Yesaia 41:1 - Katɔti Ɔku Kedee

¹ “Amii ntuntɛ kɔlɔ ƒui bɛbla kpoo na mina anumi! Bise kayi na bɛni bide-mi ku bina etemila amii kadi kadi bekyuli ƒui. Na bɛya na bɔsa na litemi katɛkɔ.

Yesaia 41:1 ပူးပေါင်းရင်းမြစ်များ

Hiob 38:3

Ɔƒaani ni, klibi lɛlɔ na ami ku-ɔ bɔsa! Áƒɔ ádi ka adubɔkana ala ani na ndubo-ɔ buye kenye budie?

Kɔgya 46:10

“Bɛbla kpoo na bɛnu bɛti ka ami ndi Katɔti. Badubo-mi lɛnyi katɔ bakɔliku na kalɔ lɛlɔ mɛni na kadi bekyuli ƒui akɔ. Na lɛni kani na mina lɛnyi lɛdubo katɔ bɔkɔ na kayawi ƒui.”

Yesaia 1:18

Unwoti ɔnini, “Bibo na bɔdi kasusu bɔsala, na bɔwia ala kemmo bɔnu. Ina dɛ na bina alaekpidi áya na bɛ́nwu aani aƒɛ muedi ni, ndubɔkana na lidie-nya bina lɛlɔ. Na lɛya biteekeye aani etubankɛ. Na si ina dɛ na ekpidi ammɔ áya na bígyie dɛ muedi ni, ndubɔƒɔ-mii lɛlɔ na bɛƒuala aani unwo.

Yesaia 11:11

Ɔƒɛni na limeyi lɛni na Unwoti ɔlati úse úse lɛlɔ ni, ɔdubɔsɔ ɔkɔliku aƒlaga katɔ ute-ma na ɔsɔku nwuna kadi nkyuli ɛlɛɛ bani mebu ubasala ɔsiku Asiria ku Egyipte ku Patros ku Elam lɛnɔ.

Yesaia 34:1

Bɛlɛ bibo, amii kadi ƒui bekyuli, na amii bayawine ku kalɔ lɛlɔ ala ediedi ƒui, bɛni bide, na bise atu, na binu kenye kadi!

Yesaia 40:31

Nsu bani néti bana anu básia Unwoti lɛlɔ ni, bana ɔyikun ɔdubɔsɔ ɔbla ɔwɔdi. Na bana ɔyikun ɔdubuse aani kalɛ na kɔdigbo aasɛ uuveyi taavi kayaa. Na badubo usi bukeli na balanɔ bukeli. Na badubusie lɛgba na lɛgba lilakpulu-ma.

Yesaia 41:5

Ntuntɛ kɔlɔ bekyuli ƒui útédu kalɔ kammɔ kawɔlɔkɔ bánu lɛla lɛni na lɛ́bla na liƒu líƒie-ma na baatɔ́ kpakpaakpa ɔni na bási badubo.

Yesaia 43:26

Bibo bibasiaku-mi na litemi katɛkɔ na bidie lɛlɔ kenye ka amii ɔdi ɔ́tɛ na bítaƒiɔ.

Yesaia 43:9

Bɛsala lisu amii kadi ƒui bekyuli. Bina ɔdi biala ulakana kɔnu kayi bubo bɔsu ɔnii lɛla lɛni na bina akɔ ɔdi ɔ́su nébo líte mɛni. Na si ɔdi ɔkya-mii akɔ na wakana bɔsu ɔnii bina ɔdi ɔ́su lɛla lɛdi úse na líbo lɛni sɔsɔ ni, na ubedie kenye na bunu.

Yesaia 48:16

“Bɛni bide-mi bibu na binu! “Ala ani ƒui na lɛ́ɛka bɔsu ni, ńtasu-nya ńtabɛ na ɔdi útenu-nya. Na uwi ɔni na ala ammɔ aalɛ́ lɛnɔ ni, nli mmɔ.” Unwoti Katɔti ɔkɛnku nwuna Kɔyu ɔyikun lɛlɔ na ɔ́tala-mi.

Yesaia 49:1

Ukyuli biala use kɔtu na unu, amii ɔgyu kadi bamba bekyuli ƒui bani nkya ɛpu ɔvi. Unwoti ɔ́ƒuna-mi na ɔ́sia-mi lɛnyi asa na báwɔ-mi.

Yesaia 50:8

Mina ɔgyumanane unye-mi kudɔ mɛni, anwuɔsu ɔdi ɔɔɔdubo-mi kudɔ bubo bubadu-mi likpidi lɛdi kɔtɔ.

Habakuk 2:20

Bɛya na kayawi bekyuli ƒui babla kpoo, ɔsika Unwoti ɔkya nwuna kakpakɔ kedee kemmo.”

Sakaria 2:13

Ɔdi biala ɔbla kpoo na baba lɛsɛ! Ɔsika Unwoti ɔkya-mii akɔ na uusié taasɔ na nwuna kakpakɔ kedee kemmo.