Yesaia 51:3 - Katɔti Ɔku Kedee

³ Ina ka bébile Sion na lɛla biala lɛsɔ liiise kaduɛ na ɔma ɔmmɔ kemmo ɔƒɛni ni, Unwoti ɔdubɔya na kaƒɔ bɔyala ku ebiti ebo ɔma unengudi ɔmmɔ kemmo, na ɔsɔ ɔdia bɔnu aani Eden ɔban ɔni na Unwoti ɔ́bla. Na mmɔ na lɛlɔ lɛdubɔyɔ Sion na udie lɛnu na ɔtɔ ku ebiti uti ɔgya Unwoti enu.

Yesaia 51:3 ပူးပေါင်းရင်းမြစ်များ

Ala Kalɔ Buse 13:10

Amu na ka Lot ɔ́kɔliku anumi na ɔ́nu ɔ́mana ni, ɔ́nu ka Yordan kalɔ kani nwi késela ƒui ni, ntu bɔkya-ka kemmo geen. Na kese aani Katɔti kemo kani na ɔ́bla na Eden. Na kese aani Egyipte kalɔ kani nwi késie ɔma ɔni ndi Soar kakɛ. Na uwi ɔni na ɔɔnu ala amɛni ƒui lɛni ni, ɔdi uwi ɔni na Katɔti útakyula tɔ Sodom ku Gomora kalɔ.

Kɔgya 85:8

Ndubuse atu na linu lɛla lɛni na Unwoti Katɔti ubo na wasu-mi. Ɔsika ɔ́su úse ka ɔdubute nwuna kadi bekyuli keyi buɛɛ si bátasɔ bétenwini bétesie bana kɔdɔlɔ ngba bulie kemmo.

Yesaia 12:1

Na Unwoti limeyi lɛmmɔ lɛlɔ ni, bɛdubo ɔnu budie bɛnini, “Bemwi-ɔ, O Unwoti! Ina ka éti kɔnyi ákya-bu ni, kɔnyi kɔmmɔ kɔ́yɔ-ɔ na ásɔ énwini aayala-bu kaƒɔ mmomu.

Yesaia 25:9

Na limeyi lɛmmɔ lɛlɔ na bekyuli ƒui badubɔsu banini, “Sɔsɔ geen ni, bula Unwoti Katɔti ɔmmɔ na ɔdi mɛni. Anwu na bunye bɔɔnu ulu teete ka ubaƒɔ-bu. Bɛɛnu Unwoti ɔmmɔ, bɛya na lɛlɔ litaayɔ-bu na bɔkɛ ebiti geen na kalɛ na úbo ubaƒɔ ɔsu.”

Yesaia 35:6

Na bani na báƒɛ bewi kalɔ badubɔta na baƒulu ku lɛlɔyɔ aani bakwa. Na bamumu linyemi kɔbuli kɔƒɛnimi na bebo kudu ku lɛlɔyɔ. Na ntukpa bɔlɛ bɔsia bɔvi kalɔ kakwiidi kammɔ kemmo.

Yesaia 41:16

Na bibo-nya bitéwi aani kalɛ na baaƒɛ́ lɛla lɛdi, na ɔƒɛƒɛɛ uti lɛla biala ɔtɔlɔku. Nsu amii ni, lɛlɔ lɛdubo-mii bɔyɔ na bimwi ami bina Unwoti Israel Katɔti kedee.

Yesaia 43:19

Bɛnu, lɛla lɛwɔdi na muudie keyi ɔƒɛni! Munuu bina anumi alanu ka lɛ́kɔ lɛɛlɛ́? Lídie lilu lɛ́siaku kalɔ kakwiidi kemmo na ntukpa bɔ́lɛ kalɔ kakwiidi kani mɔɔwia ntu geen kemmo.

Yesaia 44:26

Ndubɔya na mina kenye bediene ala ani básu banini, ‘Bekyuli badubo bumomo na baƒɔ Yerusalem ƒui na Unwoti ɔsɔku ɔma ɔmmɔ ɔda ubo-nwu kemmo.’

Yesaia 49:13

Bɛsu katɔ ku kalɔ bɛnii beteedie lɛnu na bataatɔ ku ebiti. Na bibo ɔda bite abi ammɔ lɛnɔ ƒui bɛnii ama lɛnɔ bebunku na beteedie lɛnu. Ɔsika Unwoti bekyuli bébo abi nsu ɔƒɛni amu ɔ́nu-ma kɔnyana na ɔ́yala-ma kɔƒɔ.

