Yesaia 5:7 - Katɔti Ɔku Kedee

⁷ Unwoti Ɔyikune Ƒui adingyii kemo ndi nwuna bekyuli Israelƒuɔ, na Yudaƒuɔ badi nwuna kevomadɔ kemo kani mɔɔyɔ́-nwu kaƒɔ. Ɔsia anu ka batɛ bekyuli etemila ulu lɛlɔ siin Nsu ubugya kani na beewi kalɔ. Na ɔɔwia ka bekyuli babla ala siin. Nsu bekyuli keku kani na uunú ka ala étulo-ma na baanya-ma taakya ɔsu.

Yesaia 5:7 ပူးပေါင်းရင်းမြစ်များ

Ala Kalɔ Buse 4:10

Amu na Unwoti úye Kain ɔnini, “Bi ɔsu na ábla likpidi bonwu lɛmɛni udu? Nu! Mɔɔnu ƒ'ɔwani ubugya ɔni nwi kalɔ. Use aani ukyuli mɔɔkpali ɔnii nkpo nte-nwu.

Samuel 2 7:10

Ɔƒɛni ni, ndubɔƒuna keliekɔ sɛsɛɛ kadi lise lite mina kadi bekyuli ka belie. Na ndubɔya na belie kesii kammɔ ɔni na bekyuli badi basɔ belékpoku-ma lɛnɔ aani kalɛ na kadi bamba badi bábla bábavi.

Hiob 34:28

Na báya na bawabane kɔvanu kúbedu Katɔti kudɔ na ulikplu ala ani na baabla-ma ɔsu, na ɔ́bla bana lɛƒɔyɔ úte-ma.

Kɔgya 147:11

Na bani mɔɔyia Katɔti na benye baanu ulu teete nwuna bɔyɔ bɔni naaasa kudii ni, bana lɛlɔ mɔɔda Katɔti kubiti.

Kɔgya 149:4

Ɔsika lɛlɔ lɛɛyɔ́ Unwoti Katɔti na nwuna bekyuli lɛlɔ. Na ɔdubɔya na bani nse buɛɛ ƒui balɛ lili, ɔsika ɔdubɔƒɔ-ma.

Kɔgya 80:15

Awɔ ɔlati éti ƒula kɔnu álɛ kugyii kɔmmɔ, na ánu-ku lɛlɔ na kɔ́lɛ lili.

Israelƒuɔ Bɔlɛ 3:7

Amu na Unwoti ɔ́su Mose ɔnini, “Lɛ́nu kalɛ na Egyipteƒuɔ bakya baanya Israelƒuɔ taakya ku kalɛ báya na beebó abi. Na muunú bana keku kani beewulo taawia ukyuli ɔni mekpo maƒɔ-ma malɛku bana lɛbibo kemmo.

Agba 21:13

Bekyuli bani muutile atu si bawabane beewulo kɔnyana ni, ama lɛnɔ belénu belete-ma si baayaki lɛla lɛdi.

Etemila 4:1

Lɛ́nu lɛla bamba lɛnɔ lɛ́ka lɛ́mana na lɛ́nu ulikplu ku kalala kani udu na bekyuli baabla bekyuli na kalɔ lɛlɔ. Na keku buwulo sɔɔn kani nda, nsu kɔnu ɔsiane ɔdi uuubo. Na bani mɔɔbla udu ɔmɛni lɛnɔ bebo ɔkplu geen.

Lɛnu Ƒui Ɔnu 7:6

Ése álɛ ligblebi na aadia bɔnu na aada ukyuli biala ɔkwɛ!

Yesaia 1:21

“Bɛnu kalɛ na Yerusalem ɔma ɔni kemmo na balawia ala basa basa balanu ɔƒɛni amu úbenwini aani ɔyalɛ ɔni kudɔ banana lidu lidu beeduo taalɛ. Ɔma ɔni kemmo na nka bátaadi mina etemila lɛlɔ ulu lɛlɔ ku ala bɔbla siin ni, ɔƒɛni amu bekyuli badune néyi-nwu kemmo tɛɛ.

Yesaia 1:6

Ɔ́si bina lɛgba kalɔ útédu lili ni, ɔlɛ ɔda-mii na bɛ́ƒɔ alɛbi ƒui, na akpanabi asia-mii lɛlɔ, na bina alɛbi eenwenyi, na biiibo evogyii na binyimi-ni.

