Yesaia 5:5 - Katɔti Ɔku Kedee

⁵ “Bɛya na lɛsu-mii lɛla lɛni na ndubo mina adingyii kemo bɔbla. Ndububile ɔban ɔni na lɛ́gyi lɛ́kya-ka na kayii udu. Na ndubɔƒɛ awodu ammɔ ƒui liwi kalɔ na bataanya-ka teesusu.

Yesaia 5:5 ပူးပေါင်းရင်းမြစ်များ

Ala Kalɔ Buse 11:4

Na básu lɛlɔ banii, “Bibo na bɔda ɔma unengudi ɔdi bute lɛlɔ. Na bɔtu katu taasia ɔtɔ bonwu ɔdi na ɔkuku útédu Katɔti kudɔ. Na bɔƒɔ lɛnyi linengudi na bulegyingya bulakya kayawi.”

Ala Kalɔ Buse 11:7

Anwuɔsu bɛya na bɔyu busie-ma kudɔ. Na butéƒu bana lɛdi lɛni na baatɛmi kalɛ na ɔdi ɔsɔ ulenu ɔkpanadi butemi kalɔ.”

Nehemia 2:3

Nsu líse kayi na lɛ́su ɔga ɔmmɔ nnini, “Ƒula lɛgadi lise liteesie uwi ƒui! Bi ɔsu na utalɛka mina anumi adu kɔnyana? Ɔsika bula ɔma unengudi ɔni kemmo na báva mina bati kuuku awodu ani bátu bámana ƒui áƒɛ éwi kalɔ. Na bátu ogya bákya ana kɔyakun ƒui.”

Kɔgya 89:40

Na áƒɛ ɔban awodu ani náka ámana ɔ́ma ɔmmɔ ku nwuna kagyumanakɔ ƒui éwi kalɔ kpɛtɛ kpɛtɛ.

Kɔgya 89:41

Na belusiene bani mɔɔsia mmɔ taavi béyu ala lidu lidu bátɔlɔku. Na ntɛ mmɔ bekyuli bammɔ baamá-nwu.

Agba 24:31

Lɛ́nu ka liyu lɛ́kwɛ lɛ́ƒɔ-ka ƒui. Livo bamba lɛnɔ limomo na awodu ammɔ lɛnɔ ábwɛ éwi kalɔ.

Etemila 3:3

Uwi ɔni baadú lɛla lɛdi ɔkya, na uwi ɔni na baabwi lɛnɔ ɔkya. Na uwi ɔni na baabwɛ lɛnɔ ɔkya, na uwi ɔni na baatú lɛnɔ ɔkya.

Yesaia 10:6

Na mɔɔtala-ma ka betékpoku mina bekyuli bani naaadi mina etemila lɛlɔ. Lídie-ma ulu nnii betékpo mina kadi bekyuli, bekyuli bani mɔɔkya-mi kɔnyi, na beƒie-ma ala baƒɔ na besusu-ma kpɛtɛ kpɛtɛ.

Yesaia 25:10

Unwoti ɔlati kɔnu kɔdubɔgyumana kɔbi kɔmɛni. Nsu badubɔnya Moab kadi bekyuli ama bakya aani kalɛ na bebuo baanya keti taakya libi akɔ.

Yesaia 28:18

Na lɛla lɛni na bínyimi ku kukpi ku kaƒiɔtɔ mmɔ ƒui ɔbla kekeeke. Na si kawɔlɔkɔ lɛbibo kpakplaa lɛmmɔ lídu ni, lɛdubo-mii bubo bɔva kalɔ.

Yesaia 28:3

Na lɛlɔtina lɛka kagabwa kani na beti ni, bekyuli badubɔkɔ banya-ka lɛlɔ bavi.

Yesaia 32:10

Lɛla lɛdi lɛɛɛdubo-mii tɔ bukpoku ɔƒɛni nsu asa na lɛkwa liteedu ni, bɛdubɔti kalɛ na use. Akutu udewi ɔɔɔdubo kɔtɛ bɔbla, na mmɔ na lɛlɔ lɛdubo-mii bɔtɔ.

