Yesaia 48:4 - Katɔti Ɔku Kedee

⁴ Ngyi ka bibo atu ɔkplu ku lili ɔkplu.

Yesaia 48:4 ပူးပေါင်းရင်းမြစ်များ

Baga 2 17:14

Nsu ɔmɛni kama ƒui ni, béni mina ɔda bubo bɔmmɔ na bábla atuɔkplu aani bana bati bani néteti bana kayi ƒui bátasia Unwoti bana Katɔti lɛlɔ, bati bani na bátaƒɔ bana Unwoti bátadi mmɔ.

Ala Alɛdi 2 30:8

Na bitabla atuɔkplu aani bina bati kuuku bammɔ. Bɛlɛ ugyii geen ɔƒɛni ka bɛdubɔdi Unwoti bula Katɔti litemi lɛlɔ! Bibo Yerusalem na bibadi limeyi na bɛkpa-nwu na nwuna kakpakɔ kani ndubɔdi nwuna kadi uwi ƒui na ɔdubɔda kɔnyi buti bɔkya-bu ɔya.

Ala Alɛdi 2 36:13

Amu na Sedekia ɔ́ta únye Ɔga Nebukadnesar lɛlɔ ina ka ɔ́kpali Unwoti lɛnyi na úse ɔga ɔmmɔ kenye ka ɔdubɔdi nwuna litemi lɛlɔ siin. Nsu Sedekia ɔ́bla atu ɔkplu na úni ka ɔvumana kayi na unwini ubo Unwoti Israel Katɔti kudɔ. Na ɔ́ta únye Nebukadnesar lɛlɔ.

Nehemia 9:28

“Nsu uwi ɔni na bákɛ bɔnwuna blii ni, basɔ bábla likpidi na ƒula anumi. Amu na awɔ lɛnɔ ányonu-ma éte bana bekisine kalɛ na badi-ma lɛlɔ. Amu ka básɔ béwulo bákpali-ɔ ni, énu-ma kɔvanu na kalɔ mmɔ. Na ƒula kɔnyana bɔnu kemmo ni, eedie ukyuli ɔni ndubukpo ɔƒɔ-ma si báƒiɔ-ɔ uwi ndi uwi.

Kɔgya 75:5

Na lɛya na bada lɛlɔ katɔ bɔkɔliku baya.”

Kɔgya 78:8

Baaadubo buse aani bana bati bani náta bénye Katɔti lɛlɔ. Ama bábla atuɔkplu ɔsu na bénwini kaba kani nátadi Katɔti ɔda bubo lɛlɔ. Bana kayi kátasia Katɔti lɛlɔ uwi ndi uwi. Na bátadi nwuna etemila lɛlɔ lɛnɔ.

Israelƒuɔ Bɔlɛ 32:9

“Na ami Unwoti ngyi kalɛ na bekyuli bamɛni bese.

Israelƒuɔ Bɔlɛ 33:3

Kalɔ kani lɛlɔ bísela mmɔ egyiibi ntu bɔɔyu emini aani uwɔ na kana lɛlɔ bebuo baayu anyi ntu pii. Nsu ami Unwoti lɛɛɛdubo-mii bɔkpanku. Ɔsika bɛdi bekyuli bani atu mbo ɔkplu geen, na ɔƒɛni kalɛ ndubɔyila-mii udu na ulu lɛlɔ.”

Israelƒuɔ Bɔlɛ 33:5

Ɔsika Unwoti ɔ́su Mose na úbasu-ma ɔnini, “Bɛdi bekyuli bani atu mbo ɔkplu geen, na ɔƒɛni kalɛ si ami ku-mii bɔsiaku lɛlɔ uwi klukwii ɔdi muedi ni, ndubɔyila-mii udu kede kede. Ɔƒɛni ɔdi biala ɔda nwuna sika ugyiedi ala udie, na ndubɔnu kalɛ maabla-mii.”

Israelƒuɔ Bɔlɛ 9:7

Ƒarao ɔ́tala bekyuli ɔnii betéye benu si Israelni ɔdi ebuo úkpi. Na bébete-nwu bɔti ka ina Israelni ebuo unwi útekpi. Nsu ɔmɛni kama ƒui Ƒarao ɔmu ɔɔyu kayi ɔkplu. Na útete Israelƒuɔ kuƒi na batɔlɔ.

