Yesaia 40:9 - Katɔti Ɔku Kedee

⁹ Awɔ ɔni nda litemi buni éboku Sion ni, kɔ sie abi kangyaa ammɔ eli. Na awɔ ɔni nda litemi buni éboku Yerusalem ni, kɔliku ƒula lɛdi katɔ momoomo. Va momoomo, na tayia! Su Yuda lɛma lɛmmɔ anini, “Aanu ƒula Katɔti!”

Yesaia 40:9 ပူးပေါင်းရင်းမြစ်များ

Ala Alɛdi 2 13:4

Abiya ɔ́kɔ úsie Semaraim Kɔbi lili na Eƒraim abi kalɔ lɛlɔ na ɔ́va ɔ́su ɔnini, “Yeroboam ku amii Israel kadi bekyuli, bise atu na binu!

Yesaia 1:1

Yesaia ɔni ndi Amos ubidi ɔ́nu kɔyu kemmo ala budie taatina adi na adanku Yuda ku Yerusalem. Útaanu ala amɛni na uwi ɔni na Usia ku Yutan ku Ahas ku Hesekia bélie bádi lɛga na ɔdi biala uwi kemmo na Yuda kalɔ lɛlɔ.

Yesaia 12:2

Sɔsɔ geen na ɔdi ka Unwoti úbo ɔnii ubaƒɔ-mi ngba. Ndubuti mina anu ƒui bɔsia-nwu lɛlɔ na lɛɛɛdubo bɔyia. Unwoti Katɔti ndi ukyuli ɔni mɔɔkya-mi ɔyikun, na anwu ndi ɔnu ɔni ndubɔkya-mi kenye uwi ƒui ka anwu ndi-mi ngba bɔƒɔ.”

Yesaia 25:9

Na limeyi lɛmmɔ lɛlɔ na bekyuli ƒui badubɔsu banini, “Sɔsɔ geen ni, bula Unwoti Katɔti ɔmmɔ na ɔdi mɛni. Anwu na bunye bɔɔnu ulu teete ka ubaƒɔ-bu. Bɛɛnu Unwoti ɔmmɔ, bɛya na lɛlɔ litaayɔ-bu na bɔkɛ ebiti geen na kalɛ na úbo ubaƒɔ ɔsu.”

Yesaia 35:2

Kalɔ kakwiidi kammɔ ala ƒui adubɔlɛ anwula ani mɔɔtina ka lɛlɔ lɛɛyɔ́-ka, na beteebo kudu ku lɛlɔyɔ kɔvanu. Na kalɔ kammɔ ala ƒui adubɔlɛ enye ataanwami aani Lebanon abi akumiɔ. Na eteekeye aani Karmel Kɔbi iye Saron Ɔkwalɛ. Na banu kalɛ na Unwoti Katɔti lɛgadi liikeye.

Yesaia 41:27

Ami náka Yerusalem kadi bekyuli lɛla lɛni mɔɔlɛ́ mɛni bɔsu. Na ami néti litemi buni lɛmmɔ lɛ́kya ɔtu ɔdi kenye.

Yesaia 44:26

Ndubɔya na mina kenye bediene ala ani básu banini, ‘Bekyuli badubo bumomo na baƒɔ Yerusalem ƒui na Unwoti ɔsɔku ɔma ɔmmɔ ɔda ubo-nwu kemmo.’

Yesaia 51:12

“Ami ndi Unwoti ɔni nése-mii kayi Na bi na bekyuli keeke badi? Bekyuli bani nse aani livo lɛni mɔɔyɛyɛ na ɔlɛka bitaayia-ma?

Yesaia 51:7

“Anwuɔsu amii bani ngyi lɛbuni lɛni na ɔdi ka bɛbla na bɛda mina ɔda bubo ku kayi ƒui ni, bise atu. Enu ataƒɛ-mii si bekyuli beedumi-mii na baatɛmi enyekpi na bina lɛlɔ.

Yesaia 52:6

Mina kadi bekyuli, bɛdubo-mi bɔnu bɔti ukyuli ɔni udu na ndi ku ami ɔni mɔɔtɛmiku-mii ɔni na nkya-mii akɔ mɛni.”

Yesaia 58:4

Bɛɛkɛ́ ku kɔnyi muedi na binye kagyumana ka bikpo. Nsu utabla-mii dɛye dɛye, ɔsika Unwoti ulakana na wenu-mii bɔkpali na ɔbladu ɔmɛni kemmo!

Yesaia 61:1

Unwoti Ɔyikune Ƒui Kɔyu kɔ́ƒɔ-mi lɛlɔ kemmo! Ɔsika ɔ́tala-mi ɔnii nkɔ litemi buni lɛsa nte bawabane. Na lɛbwi bani muunú ɔlɛ na bana kayi kemmo na basɔ beeebo lɛnunsia, na libo kudu lite bani na béƒie na bébo-ma lɛkpu ka badubɔkɛ bɔnwuna na balɛ kasuudikɔ mmɔ.

