Yesaia 5:4 - Katɔti Ɔku Kedee

⁴ Bi na nka ɔlɛka lɛsɔ lɛbla na mina kemo kamɛni lɛlɔ litulo kalɛ na lɛ́bla mɛni? Ka nka ebi buni na mɔɔsia anu ka lide ni, bi ɔsu na ebi ani nse nyanyaanya sɔɔn na kánwu?

Yesaia 5:4 ပူးပေါင်းရင်းမြစ်များ

Israelƒuɔ Bɔlɛ 37:22

Na asogya kasiakɔ kammɔ ku nwuna kɔgba ku anwula ammɔ ƒui ni, bábla-nwu na ɔdi lɛlakpa linwi ɔdanku lɛlɔ ku sika ugyiedi sɔɔn.

Yesaia 1:5

Bi ɔsu na binye bɛɛwia lɛbibo teete lɛlɔ lɛni? Bi ɔsi na bɛdubɔta binye-mi lɛlɔ lɛni biteesie uwi ƒui? Bilánu ka bise aani bekyuli bani na bébo-ma eli bábwɛ na biinú ɔlɛ na bina kayi kemmo.

Yeremia 2:21

Na nka bɔƒuna na lɛ́ƒuna-mii lɛ́lɛ aani kɔdingyii kɔni na naaaƒianku nsu ɔƒɛni amu bíbulo ebi buni bɔnwu.

Yeremia 2:5

Lɛni na ami Unwoti muuye-mii nnini, “Bi likpidi na bina bati kuuku bánu-mi lɛlɔ ɔsu na bénwini-mi kama na bésie basiaku ala bamba ani neeebo kɔsia ɔsu na ama alati lɛnɔ básɔ beeebo-mi kɔsia kɔdi?

Yeremia 24:2

Na kagyigyɛ kenwi kemmo ni, egyiibi ani négyie kaduɛ na adia bɔdi néyi-ka kemmo. Na kanyɔdi aka ni, egyiibi ebudi ani naaadi bɔdi sɔɔn néyi-ka kemmo.

Yeremia 7:25

Ɔ́si uwi ɔni ƒui na bina bati kuuku bátɔlɔ Egyipte ni, uwi ɔmmɔ kani lɛlɔ na mɔɔtala mina kabla bablane kenye bediene taakya-ma nnii babatɛmiku-ma.

Yeremia 7:26

Nsu béni-mi na bébenwini batuɔkplune ku ekpidi bablane bétulo bana bati kuuku bammɔ muedi!”

Esekiel 24:13

“ ‘Ekpidi ku likyulikpi lɛ́bɔ Yerusalem lɛlɔ ɔni na líidie-mii ala amɛni lɛ́nɔ na ulu biala lɛlɔ na bɛnii bíni. Anwuɔsu likpidi lɛmmɔ kemmo na bɛdubo bɔkya wetédu ka lɛ́ya na mina kɔnyi ablala ébo-mii lɛlɔ kalɛ na ɔ́manku.

Hosea 10:1

Nka ntɛ kugyii kɔbuni kɔni mɔɔnwu ebi na adi. Nsu kalɛ kani na aanwu ebi pii ni, lɛni kani na aatú akpabi pii teete lɛlɔ. Na kalɛ kani na keyi kaadianku-ɔ ni, lɛni kani na aatú aƒiodu ani mɔɔdia-a bɔnu teete ƒula baƒiɔ.

Mateo 23:37

“Yerusalem, Yerusalem! Awɔ muubó Katɔti kenye bediene ku bekyuli bani na Katɔti ɔ́tala ɔ́kya-mii atabi taadu. Kɔlɛ kɔlɛ sɔɔn mɛni na líbimi mina enu nnii mɔɔsála-mii aani kalɛ na akɔkɔ uledi uuti nwuna avwi teebi nwuna bebi lɛlɔ, nsu étenu kalɔ!