Yesaia 27:2

Na limeyi lɛmmɔ lɛlɔ ni, Unwoti ɔdubɔsu ɔnini, “Bidie ɔnu na egyiibi kemo kani mɔɔnwu kaduɛ mɛni lɛlɔ.

Yesaia 3:14

Ɔdubɔtɛku nwuna kadi benengu ku batɔnkune litemi ɔnini, “Amii nébile Yerusalem ɔni nse aani mina adingyii ebi kemo. Na bíyile bina kɔduli ku ala ani na bíƒie bɛ́ƒɔ bawabane kudɔ.”

Yesaia 3:15

Unwoti Ɔyikune Ƒui ɔnini, “Ulu ɔmani udu na bɛ́kɛ, na bɛɛkɔ́ mina bekyuli bawabane kpɛtɛ kpɛtɛ lɛni binwini ɔtumu?”

Yesaia 3:17

Unwoti ɔdubɔya na bana eli alɛ alɛlɛbi na bana eli apa na linwini lɛsɔ lilákwɛ.”

Yesaia 30:12

Ɔmmɔ ɔsu Israel Unwoti Kedee ɔnini, “Ka bíni mina litemi na likyulikpi ala bɔbla ku ɔkɔ ala mmomu mɔɔda-mii kubiti ɔsu ni,

Yesaia 46:12

Bise atu na binu, bina atu ebo ɔkplu geen, na kalɛ na bɛkana na bilie ƒaa ku atu bɔyɔ bɔ́gyunku-mii.

Yesaia 5:2

Ɔ́tu kalɔ kammɔ únwini na údie atabi ammɔ ƒui. Na ɔ́va adingyii ebi abuni ani ndia geen. Na ɔ́tu bagyumanane kenyekɔ únyene-ka ntɛ. Na údie egyiibi ammɔ ntu kewikɔ ubu. Na unye ɔgya egyiibi ammɔ bugyie na bede. Nsu ebi ani na adingyii ammɔ ánwu ni, ana ntu ese nyanyaanya na aaadia.

Yesaia 59:13

Bɔ́ta búnye-ɔ lɛlɔ na búni bɔnii bulasiaku-ɔ kama. Ɔkɔ etemila sɔɔn néyi-bu kayi kemmo anwuɔsu na ɔkɔ ɔmmɔ kani na bɔɔnyi na bɔɔnya bula bakpana taakya.

Yesaia 59:14

Ɔkɔ etemila bɔtɛ kani náƒɔ kesii biala. Na ala bɔbla siin bɔdi bɔsɔ buuubo, na litemi geen ani lɛ́sa ƒui aani kalɛ na baabɔku lɛla lɛdi teedie kesii kadi.

Yesaia 59:4

Biiti lɛlɔ teesienku litemi katɛkɔ nsu bilátɛ etemila ulu siin lɛlɔ. Mmomu unyeƒi ukpludi ku kenye ogya ku ɔkɔ ala sɔɔn na bɛɛsu. Na biilie taabla kasusu kekpidi uwi biala anwuɔsu lɛnɔ na bɛɛwɔ likpidi.

Yesaia 62:5

Kalɛ na ebiti aada okloƒu ɔni néti adagyaa na lɛlɔ lɛɛyɔ́-nwu na ɔɔda-nwu ni, lɛni na ƒula bebi badubɔda-kalɔ kammɔ. Na kalɛ na uleku ɔgya ku ulekudi beelie ku ebiti ni, lɛni na ebiti adubɔda Unwoti na ƒula lɛlɔ.

Yeremia 12:10

“Mina kalɔ kabuni kammɔ kébie aani kalɛ na baƒonu badane baakpanku bana bebuo na besusu kemo kadi ku kana edula ƒui na asɔ alanu lɛdila lɛdi.

Yeremia 24:2

Na kagyigyɛ kenwi kemmo ni, egyiibi ani négyie kaduɛ na adia bɔdi néyi-ka kemmo. Na kanyɔdi aka ni, egyiibi ebudi ani naaadi bɔdi sɔɔn néyi-ka kemmo.

Yeremia 50:46

Na bekyuli badubunu kɔku na kadi bekyuli ƒui akɔ na kalɔ kammɔ kakunku.”

Esekiel 22:29

Na bekyuli bammɔ beeyu ama alati bana lɛlɔ na baanya bekyuli taakya. Na beedumi bawabane na baanya bawabane ku baƒɔ taakya taakɛ-ma lɛlɔ kɔsia.

