Yesaia 32:4 - Katɔti Ɔku Kedee

⁴ Na bekyuli bani na beeebo lɛlɔ buwi na bana lɛlɔ kemmo lɛnɔ badubɔkɛ kayi na babla kasusu. Na bani mɔɔtɛmi taawalɛ lɛnɔ badubɔtɛmi siin.

Yesaia 32:4 ပူးပေါင်းရင်းမြစ်များ

Israelƒuɔ Bɔlɛ 4:11

Amu na Unwoti ɔ́su-nwu ɔnini, “Ɔma nédie ukyuli kenye? Na ɔma mɔɔbla ukyuli na ulákana butemi iye ulenu? Na ɔma mɔɔyá na ukyuli ɔɔnu iye ɔɔyá na anumi aabwɛ-nwu si ɔɔɔdi ami Unwoti?

Lɛnu Ƒui Ɔnu 7:9

Si ukyuli ɔ́kya-a kɔgbu ni, ɔɔyu kayi teetulo si áni ntɛ bɔni ndia ntulo ƒui. Bi nsɔ nse mini mini na ɔdia lɛni?

Yesaia 29:24

Na ukyuli biala ɔni na ɔ́yii ulu, ɔsu na ɔɔƒiɔ́ na kɔyu kemmo ni, ɔdubunu ala kalɔ na ɔbla-nwu nwaa. Na bani na mɔɔkya unyeƒi lɛnɔ ni, badubunu mina ala ani na mɔɔtina-ma kalɔ na badi-mu lɛlɔ.”

Yesaia 35:4

Na bɛsu bani na ɔtɔtɔ ɔɔgyú-ma bɛnini, “Bise kayi na bɛda bɔyia bɛya, ɔsika bina Katɔti ɔdubo na ubedie-mii na udie bina bekisine kasi ute-mii.”

Yesaia 35:5

Na mmɔ ni, banumbwɛne badubɔnu na batutine benu.

Mateo 11:25

Uwi ɔmmɔ kemmo ni, Yesu ɔ́sɔ ɔ́kpali katɔ ɔnini, “Ati, katɔ ku kalɔ Unwoti, mɔɔgyá-a enu. Éti ala amɛni ábɛla banundane ku bakutine, na édie-nya átina bani nétesie anumi na lɛlati lɛdi kemmo.

Mateo 16:17

Amu na Yesu údie kenye ɔnini, “Lɛlɔ litaayɔ awɔ, Simon, Yona ubidi. Ɔsika ɔɔɔdi ɔyawine nédie litemi geen lɛmɛni ɔ́tina-a. Mmomu mina Ɔti ɔni nkya katɔ nédie ɔ́tina-a.

Batalane Kabla 4:13

Ka lɛlɔ badine ku benengu bammɔ bánu kalɛ na Petro ku Yohane bábla kayi ku ɔtɔtɔ ku kalɛ na lɛkpaklɔ bekyuli badi na beeebo kenyekɔ kadi lɛnɔ na kadi akɔ ɔsu ni, ɔ́bla-ma kalɛ kadi. Na bánu báti ka ama ku Yesu ni, bavinkpana na badi.

Batalane Kabla 6:7

Amu na bekyuli pii báƒɔ Katɔti litemi buni. Na baƒɔtaadine lɛnɔ bémomo na Yerusalem bébu. Na Yudaƒuɔ bakpane pii badi lɛnɔ bénwini basiaku bɔƒɔtaadi bɔmmɔ kama.

Galatiƒuɔ 1:23

Na lɛla lɛni kani na bénu na mina lɛlɔ ndi ka, “Ukyuli ɔni na nka ɔ́kya úteekpoku-bu mmɔ ni, ɔƒɛni amu ɔkya ɔɔkɔ́ bɔƒɔtaadi bɔni na ɔ́yɔ ka nka ubile mmɔ lɛsa.”