Yesaia 4:4 - Katɔti Ɔku Kedee

⁴ Na Unwoti ɔdubɔkpila Yerusalem beleku bammɔ ƒui sɛɛn na bana ekpidi ɔsu. Na udie ubugya ɔni na ɔ́dɔli Yerusalem ƒui na nwuna lɛlɔ, ku kɔyu kɔni mɔɔtɛ litemi siin na kuse aani ogya ɔni mɔɔkyula ala.

Yesaia 4:4 ပူးပေါင်းရင်းမြစ်များ

Kɔgya 51:2

Kpila-mi kede kede na mina ekpidi ɔsu na lɛlɛ sɛɛn na mina bɔƒiɔ ƒui kudɔ.

Lɛnu Ƒui Ɔnu 3:11

Bɛlɛ bibo amii Sion belekubi na bibanu kagabwa kani na Salomo uni úte-nwu na nwuna uleku buti limeyi bɔdi lɛlɔ.

Yesaia 1:15

Na ɔ́si ɔƒɛni úsela ni, si bɛ́kɔliku bina enu katɔ bɛɛkpali-mi muedi ni, lɛɛɛdubo-mii bunwini bɔnu. Na si ina binye bɛɛkpali-mi na uwi útu muedi ni, lɛɛɛdubo-mii bɔkpete. Ɔsika bekyuli bani nátabla-mii lɛla lɛdi asa na bɛ́du-ma ubugya ɔ́ƒɔ-mii enu ƒui.

Yesaia 1:25

Ndubo-mii bina likpidi kasi budie geen na ndubo-mii bɔnwamana na lidie eku ana ƒui bina lɛlɔ ku bina bɔsɔ ƒui kaduɛ.

Yesaia 1:31

Na bina bayikune ƒui badubɔyii aani kalɛ na keti kaakywí na ɔdi ulakana bunine.”

Yesaia 27:9

Na ɔkɛnku ɔmɛni lɛlɔ na ndubudie kɔtu bɔni bana lɛlɔ na bana ekpidi ammɔ alɛ-ma lɛlɔ ƒui. Na lɛnɔ ni, ntu bábwɛ akpabi ani na bátu ku atabi mmɔ kpɛtɛ kpɛtɛ. Na babwɛ Asera baƒiɔ na bagyu-ma ku lɛƒiɔgyii lɛmmɔ na abi lɛlɔ kesii kani na baakyula oloƒui teete-ma mmɔ ƒui na basɔ balanu ka ɔdi unye.

Yesaia 28:6

Na ɔdubunwini kɔyu kɔni mɔɔtɛ litemi siin ute bani mɔɔtɛ bekyuli etemila. Na anwu ɔmmɔ ndubɔbla ɔlɔkplu ku ɔyikun ute bani nnye ɔban kenye ka babɔku kekpo biala.

Yesaia 9:19

Unwoti Ɔyikune Ƒui kɔnyi kpakplaa ɔsu ni, kalɔ kammɔ kadubɔkula lɛlɔ geen, na bekyuli bénwini ekyweni bete ogya ɔmmɔ, na ɔkpanadi kɔnyana bɔnu buuubo.

Yesaia 9:5

Na bekpone adala ku agbanvuo ani nákpi ubugya na kekpo ni, ala ammɔ bene ƒui adubunwini ala ani na badubo ogya bɔkya.

Yeremia 9:6

Ukyuli biala ɔɔwia ka ɔkɛ ɔkpanadi lɛlɔ kɔsia. Na ɔdi biala uláwia ka ɔƒɔ enu ɔnii ami ndi Unwoti.

Kɔnyana Buwulo 1:9

Nwuna ekpidi énwini ala éduo-nwu adala na uleti kasusu lɛla lɛni ndubo-nwu bɔlɛku na uwi ɔni ntɔ-nwu anumi adubo lɛlɔ. Anwuɔsu Yerusalem kalɔ bubo bɔdi kɔnyana litemi bonwu, na ukyuli ɔdi uuubo na ɔsia-nwu kɔnu uwi ɔni na ɔ́su ɔnini, “Unwoti, nu kalɛ na mina bekisine bádi-mi lɛlɔ na muubó abi na anu-mi kɔnyana.”

Esekiel 22:15

Ndubo-mii bugyingya bɔkya kadi bamba bekyuli kɔlɔ ƒui lɛlɔ na kalɔ lɛlɔ mɛni, lɛya na bɛda bina alaekpidi bɔbla ngba bɔni udu na bilie mmɔ bɛya.

Esekiel 36:25

Ndubo ntu bɔni nse sɛɛn bɔkuna buwi-mii lɛlɔ na bina lɛlɔ lɛbla sɛɛn na lɛƒɔ-mii. Ndubo-mii ntu bɔkpila na bɛlɛ sɛɛn bɛsiku lɛla biala náya na biisé lɛlɔ kudɔ ku baƒiɔ ala anu ƒui muusé lɛlɔ mmɔ kudɔ.

Esekiel 36:29

Na ndubo-mii bɔgyumana bɔsiku ala ani ƒui mɔɔyá na biisé lɛlɔ kudɔ. Na bina mmo bɔdubɔdi edula pii na kɔka kɔsɔ kuládu ɔdi.

Yoel 3:21

Na bekyuli bani ƒui na bádu ni, ndubo bana badune ƒui bɔdu budie kasi. Ami Unwoti nli Sion.”

Seƒania 3:1

Bɔbuɛ ute Yerusalem ɔsika ɔda bubo lɛlɔ tadi ɔ́ya na likyulikpi lɛ́ƒɔ ɔma ɔmmɔ, na ala ébie na uusé lɛlɔ.

Sakaria 13:1

“Libiɔ lɛdi lɛdubo bɔkya na uwi ɔni mebo kemmo, na nina kemmo na Dawid bebi ku bawɔ badubɔkana na baƒɔ bana ekpidi ku bɔƒiɔ ƒui bedie lɛlɔ.”

Sakaria 13:9

Na ndubɔƒɔ bani nébu mmɔ lɛlɔ na lɛbla-ma kedee na lɛkɔku-ma lɛnu aani kalɛ na baaƒɔ sika ugyiedi ku ɔƒualadi taanu nwuna bɔdia. Na badubo-mi bɔkpali buvele ala na linu na libunku-ma. Na ndubɔsu nnii, ‘Mina bekyuli na bɛdi,’ na ama lɛnɔ badubɔsu banii, ‘Awɔ Unwoti ndi bula Katɔti.’ ”

Malakai 4:1

“Litemi Bɔtɛ Limeyi lɛdubo ɔni na lɛla lɛdi liletile kuƒi kɔmmɔ. Na limeyi lɛmmɔ lɛdubuse aani lɛyu lɛni náƒɔ ogya ku ogya livongu bonwu lɛni muudie ogya linyemi lɛni ndubo alaekpidi bablane ƒui bɔkyula kede kede aani livo. Na kegyigba iye ugyitu ɔdi ulébu. Ami, Unwoti Ɔyikune Ƒui, násu!

Mateo 23:37

“Yerusalem, Yerusalem! Awɔ muubó Katɔti kenye bediene ku bekyuli bani na Katɔti ɔ́tala ɔ́kya-mii atabi taadu. Kɔlɛ kɔlɛ sɔɔn mɛni na líbimi mina enu nnii mɔɔsála-mii aani kalɛ na akɔkɔ uledi uuti nwuna avwi teebi nwuna bebi lɛlɔ, nsu étenu kalɔ!