Yesaia 49:19

Ɔƒaani ni, buse na Yerusalem use aani ɔma ɔni na ɔ́bwɛ na lɛla lɛdi lɛsɔ liiibo-nwu kemmo. Nsu badubɔsɔku-nwu batu na bekyuli baƒɔ ɔma ɔmmɔ kemmo tɛtɛɛtɛ. Na bekisine balalane bani nkya ɔma ɔmmɔ lɛlɔ ama badubusie ɔgyu kakaaka na ɔma ɔmmɔ kudɔ.

Yesaia 49:8

“Si mina uwi údu ka lɛƒɔ-mii ngba ni, ndubunu bina bɔkpali na libunku-mii. Na ndubɔgyumana-mii na lɛda-mii kɔkɔɔkɔ. Na ɔkɛnku amii ɔsu ni, ndubo bunyimiku kadi bekyuli ƒui bunyimi bɔdi. Na ndubɔya na bɛsɔ bilie kalɔ kpi na bina kalɔ kani nwi na lɛla biala líbie-ka kemmo ɔƒɛni mɛni kemmo.

Yesaia 51:12

“Ami ndi Unwoti ɔni nése-mii kayi Na bi na bekyuli keeke badi? Bekyuli bani nse aani livo lɛni mɔɔyɛyɛ na ɔlɛka bitaayia-ma?

Yesaia 52:9

Yerusalem, awɔ ɔni na bábwɛ béwi kalɔ, ta na awɔ lɛnɔ atu kɔgya ku ebiti, ɔsika Unwoti ɔ́yala nwuna bekyuli kaƒɔ na úbo ɔnii ubedie Yerusalem.

Yesaia 61:10

Lɛlɔ lɛɛyɔ́-mi na Unwoti lɛlɔ na ebiti aada mina kɔyu na lɛla lɛni na mina Katɔti ɔ́bla úte-mi ɔsu. Kalɛ na ɔ́ƒɔ-mi ngba use aani kalɛ na baaklibi uleku teesienku kawɛɛkɔ. Na lɛduni lɛni mɔɔtina ka ɔ́bla-mi siin lɛma-mi lili aani ɔkpane lɛduni lɛni na uubi lili.

Yesaia 65:18

Bɛdi limeyi ku ebiti na lɛlɔ litaayɔ-mii uselaku uwi ƒui! Muudie Yerusalem ɔwɔdi ɔni kemmo na lɛlɔyɔ bekyuli sɔɔn ndubɔƒɔ-nwu kemmo.

Yeremia 31:25

Bani na lɛlɔ lítu-ma na bábla kpɛtɛ kpɛtɛ ni, badubo ɔyikun ku ngba ɔwɔdi bɔkɛ.

Esekiel 28:13

Na Eden Ɔban kemmo na ákya na áda sika ugyiedi adala ani na béti sika ugyiedi atabi ani mbo bukeye lidu lidu bábla na aadia bɔnu geen. Na ala amɛni ƒui ese ete-ɔ ɔ́si limeyi lɛni na báwɔ-ɔ lɛlɔ.

Esekiel 36:11

Bɛdubɔwɔ bebi na bina bebuo lɛnɔ bawɔ. Na nsɔ lɛɛɛdubo-mii atu budie aani kalɛ na use ɔƒɛni. Mmomu bɛdubo bumomo geen na lɛda-mii kaduɛ litulo kudeedi ƒui na bɛnu bɛti ka ami ndi Unwoti.

Esekiel 36:35

Mmomu bɔsu na badubo banii kaadia bɔnu aani kalɛ na Eden ɔban kemmo kése dii. Na bekyuli balanu ka lɛma lɛmmɔ lɛ́bwɛ liwi, mmomu badubɔnu lɛma lɛni bátu bényene kpakplaa na bekyuli báƒɔ-mi kemmo tɛɛ.

Yoel 2:3

Ogya ɔdubo butaakywi na bana anumi ku kama na mmɔ ɔni na ɔdi ulakana bukeli. Na kalɔ kani nse aani Eden kemo kadubunwini kɔnwinimi kalɔ kakwiidi kani nsɔ naaadia lɛla lɛdi bɔbla si uwi ɔni na békpo na bébile ala báwɔlɔ.

Petro 1 1:8

Bítanu-nwu kudii, nsu bɛɛyɔ́-nwu. Na bilánu-nwu ɔƒɛni lɛnɔ, nsu bɛɛƒɔ́-nwu taadi. Anwuɔsu bɛya na lɛlɔyɔ lɛni náƒɔ kuye geen na ukyuli ɔdi biala ulakana-ni kalɔ budie lɛnɔ ni, lɛkya-mii kemmo.