Agba 29:1

Ukyuli ɔni mɔɔbla atuɔkplu na úni ɔnii ukyuli ɔdi utedie-nwu bɔƒiɔ ni, ɔdubo lɛlɔ udu bɔyila na ɔdi ɔsɔ ulakana-nwu bɔbwi.

Yesaia 30:9

Báta bénye Unwoti lɛlɔ na bénwini kama bákya-nwu ku ɔkɔ ala bɔbla. Anwuɔsu baaadi bekyuli bani na muunú-nwu bɔlɛ.

Yesaia 46:12

Bise atu na binu, bina atu ebo ɔkplu geen, na kalɛ na bɛkana na bilie ƒaa ku atu bɔyɔ bɔ́gyunku-mii.

Yeremia 19:15

“Bina ɔdi biala use kɔtu na unu! Uwi ɔdi návi kemmo ni, Unwoti Ɔyikune Ƒui, Israel Katɔti, ɔ́su-mii kpakplaa ka ɔdubɔya na ɔgbankpi ubo Yerusalem lɛlɔ ku lɛma lɛni na amadɔ mmɔ ƒui. Nsu bɛbla atuɔkplu na bíbulo-nwu litemi bunu. Na ɔƒaani ni, Unwoti ɔdubo bɔya na ɔgbankpi ɔmmɔ ɔlɛ aani kalɛ na úse kenye úse.”

Yeremia 3:3

Anwuɔsu na ami Unwoti lítile kayaa na ketudi ɔnantu úbulo bɔna bute-mii. Nsu ɔmɛni ƒui muedi kɔƒa kulekpo-mii na bina ɔbladu ɔsu aani kalɛ na kɔƒa kulekpo ɔyalɛ na nwuna lɛsɔnɔdi ablala lɛlɔ.

Yeremia 5:3

Mmɔ na lɛ́su nnini, “Geen ni, ngyi ka awɔ Unwoti aawia ka butaasu litemi geen. Na ɔkɔ bɔnyi bɔmmɔ ɔsu na áni ƒula bekyuli kɔtu, nsu ɔmɛni ƒui atu ɔkplu kani na baabla teebu na bébulo ka bani bede-ɔ.”

Yeremia 7:26

Nsu béni-mi na bébenwini batuɔkplune ku ekpidi bablane bétulo bana bati kuuku bammɔ muedi!”

Esekiel 2:4

Bebo atuɔkplu na kayi kebo-ma ɔkplu. Nsu ami Unwoti Katɔti lɛ́ƒuna-a ka esie atásu-ma lɛla lɛni na masu-ɔ.

Daniel 5:20

Nsu ka úbo ɔɔbla atuɔkplu na ɔɔtalaku lɛlɔ katɔ na ɔsɔ ulabu Katɔti ni, úkpeli nwuna lɛgadi lɛmmɔ ɔ́lɛku-nwu lɛkɔkɔ.

Batalane Kabla 7:51

Amu na Steƒano ɔ́sɔ ɔ́su-ma ɔnini, “Batuɔkplune geen bɛdi! Amii lɛnɔ bɛɛda atu teedie Katɔti litemi lɛlɔ aani kalɛ na bina bati bábla kalɛ. Uwi ndi uwi bɛɛta teenye Katɔti Kɔyu lɛlɔ.

Romaƒuɔ 2:5

Na ka bina atu ebo ɔkplu na bítenwini kayi ɔsu ni, Katɔti ɔdubo-mii kɔtu bɔni geen na limeyi lɛni na údie úse lɛlɔ ka ɔdubɔtɛku bayawine ƒui litemi na nwuna ulu siin lɛlɔ.

Lɛkpa Ulu 10:16

Anwuɔsu bɛda likpidi biala bidie bina kayi kemmo na bɛda atuɔkplu bɔbla bɛya.

Lɛkpa Ulu 31:27

Ɔsika ngyi kalɛ na baatá teenye ala lɛlɔ na bebo atuɔkplu. Na baata teenye Unwoti lɛlɔ uwi ɔni na ami Mose nlie ngba na nkya-ma kudɔ. Na ngyi ka badubo bɔbla butulo lɛni na mina kekpima.”

Hebriƒuɔ 3:13

Mmomu bɛkya lɛlɔ ogya limeyi ndi limeyi si kadi biala kégye-mii na baalɔ-ka banii ɔmwi. Ɔmmɔ ndubɔya na likpidi lilátɔlɔ ɔdi na wenwini ukyuli ɔni mɔɔbla atuɔkplu.