Yesaia 4:1 - Katɔti Ɔku Kedee

¹ Na emeyi ammɔ kemmo ni, beleku maatɛ ndubo ɔnana unwi bɔnwanɛ, na basu-nwu banini, “Ya na bulieku-ɔ, abu alati bɔdubɔwia bula lɛdila ku adala, na bekyuli badubɔnu-bu bamana-a aani ƒula beleku na baláma-bu aani bakinsi. Die kɔƒa kɔmmɔ lɛti lɛti na bula lɛlɔ.”

Yesaia 4:1 ပူးပေါင်းရင်းမြစ်များ

Samuel 2 6:23

Na Saul ubidi Mikal ɔmɛni útawɔ ubi ɔdi úti útédu nwuna likpimeyi.

Yesaia 10:20

Na uwi ɔmmɔ ni, Israelƒuɔ ɛlɛɛ bani mebu na badi Yakob kaba kemmo bebi ni, basɔ beleti bana anu balasia bekyuli bani nékpo-ma na bádi-ma lɛlɔ banii ama ndubo-ma bubunku. Mmomu Unwoti Israel Katɔti Kedee na badubuti bana kayi ƒui basia.

Yesaia 13:12

Ndubɔya na bekyuli basa na kebu ɛlɛɛ geen utulo kalɛ na Oƒir sika ugyiedi ɔbuni ƒui use ɛlɛɛ.

Yesaia 17:7

Uwi ɔmmɔ ni, bekyuli badubunwini banu bana Udiene Israel Katɔti ɔni nse kedee.

Yesaia 2:11

Limeyi lɛmmɔ ni, bekyuli bekpidi bani mɔɔnu bekyuli ɔnusɛ bɔdubɔkya lili kalɔ, na lɛlɔ katɔ bɔkɔliku biala bɔdububo kalɔ.

Yesaia 2:17

Na bekyuli atuɔkplu ku lɛlɔ katɔ bɔkɔliku ƒui ɔdububoku-mu kalɔ. Na Unwoti lɛnyi kani ndubɔkɔ katɔ limeyi lɛmmɔ.

Yesaia 3:6

Na uwi ɔmmɔ ni, ɔnwa ɔdubɔta na ɔsu ɔnwani na ɔti kaduli ɔnini, “Ka awɔ ebo ala adadi ɔsu ni, awɔ nwini bula ɔtɔnkune na anu kalɛ na aklibi ala ani nébie mɛni!”

Yesaia 54:4

“Bitayia, na kɔƒa lɛnɔ kutekpo-mii, na enu lɛnɔ ataƒɛ-mii, ɔsika lɛɛɛdubo-mii kɔƒa bɔkya. Bɛyiƒala bina lɛnamu uwi ekpidi ani na bɛ́bla. Na kalɛ na bɛ́ƒɔ lɛlɔ bɛkya aani bekpinele lɛnɔ ɔsɔ utekpo-mii kɔƒa.

Yeremia 15:8

Bekpinele badubo bumomo na Yuda butulo kalɛ na ɛpu kɔnwinimi kuse na ɛpu kɔtu. Bekisine badubo-mii buyu bɔtu na bekpo-mii na ɔƒiiwi na bebi beni beteewulo bana bebi.

Luka 1:25

Amu na Elisabet ɔ́su ɔnini, “Ɔƒɛni ni, Katɔti ɔ́bla ɔmɛni úte-mi, na ɔ́tala mina kɔƒa na kadi anumi.”

Luka 21:22

Ɔsika uwi ɔmmɔ kemmo ndi kɔtu bɔni emeyi ani nálɛ ka ebo aani kalɛ na Bunweni Kedee Ɔku kemmo etemila átina kalɛ.

Tesalonikaƒuɔ 2 3:12

Buubó bekyuli bamɛni ɔda kpakplaa na Blɔti Yesu Kristo lɛnyi kemmo bɔnii bada ngba kaduɛ na beti bana enu bawia bana lɛdila.

Samuel 1 1:6

Hana tawɔ tawɔ ɔmɛni ɔsu ni, ogyulo ɔɔyɔ́-nwu kenye uwi biala kalɛ na uteewulo kɔnyana.