Yeremia 22:20

Unwoti ɔnini, “Amii Yerusalemƒuɔ, kadi bani bekyuli lɛlɔ na bíti anu bɛ́sia ni, bana lɛma na bábwɛ mɛni. Bisie Lebanon na bitéwulo kɔnyana na bisie Basan kalɔ lɛlɔ na Moabƒuɔ kalɛkɛ lɛlɔ bitéwulo keku.

Yeremia 29:11

Lɛ́lɛ ugyii ka ndubute-mii kusɛ kusɛ bitaasia ala abuni anu na bina ngba bɔni na bɛdubulie uwi ɔni mebo kemmo ƒui na ala adianku-mii, na lɛbibo lɛdi lɛsɔ lilebo-mii lɛlɔ.

Nahum 1:15

“Amii Yudaƒuɔ, bɛɛnu ka ɔtalane ɔdi ɔ́si abi lɛlɔ ɔdubo ku keyi buɛɛ linyesia lɛbuni. Bɛdi bina emeyi abuni ku lɛlɔyɔ na bɛbla bɛsiaku kenye kani na bíse Unwoti lɛlɔ. Ɔsika lɛ́yila bina bekisine ƒui udu, na nsɔ lɛɛɛdubo bɔya na basɔ bebekpo-mii.”

Luka 24:47

Na nwuna basiakune badubɔkɔ lɛsa na nwuna lɛnyi kemmo bete kalɔ ƒui bekyuli banii benwini kayi kalɛ na Katɔti uti bana ekpidi ɔkyiɛ-ma. Na lɛsa bɔkɔ bɔmmɔ bɔdubuse kalɔ bɔsi Yerusalem.

Batalane Kabla 2:14

Mmɔ na Petro ɔ́ta únye na bana leevu-unwi bammɔ akɔ na ɔ́talaku lɛdi katɔ ɔnini, “Amii Yudaƒuɔ ku amii bani nli Yerusalem ƒui, mɔɔyɔ́ ka lidie ala amɛni ƒui kalɔ, anwuɔsu binu kaduɛ.

Batalane Kabla 4:13

Ka lɛlɔ badine ku benengu bammɔ bánu kalɛ na Petro ku Yohane bábla kayi ku ɔtɔtɔ ku kalɛ na lɛkpaklɔ bekyuli badi na beeebo kenyekɔ kadi lɛnɔ na kadi akɔ ɔsu ni, ɔ́bla-ma kalɛ kadi. Na bánu báti ka ama ku Yesu ni, bavinkpana na badi.

Batalane Kabla 4:29

Na ɔƒaani ni, O Ati, nu liƒu lɛni na badaku-bu bɔkya, na ete abu, ƒula kabla bablane, kayi buse na bɔkana litemi buni lɛmɛni bɔsu.

Romaƒuɔ 10:18

Nsu lɛla lɛni muuye ɔƒɛni ndi ka ni, bunu na Yudaƒuɔ bétenu Katɔti litemi lɛmmɔ? Oowo! Bénu-ni aani kalɛ na Bunweni Kedee Ɔku ɔ́su ɔnini, “Bénu-ma kɔku na kayawi ekpo ƒui, na bana etemila égyingya ésie kayawi kawɔlɔkɔ ƒui.”

Eƒesoƒuɔ 6:19

Bivele na ami lɛnɔ lili na Katɔti ɔya na kenye kada-mi kalɛ na makana menye kpakplaa na medie litemi lɛmmɔ abɛla matina bekyuli na ɔyikun kemmo.

Timoteo 1 3:16

Katɔti litemi kedee lɛni na bédie keyi ni, lɛ́ƒɔ kuye geen na ukyuli biala ulakana na weni-ni. Ani ndi ka, “Blɔti úbo aani ɔyawine ubi. Katɔti Kɔyu kɔ́gyila-nwu na kúte-nwu ubo. Na katɔ batu bánu-nwu. Na bekyuli bákɔ-nwu lɛlɔ lɛsa na kadi ƒui akɔ. Bekyuli pii báƒɔ-nwu bádi na kayawi. Na Katɔti úti-nwu úsienku katɔ.”

Petro 1 3:14

Nsu si eebó abi adi na lɛbuni lɛni na aabla ɔsu ni, ya na lɛlɔ litaayɔ-ɔ. Tayia bekyuli bammɔ, na kayi lɛnɔ ketekpoku-ɔ.

Litemi Batɛne 9:7

Ka Yotam únu litemi lɛmɛni ni, ɔ́kɔ úsie Gerisim Kɔbi lili, na mmɔ na ɔ́kɔ lɛsa momoomo ɔ́su ɔnini, “Ami Sekemƒuɔ binu mina litemi kalɛ na Unwoti lɛnɔ wenu bina litemi.