Hosea 10:1

Nka ntɛ kugyii kɔbuni kɔni mɔɔnwu ebi na adi. Nsu kalɛ kani na aanwu ebi pii ni, lɛni kani na aatú akpabi pii teete lɛlɔ. Na kalɛ kani na keyi kaadianku-ɔ ni, lɛni kani na aatú aƒiodu ani mɔɔdia-a bɔnu teete ƒula baƒiɔ.

Mika 6:12

“Amii balakɛne bibo kalala na bina akɔ ɔdi biala ɔɔnyi ɔkɔ.

Mika 6:8

Unwoti ɔlati ɔ́su-bu lɛla lɛni na ɔlɛka bɔbla. Na lɛla lɛni na ɔɔwia ɔsiku-bu kudɔ ndi ka bɔbla ala ulu lɛlɔ, na butaayɔ bekyuli ku lɛƒɔndia, na buboku lɛlɔ kalɔ buɛɛ, na bɔsiaku-nwu kama siin.

Habakuk 1:3

Bi ɔsu na áya na nnye mɔɔnu alaekpidi bonwu amɛni ku kalɛ na bekyuli balátɛ etemila ulu siin lɛlɔ ɔmɛni udu? Na éte kuƒi na bekyuli baata teenye-ɔ lɛlɔ na baládi ƒula ɔda bubo lɛlɔ lɛnɔ. Na ekpidi bonwu bonwu bɔbla ku kalala káƒɔ kesi kesii lɛni?

Seƒania 3:17

Unwoti Katɔti unye-mii kudɔ uwi ndi uwi. Ubo ɔyikun ka udie-mii. Na kalɛ na ɔɔyɔ́-mii ɔsu ni, ɔdubɔya na bɛkɛ bɔnwuna. Na amii ɔsu ni, uudie nwuna lɛlɔyɔ keyi ku lɛnu bɔtu.”

Mateo 23:23

“Bɔbuɛ muute amii Katɔti ɔda bubo ala batinane ku Ƒarisiƒuɔ! Anumi lɛlɔ bekyuli bɛdi! Biiti kevoma kemo kutu akyala ƒɛƒɛɛ ani bɛ́bla muedi lɛkpa leevudi teete Katɔti, nsu bíni na biládi ɔda bubo bɔni náƒɔ kuye geen butulo lɛlɔ. Na muna lɛlɔ bɔdi ndi kalɛ na bilanu bekyuli anumi bilabla lɛla lɛdi. Na bɛnu bekyuli kɔnyana. Na bɛdi lɛla biala ulu lɛlɔ bite bekyuli. Ala amɛni lɛnɔ na ɔlɛka bɛbla, na bitada ɔdi bitese.

Luka 18:7

Na ɔƒɛni ni, bɔtɛ na Katɔti ulatɛ litemi uledie nwuna bekyuli bani muuwulo taakpali-nwu usien ku ɔƒɛ banii ubunku-ma? Munuu bɛɛkali bɛnii ɔdubɔkpɛ kama ku bana bɔƒɔ?

Yohane 15:2

Ɔɔmɛnɛ kagba biala kani naaakana bɔnwu teedie kɔgba kɔkladi akɔ. Na ɔɔƒiala kɔgba kɔni mɔɔnwu lɛnɔ kemmo kalɛ na kuna akɔ kɔbla nwaa na kɔkana kutaanwu kaduɛ.

Lɛkpa Ulu 15:9

Na utasu ɔnii kayu butitaakyiɛ lɛkwa lɛdaku budu ɔsu, ulete ukyuli ɔmmɔ kebunku kani na ɔɔwia. Ɔdi utaya na kasusu kekpidi kammɔ udu keduo-nwu lili kemmo. Na si ukyuli ɔmmɔ ɔ́bla nwuna ɔnwani ulikplu na útete-nwu kevonkɔ kani na ɔɔwia mmɔ na ukyuli ɔmmɔ úwulo na ɔ́kpali Katɔti ni, Katɔti ɔdubɔni ulikplune ɔmmɔ kɔtu geen.

Yakobo 5:4

Bɛnu! Kabla bablane bani nkya bina mmo ni, bíni na bítaƒɔ-ma kayu. Binu kalɛ na beewulo kɔnyana momoomo. Na bana keku kédu Katɔti, Bula Unwoti Ɔyikune Ƒui kudɔ.