Yesaia 38:3 - Katɔti Ɔku Kedee

³ “Unwoti, nyimo ka lɛ́bla ala siin na ulu lɛlɔ na ƒula anumi. Na líti mina kayi lɛnɔ lɛ́sia awɔ lɛti lɛlɔ. Na lɛ́kya ɔkplu ka lɛ́bla lɛla lɛni na aayɔ́.” Ɔmmɔ kama úsie kalɔ uuwulo momoomo.

Yesaia 38:3 ပူးပေါင်းရင်းမြစ်များ

Ala Kalɔ Buse 17:1

Uwi ɔni na Abram ɔ́ƒɔ akwa liti ku aavlene-yaalenwi ni, Unwoti údie lɛlɔ ɔ́tina-nwu na ɔ́su-nwu ɔnini, “Ami ndi Katɔti Ɔyikune Ƒui. Mɔɔwia ka elie ngba sɛɛn ɔni na aláƒiɔ-mi.

Ala Kalɔ Buse 6:9

Noa ngba litemi na bɔdubo bunu mɛni. Noa ɔdi ukyuli ɔni nse siin na likpidi lɛdi lɛɛɛda-nwu na bakladi akɔ. Na ɔ́siaku Katɔti kama geen.

Baga 1 15:14

Ina ka útegyingya baƒiɔ bammɔ na ekpo adi bene ni, Asa kayi kásia Unwoti lɛlɔ nwuna ngba emeyi ƒui.

Baga 1 2:4

Ɔmmɔ ndubɔya na Unwoti wadi nwuna kenye kani na úse-mi lɛlɔ ɔni na ɔ́su-mi ɔnini, ‘Si ƒula bawɔ básia bana keliela anu na baadi mina etemila lɛlɔ na basiaku-mi kama siin ku bana kɔyu ku kayi ƒui ni, bana akɔ na ubi ɔnanabi ɔdubɔsi na ulie Israelƒuɔ lɛgaboku lɛlɔ uwi biala kemmo.’ ”

Baga 2 18:3

Na ɔ́siaku ɔti Dawid ɔbladu kama. Na ɔ́bla ala ani na Unwoti ɔɔyɔ́.

Ala Alɛdi 1 28:9

“Mina ubi Salomo, mɔɔsu-ɔ kpakplaa ka kya Unwoti lili kalɔ uwi biala na asiaku-nwu kama siin na adi nwuna litemi lɛlɔ ku ƒula kayi ku kasusu ƒui aani kalɛ na lɛ́bla. Ɔgyi ƒula lili kemmo kasusu ku kakali biala na ada aabla ala. Anwuɔsu si énwini ésie-nwu kudɔ ku kayi ƒui ni, ɔdubunu ƒula buvele. Nsu si énwini kama ákya-nwu ni, anwu lɛnɔ ɔdubuni-ɔ uwi ƒui.

Ala Alɛdi 1 29:19

Na aya na Salomo utaayɔ-ɔ na ɔdi ƒula etemila ku ƒula ala bɔtina ƒui lɛlɔ siin. Na ƒula kakpakɔ kamɛni bɔtu bɔyɔ bɔda-nwu kayi kpakplaa ɔni ɔsu na líti ala amɛni muute-nwu.”

Ala Alɛdi 1 29:9

Na béte ala pii geen na lɛlɔ lɛ́yɔ-ma ku ebiti geen.

Ala Alɛdi 2 16:9

Unwoti ɔɔsia ukyuli biala anu uwi biala na uuti nwuna ɔyikun teete bani na béti bana anu básia-nwu lɛlɔ na basiaku-nwu kama siin uwi biala. Nsu kɔdɔlɔ lɛla na awɔ ábla mɛni. Na ɔmmɔ ɔsu keyi buɛɛ kasɔ kaaadubo ƒula lɛgakadikɔ kammɔ bɔkya uwi ɔdi lɛnɔ.”

Ala Alɛdi 2 25:2

Ina ka Amasia ɔ́bla lɛbuni na Katɔti anumi ni, útadi nwuna etemila ƒui lɛlɔ ku nwuna kayi ƒui kede kede.

Esra 10:1

Uwi ɔni Esra ɔkya uubó lɛlɔ taava kalɔ na uuwulo taakpali Katɔti na uudie bana alaekpidi kalɔ teevele buti taakyiɛ na Katɔti kaduli ni, bekyuli lisu pii bábaka bámana-nwu na badi beleku ku banana ku banamu na ama lɛnɔ bakya beewulo momoomo.

Nehemia 1:4

Amu ka línu etemila amɛni ni, lílie kalɔ emeyi adi na líwulo kɔnyana na línyimi kenye na lívele Unwoti ɔni nkya katɔ na lɛ́kpali-nwu.

Nehemia 13:14

Amu na ami Nehemia muuvele Katɔti nnii, “Mina Katɔti, nyimo-mi na kabla kabuni kani lɛ́bla na ƒula kaduli, na taya na kabla keeke.”

Nehemia 13:22

Mmɔ na líbo Lewiƒuɔ bammɔ ɔda ka ɔdi biala utábla lɛlɔ sɛɛn na beteesie batágyumana kɔyakun kɔmmɔ kalɛ beeti ɔbu beete lɛnwunameyi. Amu na lívele Katɔti nnii, “Mɛni lɛnɔ ni, nyimo-mi na anu-mi kɔnyana ɔ́si ƒula bɔyɔ bonwu bɔni ebo ɔsu.”