Yeremia 18:11

Anwuɔsu na mɔɔsu amii Yudaƒuɔ ku Yerusalemƒuɔ nnii binu-mi lɛdi! Lɛ́ɛbla kasusu ka lɛya na ɔgbankpi ɔdi ɔsiaku-mii momoomo na nsɔ lɛɛɛdubo mina kasusu bunwini amu ntu bínwini bina kasusu na bíse kalɔ bɛɛbla ala abuni.

Yeremia 28:8

kuuku uwi ɔni návi asa na badubɔwɔ ami ku-ɔ ni, kenye bediene ƒui baasu taatina ka lɛga kɔdikɔ kunengudi kɔni mbo ɔyiku bonwu ƒui badubo-ku bɔbwɛ na kekpo ku ɔgbankpi bamba lidu ku lɛlɛ ɔsu.

Yeremia 45:4

Nsu na kayawi kamɛni kemmo ni, ndaku bɔbuɛ lɛtɔ lɛni ƒui na lɛ́tu, na mɔɔgyú ala ani ƒui na lɛ́lɛ.

Kɔnyana Buwulo 1:15

“Awɔ Unwoti, éni mina bekpone na édie bekpone bamba ákya-mi ka babayila mina bakloƒu bekpone udu. Yuda use aani uleku ɔni na nka bétetuku-nwu kudii, nsu anwu nénwini ukyuli ɔni na baanya teesusu aani kalɛ na baamana egyiibi ntu teewi ntɛ kewikɔ.

Kɔnyana Buwulo 2:6

Ɔ́ya na bábwɛ Katɔti kakpakɔ kammɔ béwi kalɔ aani kalɛ na kevoma kemo ɔban ɔɔbwɛ teewi kalɔ. Na úbile lɛla biala na kesii kani na uubo taabasiaku-bu mmɔ. Na ɔ́ya na bɔ́da emeyi buni ku Lɛnwunameyi bɔdi bɔ́ya na Sion ɔma kemmo. Ɔkɛnku nwuna kɔnyi kpakplaa kɔmmɔ ɔsu ni, úni bula baga ku bakpane ƒui.

Kɔnyana Buwulo 4:12

Na ɔga ɔdi uuubo kalɔ kamɛni lɛlɔ iye kadi badi bátati banii bekisine badi badubɔkana na babwɛ beduo ɔma ɔmɛni lɛban kayakun kemmo kudii.

Daniel 8:13

Amu na Katɔti batu kedee bammɔ akɔ unwi úye nwuna ɔkpana ɔnini, “Limeyi lɛmani na kuƒi kɔdubɔsɔ kɔtɛ na bataabla limeyi ndi limeyi akpala ammɔ? Na kalɛ na kebweyi kamɛni káta kénye ayabi amɛni lɛlɔ kpakplaa na ɔɔda liƒu mɛni ni, uwi ɔmani na kadubɔda-ma lɛlɔ bɔkɔ taanya teesusu-ma lɛgba taakya lɛti akɔ bɔya?”

Hosea 2:12

Uleku ɔmɛni ɔ́su ɔnini, ‘Mina basɔnɔ néte-mi adingyii mmo bɔni na mbo ka lɛ́ya na ami ku-ma bɔ́tɛ ɔsu.’ Nsu ni, ami Unwoti ndubo-mu bubile ƒui na lɛya na bɔta bunwini lɛku na bebuo bakun ala ammɔ bebile ƒui.

Hosea 2:14

“Anwuɔsu ɔƒaani ni, ndubo-nwu bɔtɔlɔ buɛɛ buɛɛ butákya kalɔ kakwiidi kemmo na lɛdɔdɔ-nwu.

Luka 21:24

Badubo badi bɔdu ku kewii. Na badubo badi buƒie bɔtɔlɔku busienku kɔlɔ bamba lɛlɔ ƒui. Na bekyuli bani naaadi Yudaƒuɔ badubɔdi Yerusalem lɛlɔ úti útédu uwi ɔni na Katɔti ɔ́tunaku-ma.

Budie Taatina 11:2

Nsu takɔku keyi, ɔsika béti mmɔ béte bekyuli bani naaadi Yudaƒuɔ. Badubo mmɔ ku ɔma ɔmmɔ ƒui lɛgba butu bɔvi abuli aavlene-anyɔ.