse ni, ndubuse amii lɛnɔ kenye kammɔ, na lɛyɔ-mii uwi ƒui na bɛnu kalɛ na mɔɔdi mina litemi lɛlɔ uwi ndi uwi.

Yesaia 63:8

Anwu nédie-ma ɔ́lɛku bana bubie kemmo na ɔ́su ɔnini, “Ami mbo-ma na baaadubo-mi kama bɔlɛ.”

Mika 4:2

Kadi bekyuli badubɔsi kɔlɔ pii lɛlɔ bebo na babasu banini, “Bɛya na bɔkɔ busie Unwoti, Yakob Katɔti, kɔbi lili na nwuna kakpakɔ na ɔtina-bu nwuna lilu na bɔsia-ni lɛlɔ.” Ɔsika Sion mmɔ na badubɔtina-bu ala na bunu Unwoti litemi bɔsiku Yerusalem.

Luka 2:32

Ɔdi bukeye bɔni ndubudie ƒula lɛyɔla keyi ute bekyuli bani naaadi Yudaƒuɔ. Na ɔdubuti ɔbu uboku ƒula kadi bekyuli Israelƒuɔ akɔ.”

Korintoƒuɔ 1 9:21

Lɛni kani na mɔɔbla ku bekyuli bani naaadi Yudaƒuɔ lɛnɔ. Na lílie-ma akɔ aani ukyuli ɔni naaadi Yudani. Na naaadi Yudaƒuɔ ɔda bubo bɔdi lɛlɔ kalɛ na lɛƒɔ-ma lite Blɔti. Ɔmɛni ulátina ɔnii lɛ́ta línye Katɔti ɔda bubo lɛlɔ. Ɔsika geen ni, Kristo ɔda bubo lɛlɔ na mɔɔdi.

Lɛkpa Ulu 18:18

Anwuɔsu Ami Katɔti ndubumene kenye udiene ɔdi aani awɔ Mose kalɛ lɛkya-ma. Na kenye udiene ɔmmɔ ɔdubɔsi ama alati kadi bekyuli akɔ. Na lɛla biala na líbo-nwu ɔda ni, anwu ndubɔsu-ma ana ƒui.

Petro 1 2:9

Nsu amii ni, bɛdi bekyuli bani na Katɔti ɔ́ƒuna. Na bɛdi bakpane bani muumwi Katɔti ɔni ndi Ɔga. Bɛdi Katɔti bekyuli kedee bani na ɔ́lɔ ɔnii binwini anwu badi. Na amii ndubo nwuna ablala ebendi kudu bubo. Ɔsika anwu geen nálɔ-mii ɔ́lɛku likpidi lɛdisa kemmo úsienku ngba bɔƒɔ bukeye kemmo.