Yesaia 41:2 - Katɔti Ɔku Kedee

² “Ɔma náƒuna lɛlɔ ɔdine ɔmɛni ɔ́siku ɔƒɛ katukɔ ɔnii ubabla-nwu kabla na ulu siin ɔmɛni lɛlɔ? Na ɔma náya na ɔɔdi kadi bekyuli ƒui ku baga baga lɛlɔ na uuboku-ma kalɔ? Na nwuna kewii ku atula eesusu-ma na beenwíni ɔtumu ɔni na ɔƒɛƒɛɛ uubó taavinku?

Yesaia 41:2 ပူးပေါင်းရင်းမြစ်များ

Ala Kalɔ Buse 11:31

Tera ɔ́kpanku ubidi Abram ku Haran ubidi Lot ɔni ndi Tera uwɔ, ku Abram ulekudi Sarai ɔni ndi Tera ɔmɛni ubi ulekubi. Na bana ƒui báyu ulu bási Ur mmɔ na Kaldea kalɔ lɛlɔ ka beteesie Kanaan kalɔ lɛlɔ. Nsu ka bébedu kalɔ kani baalɔ banii Haran ni, báda keliekɔ mmɔ na bélie mmɔ.

Ala Kalɔ Buse 17:1

Uwi ɔni na Abram ɔ́ƒɔ akwa liti ku aavlene-yaalenwi ni, Unwoti údie lɛlɔ ɔ́tina-nwu na ɔ́su-nwu ɔnini, “Ami ndi Katɔti Ɔyikune Ƒui. Mɔɔwia ka elie ngba sɛɛn ɔni na aláƒiɔ-mi.

Samuel 2 22:43

Mmɔ na lɛ́kɔ-ma lɛ́bla kpɛtɛ kpɛtɛ aani ɔtumu ɔni na ɔƒɛƒɛɛ uuti taatɔlɔku. Na lɛ́tu-ma lídie aani aba ntéwi ulu lɛlɔ.

Baga 2 13:7

Na uwi ɔmmɔ kemmo ni, Yehoahas uuubo bekpone ƒelee badi. Na bani kani na ubo ndi bapɔnkɔ beliene liti ku bapɔnkɔ kɛɛkɛ leevu ku bekpone bani muusié lɛgba mpim leevu (10,000), ɔsika Siriaƒuɔ ɔga ɔ́yila Israelƒuɔ ɔga bekpone bakladi udu ƒui kede kede na útu-ma ɔ́bwɛ kpɛtɛ kpɛtɛ aani ɔtumu.

Ala Alɛdi 2 36:23

“Lɛni na ami Ɔga Kores mɔɔsu, “ ‘Unwoti Katɔti Ɔyikune úti kayawi lɛga kɔdikɔ ƒui ɔ́kya-mi kalɔ, na ɔ́ƒuna-mi ka lɛtu kakpakɔ lite-nwu na Yerusalem na Yuda kalɔ lɛlɔ. Anwuɔsu nwuna kadi bekyuli akɔ ɔdi biala na ɔkya-mii akɔ ni, nwuna Katɔti ɔsiaku-nwu na unwini usie mmɔ.’ ”

Esra 1:2

Na ɔda ɔni na úbo ndi ɔmɛni. Lɛni na ami Ɔga Kores mɔɔsu. Unwoti Katɔti Ɔyikune úti kayawi lɛga kɔdikɔ ƒui ɔ́kya-mi kalɔ na ɔ́ƒuna-mi ka lɛtu kakpakɔ lite-nwu na Yerusalem na Yuda kalɔ lɛlɔ.

Yesaia 40:24

Bese aani egyiibi akɔdi ani na bágyu bátálɛ, na uwi útetu tɔ ana lɛlɔ na bedie ligyiitu, asa na Unwoti ɔ́ya na ɔƒɛƒɛɛ úkpo ɔ́vi-nya lɛlɔ, na áyɛyɛ na ákwii ábla aani lɛtɔ lɛni na ɔƒɛƒɛɛ uuti taavinku.

Yesaia 41:25

“Líitiku ukyuli ɔni ndubo ubadi-ɔ lɛlɔ lɛ́siku katɔ kakɛ na ɔdubɔsia ɔƒɛ katukɔ uteebo kalɛ na ubeti ɔbu ute mina lɛnyi. Na ɔɔkɔ́ taavi lɛlɔ badine lɛlɔ aani kalɛ na baawɔ́ lɛvɔti na kaawɛ kemmo.