Nehemia 13:31

Na lɛ́ya béyi kugyiikɛ kɔni beeti taakyula akpala na béti béboku nwuna uwi lɛlɔ. Na básɔ béyi bana edula ebi edeedi ani na báƒɛ ku adingyii ebi edeedi ani béde na béti béboku bábabla akpala na uwi lɛlɔ. Amu na lívele Katɔti ka unyimo-mi na nwuna kɔnyana bɔnu kemmo.

Nehemia 5:19

Amu na lɛ́kpali katɔ lɛ́su nnini, “O Unwoti Katɔti, nyimo-mi ku kɔnyana bɔnu na ala ani ƒui lɛ́bla líte bekyuli bamɛni ɔsu.”

Kɔgya 101:2

Bo na ebebunku-mi. Mmɔ na ndubɔkana lɛlɔ bɔda kaduɛ ntaabla lɛbuni kalɛ na naaaƒiɔ-ɔ na mina kaduli.

Kɔgya 102:9

Ntɔ bɔni kemmo muulie búnwini mina adila ani mɔɔdi. Na mina mmii lɛnɔ búnwini ntu bɔni mɔɔní.

Kɔgya 119:80

Ya na mina kayi kasia ulu siin lɛlɔ na ntasia ƒula litemi kama kalɛ na kɔƒa kulékpo-mi.

Kɔgya 16:8

Nnye mɔɔnu-nwu anumi uwi ƒui. Na ka unye-mi kɔdianu aani mina lɛkpa kalɛ ɔsu ni, lɛɛɛdubo bɔgbanta.

Kɔgya 26:3

Ngyi ka ebo bɔyɔ bɔni na bulavumana na aadi ƒula litemi lɛlɔ uwi ndi uwi, anwuɔsu na nsiaku-ɔ kama.

Kɔgya 32:2

Na lɛlɔ lɛdubɔyɔ ukyuli ɔni ekpidi na Blɔti ulábu teese-nwu na ɔkɔ ala bɔbla bɔdi buuubo-nwu lɛlɔ kemmo.

Kɔgya 6:6

Líiwulo kɔnyana laa na lɛ́yii udu. Na mina atɛla ku lɛla lɛni na mɔɔsia lili ƒui aaƒɔ́ mmii usien biala na mina keku kani muuwulo ɔsu.

Kɔgya 6:8

Amii alaekpidi bablane, bɛkpɛ bɛlɛ-mi lɛlɔ! Unwoti Katɔti uunú-mi buwulo.

Yesaia 38:2

Mmɔ na Hesekia úti nwuna anumi ɔ́tina kowodu na ɔ́kpali Katɔti ɔ́su ɔnini,

Yesaia 38:4

Ɔmmɔ kama linyesia lɛdi lɛ́si Unwoti kudɔ líbo Yesaia kudɔ ɔnini,

Hosea 12:4

Na Betel lɛnɔ ni, anwu ku Katɔti ɔtu ɔdi bása kayi na ɔ́di-nwu lɛlɔ, na ɔda imii blabla úvele-nwu ɔnii ute-nwu kusɛ kusɛ. Mmɔ na ɔ́tɛmiku-nwu,

Yohane 1:47

Ka bákpɛ beedé na Yesu ɔ́nu ka Natanael ɔdubo ni, ɔ́su-nwu lɛlɔ kɔtɛ ɔnini, “Bɛɛnu ka ukyuli ɔdi ɔdubo na ulatɔlɔ bekyuli. Ɔdi Israelni geen!”

Korintoƒuɔ 2 1:12

Lɛla lɛni ɔsu na bɔɔkun lɛmɛnɛ ndi ka bula kayi kaladu-bu kɔtɔ, ɔsika bɔ́da bula lɛlɔ kaduɛ na bekyuli ƒui akɔ. Na abu ku-mii kelie kakɛ Katɔti ulu lɛlɔ, na katɔlɔ keeebo-nwu kemmo. Ɔɔɔdi kayawi kamɛni kemmo lɛnunda na búti bulieku-mii lɛni, mmomu Katɔti lɛƒɔndia ku nwuna ɔyikun lɛlɔ na bɔ́sia.

Lɛkpa Ulu 6:18

Na bɛbla ala ani nse siin na adia na Katɔti anumi kalɛ na lɛla biala lisie siin lite-mii. Na bɛkana na bisie bitéti kalɔ kabuni kani na Unwoti úse kenye úse ka weti-ka wete bina bati kuuku mmɔ binwini bina kadikɔ.

Hebriƒuɔ 5:7

Uwi ɔni na Yesu úlie ngba na kayawi kamɛni lɛlɔ ni, ɔ́kpali katɔ úvele Katɔti ɔni kani ndubɔkana na udie-nwu na kukpi kemmo ku kɔvanu momoomo ku imii. Na Katɔti únu-nwu bɔkpali, ɔsika úboku lɛlɔ kalɔ úte-nwu na ɔɔbu-nwu ɔsu.

Hebriƒuɔ 6:10

Katɔti ɔɔbla lɛla biala ulu lɛlɔ. Na uláyiƒala bina ala ani na bɛ́bla. Ɔgyi ka bɛɛyɔ́-nwu ɔkɛnku kalɛ na bíbunku nwuna bekyuli. Na bɛmu biibunku-ma úbedu ɔƒɛni.