Yesaia 48:9 - Katɔti Ɔku Kedee

⁹ Na ukyuli ɔni na ndi ku kalɛ na bekyuli bemwi-mi ku ɔbu ɔsu ni, muuwi lɛlɔ ku mina kɔnyi ablala kalɛ na naaayila bekyuli udu.

Yesaia 48:9 ပူးပေါင်းရင်းမြစ်များ

Kɔgya 106:8

Nsu na ƒula lɛnyi ɔsu ni, áƒɔ-ma ngba kalɛ na bekyuli banu ƒula ɔyikun bati.

Kɔgya 143:11

O Unwoti, die-mi lɛku mina lɛbibo kemmo ɔkɛnku ƒula lɛnyi kedee lɛlɔ ku ƒula ɔyikun ɔsu na lɛkɛ ngba bɔƒɔ.

Kɔgya 25:11

Unwoti, ɔkɛnku ƒula lɛnyi ɔsu ni, ti mina bɔƒiɔ ƒui kyiɛ-mi ina ka bumomo na babu-ɔ.

Kɔgya 78:38

Ina amu ni, ɔ́nu-ma kɔnyana na úti bana alaekpidi ɔ́kyiɛ-ma na útayila bana ƒui udu. Katɔti uuƒie nwuna kɔnyi kenye pla pla na ulábla ala teetédu kalɛ na úti kɔnyi kenye.

Kɔgya 79:9

O Katɔti, bula Ɔƒɔne, bunku-bu. Die-bu ɔgbankpi kemmo. Na eti bula bɔƒiɔ ƒui akyiɛ-bu na ƒula lɛnyi likeye.

Agba 19:11

Bekyuli bani mbo kasusu buni baabala bana kɔnyi. Na bekyuli badubo-ma bɔbu na baƒɔ lɛnyi si bédie bekyuli ekpidi atu.

Yesaia 30:18

Unwoti Katɔti ɔɔyɔ́ geen ka ɔnu-mi kɔnyana ku lɛƒɔndia, ɔsika Unwoti ɔdi Katɔti ɔni mɔɔtɛ litemi na ulu siin lɛlɔ. Na bekyuli bani ƒui muunye taanu-nwu anumi ni, uute-ma kusɛ kusɛ.

Yesaia 37:35

“ ‘Na ndubɔgyumana na likpo lɛƒɔ ɔma ɔmmɔ, na mina lɛnyi ku mina kabla ɔblane Dawid ɔsu.’ ”

Yesaia 43:25

“Nsu na ukyuli ɔni na ndi ɔsu ni, mɔɔƒɔ bina ekpidi teedie-mii lɛlɔ uwi biala. Anwuɔsu ndubo bina ekpidi ani ƒui na bɛ́bla bɛ́ƒiɔ-mi bɔyiƒala.

Yesaia 48:11

Na lɛ́bla ɔmɛni na ami ɔlati lɛƒɔyɔ kenye ku ukyuli ɔni na ndi ɔsu. Ɔsika lɛɛɛdubo bɔtuna na mina lɛnyi lɛyii udu, iye ukyuli ɔdi ule mina ɔbu ku bukeye bɔni na bekyuli beete-mi.

Yesaia 65:8

Unwoti ɔnini, “Kalɛ na si kutu ɛlɛɛ úbu ɔsia kugyii lili na ubo ntu na ɔdia bɔdi na bekyuli baasu banii batada kugyii kɔmmɔ, ɔsika kutu ɔbuni ɔdi úbu ɔsia kugyii lɛlɔ ni, lɛni na ndubo bɔbla bute mina kabla bablane bani mɔɔdi mina litemi lɛlɔ na lɛɛɛdubo bekyuli bammɔ ƒui udu bɔyila bɔsalaku-ma.

Yeremia 14:7

Ɔdi litemi geen ka bula alaekpidi bonwu ani bɔɔbla adubɔkana na aya na ani-bu kɔtu. Nsu si édie-bu ni, Unwoti, ukyuli biala ɔdubo bɔnu kalɛ na ébo.

Esekiel 20:14

Nsu ɔmmɔ lɛnɔ ami ɔla kɔƒa na kɔdi. Ɔsika kadi bamba bekyuli pii bánu ka ami nákpanku Israelƒuɔ lɛ́lɛku Egyipte kalɔ kemmo.

Esekiel 20:22

Nsu ńtabla ńtasiaku lɛni. Ɔsika nka ɔmmɔ ɔdubɔbla-mi kɔƒa na kadi bekyuli bani nánu-mi ka lɛ́kpanku Israelƒuɔ lɛ́lɛku Egyipte kalɔ kemmo.

Esekiel 20:44

anwuɔsu na bɛ́manku kɔtu bɔni. Nsu ndubo-mii buti bɔsiaku ulu ɔdi lɛlɔ kalɛ na ɔkɛnku ɔmmɔ ɔsu na bekyuli beti ɔbu bete-mi. Na ɔmmɔ ɔdubɔya na bɛti ka ami ndi Unwoti Katɔti.”

Esekiel 20:9

Nsu lɛ́nu ka si lɛ́bla lɛni ni, ɔmmɔ ɔdubɔtina aani si ɔkɔ ɔnyine na ndi, ɔsika bana anumi na líse kenye ka ndubo-ma bɔkpanku bɔlɛku Egyipte kalɔ lɛlɔ.

Esekiel 36:21

“Mɔɔbla kasusu na ala ani na baƒɔ bammɔ baasu taasiku-mi lɛlɔ lɛlɔ.

Yosua 7:9

Kanaanƒuɔ ku bekyuli ƒui badubo bunu ala ani mɔɔlɛ́ mɛni. Na badubo bɔsala na bebo-bu ƒui badu kede kede. Na si ɔmɛni udu ɔlɛ ni, dɛ na adubɔblaku ƒula lɛnyi lɛni lɛƒɔ kuye mɛni?”

Samuel 1 12:22

Nwuna lɛnyi bonwu lɛni náƒɔ kuye ɔsu ni, Unwoti ɔɔɔdubo nwuna bekyuli buni, ɔsika ɔɔyɔ́-nwu kaƒɔ ka ɔbla-mii nwuna kadi bekyuli.