Yesaia 41:3

Ɔɔbɔku-ma ku usi ɔni na alati si nwuna lɛgba muedi lɛsɔ liitúku kalɔ. Na lɛla lɛdi lɛnɔ lilatu-nwu na ɔƒɔ ɔlɛ ɔdi.

Yesaia 42:6

Lɛ́ƒuna-a ka eti ala bɔbla ulu siin lɛlɔ eboku bekyuli akɔ. Na anwuɔsu na nnye-ɔ kudɔ. Lɛ́ƒuna-a na lɛ́tala-a ka enwini bukeye ku mina bunyimi kenye kani na líse ete kayawi kadi bekyuli.

Yesaia 45:1

Unwoti ɔ́su nwuna ukyuli ɔƒunadi Kores ɔnini, “Ami nda-a kɔdianu kɔnu kalɛ na libunku-ɔ na adi kadi bekyuli pii lɛlɔ. Na abɔku baga pii alɛku bana lɛga kadikɔ. Badubɔlɛmi lɛma linengudi lɛban kenye bewi-ɔ na balakalɛ ɔdi belenyene.

Yesaia 45:13

Ndubɔya na Kores únwini ɔyikune ɔni mɔɔdi lɛlɔ na ulu siin lɛlɔ. Na ndubɔya na nwuna kasiakɔ ƒui kabla-nwu kpɛtɛ kpɛtɛ. Ami ndi Unwoti Ɔyikune Ƒui! Na Kores na lɛ́ya na ɔdubɔsɔku Yerusalem mina ɔma unengudi bɔtu na ɔya na mina bekyuli bakɛ bɔnwuna na belie ku atu bɔyɔ. Nsu ɔɔɔdi lɛyuƒɔla lɛdi kenye. Lɛla lɛni na ami Unwoti lɛ́su na lɛdi mmɔ.

Yesaia 46:11

Lɛ́kpaku ukyuli ɔdi lɛ́siku kalɔ na ɔgyu ƒui, na úbo úbabla lɛla lɛni na mɔɔwia ka ɔbla ute-mi. Úkpo bekyuli ɔ́si ɔƒɛ katukɔ aani kalɛ na kasangbii kaatu taayu teeƒie lɛla lɛdi. Na ɔƒaani ni, ndubo mina litemi lɛlɔ bɔdi na lɛbla lɛla lɛni na lɛ́su líse.

Yesaia 48:15

Ami náƒuna-nwu na lɛ́ɛtɔnku-nwu ḿbedu kesii kani na bɛɛnu mɛni. Na ɔdubo lɛlɔ bɔdi lɛnɔ.

Kɔnyana Buwulo 1:15

“Awɔ Unwoti, éni mina bekpone na édie bekpone bamba ákya-mi ka babayila mina bakloƒu bekpone udu. Yuda use aani uleku ɔni na nka bétetuku-nwu kudii, nsu anwu nénwini ukyuli ɔni na baanya teesusu aani kalɛ na baamana egyiibi ntu teewi ntɛ kewikɔ.

Hebriƒuɔ 7:1

Melkisedek ɔmɛni ɔ́di lɛga na Salem, na ɔ́bla ɔkpane kabla úte Katɔti ɔni ntulo ƒui. Uwi ɔni na Abraham ɔ́si kekpokɔ útádi baga bani nkya amadɔ mmɔ lɛlɔ ɔdubo ni, Melkisedek ɔmɛni útásiaku-nwu na úte-nwu kusɛ kusɛ.

Budie Taatina 16:12

Ɔmmɔ kama ni, ɔtu ɔkundi úwilimi lɛla lɛni nkya nwuna kalaku kemmo úwi Euƒrate Ketu kebendi kammɔ kemmo. Na ketu kammɔ kákwii kalɛ na baga bani nási ɔƒɛ katukɔ bakɛ kavinkɔ.

Budie Taatina 7:2

Katɔti úte-ma ɔyikun ka babla kalɔ ku ɛpu kalala na beti bani bekyuli kɔtu. Nsu lɛ́nu Katɔti ɔtu ɔbambadi ɔdi ka ɔ́si ɔƒɛ katukɔ ɔdubo na ɔda lɛla lɛni na Katɔti ɔni nli ngba ɔdubuti use bekyuli likpo. Na ɔtu ɔmmɔ ɔ́kpali batu ine ku lɛdi momoomo,