Yesaia 3:9 - Katɔti Ɔku Kedee

⁹ Na bana anumi lɛlɔ muedi adubɔnu bana bɔƒiɔ ati. Na anumi ku anumi na baabla ekpidi ammɔ, aani Sodom kadi bekyuli kalɛ na balábɛla-nya muedi. Bɔbuɛ ute-ma! Ama alati néti bana ɔgbankpi kɔtu bɔni béboku lɛlɔ.

Yesaia 3:9 ပူးပေါင်းရင်းမြစ်များ

Ala Kalɔ Buse 13:13

Na uwi ɔmmɔ kemmo ni, Sodom bekyuli bebo kuli ɔkplu na bátaabla alaekpidi lidu lidu taaƒiɔ Katɔti.

Ala Kalɔ Buse 19:34

Limeyi lɛni nsia ni, ulekubi unengudi ɔ́su ɔnwani ɔnamudi ɔnini, “Usien ɔni návi ni, ńtátɛ bula ɔti kudɔ. Anwuɔsu ya na bɔsɔ bute-nwu ntɛ na ɔ́ni ukpi ɔmwi lɛnɔ na awɔ lɛnɔ esie na atátɛ-nwu kudɔ ɔmwi usien kalɛ na bula ɔti kaba kalayii.”

Ala Kalɔ Buse 4:5

Nsu Kain ku nwuna etela átada Unwoti Katɔti kubiti. Ɔmɛni ɔsu Kain úti kɔnyi kati kati na nwuna anumi ávumana.

Baga 2 9:30

Ɔmmɔ kama Yehu útédu Yesreel na ka Isebel únu-nwu kɔku ni, ɔ́kwa nwuna anumi na ɔ́bla linwini na ɔ́kya lili ɔ́nu ƒansili.

Kɔgya 10:4

Ukyuli ukpidi ɔɔɔdaku Unwoti lɛda na ɔɔkali ka Unwoti uuubo kenyekɔ kadi na nwuna keliela kemmo.

Agba 15:32

Si éni anii ukyuli utedie-ɔ bɔƒiɔ ni, awɔ ɔlati lɛlɔ na aabla kalala. Nsu si áda lɛlɔ na bédie ƒula bɔƒiɔ bátina-a ni, adubɔkɛ lɛlati na eteenu ala kalɔ.

Agba 30:13

Baakɔliku lɛlɔ katɔ teetuloku lɛlɔ na baanu lɛla biala tapii.

Agba 8:36

Nsu bekyuli bani na báyii ulu na bátanu-mi ni, bábla lɛlɔ kalala. Na bani muukisi-mi ni, bati ka kukpi na baayɔ́.”

Yesaia 1:10

Amii bani nse aani Sodom batɔnkune, bise atu na binu Unwoti lɛla lɛni na ɔɔsu, binu bula Katɔti ɔda bubo, amii bani nse aani Gomora kadi bekyuli!

Yesaia 3:16

Unwoti ɔnini, “Yerusalem beleku balábu. Bákpa bana amɔ bakɛ beesé anumi teete banana, na bana enwu eti kayaa, na ala ani nda-ma akɔnkɔ ku anikpo aabla kɔku na beebó lɛlɔ kudu. Katɔti ɔdubɔni-ma kɔtu.

Yesaia 57:20

Bekyuli bekpidi bese aani ɛpu ɔni mɔɔnwanɛ lɛlɔ na ɔɔtala nwuna kalɔ eku ku aba uwi biala.

Yesaia 59:12

O Unwoti Katɔti, bɔ́ɔƒiɔ-ɔ kɔlɛ kɔlɛ, na bɔ́ta búnye-ɔ lɛlɔ. Na bula ekpidi aadú-bu kɔtɔ ka bɔ́bla likpidi!

Yeremia 2:19

Bina likyulikpi ndubo bunwini bina lɛtuni. Na kalɛ na bɛ́ta bínye-mi lɛlɔ na bíni-mi mɔɔdú-mii kɔtɔ. Ɔdi likpidi ku kɔtɔ bɔdu kati kati ka eni ami Unwoti Katɔti ɔsika ɔɔtina ka biláyia-mi munu munu. Ami Unwoti kadi ƒui Katɔti násu.

Yeremia 3:3

Anwuɔsu na ami Unwoti lítile kayaa na ketudi ɔnantu úbulo bɔna bute-mii. Nsu ɔmɛni ƒui muedi kɔƒa kulekpo-mii na bina ɔbladu ɔsu aani kalɛ na kɔƒa kulekpo ɔyalɛ na nwuna lɛsɔnɔdi ablala lɛlɔ.

Yeremia 6:15

Ɔlɛka kɔƒa kuteekpo-ma na bana ekpidi ani muusé lɛlɔ mmɔ ɔsu. Nsu bana anumi aláƒalɛ lɛla lɛdi munu munu. Anwuɔsu si nnii mɔɔní Yudaƒuɔ kɔtu ni, bana kɔwɔlɔkɔ ndi kukpi na bana ƒui badubo bubuli bɔtɛ kalɔ na bekpi ƒui aani bekyuli bamba kalɛ. Ami Unwoti násu.”

Yeremia 8:12

Ɔlɛka nka kɔƒa kukpo-ma na bana alaekpidi ani muusé lɛlɔ mmɔ ɔsu, nsu bana anumi aláƒalɛ muedi. Anwuɔsu si lɛ́ni Yuda kɔtu ama ɔdi ɔdubo bɔsa na bekpi aani kalɛ na bekyuli bamba lɛnɔ beekpi na beduo kubiɔ.

Kɔnyana Buwulo 5:16

Yerusalem ɔ́yila nwuna bukeye! Na abu ɔdi ɔ́sa, na bɔ́yii udu na bula ekpidi ɔsu.

Esekiel 16:30

“ ‘Ami Unwoti Katɔti mɔɔsu ka biisé lɛlɔ geen ɔni bɛɛkana na bɛɛsia ulu biala lɛlɔ na bɛkɛ lɛla lɛni na bɛɛwia.

Esekiel 16:49

“ ‘Bátaatalaku lɛlɔ katɔ na bébile lɛlɔ. Na ala ƒui ása-ma, nsu ina amu béni na bétebunku bawabane ku bani na balakana na bebunku lɛlɔ na ulu ɔdi lɛlɔ.

Esekiel 23:16

Uwi ɔni kani na ɔ́nu-ma mmɔ kani na use-nwu aani ɔlɛka anwu ku-ma batɛ. Anwuɔsu ɔ́tala batu badi ɔnii batálɔ-ma beboku-nwu.

Daniel 7:20

Na lɛnɔ ni, mɔɔwia ka lɛti lɛla lɛni na ese leevu ammɔ enye ete. Na ɔni na utulo ƒui ndi lise libliidi lɛni nábaƒɔ ese atɛ amɛni kunyekɔ ku anumi ani nlɛ-ni lɛlɔ ku lɛla lɛni ɔsu na ɔɔtɛmi ku lɛmɛnɛ bɔkun lɛni aani si butulo na utulo bakladi ƒui.

Hosea 13:9

“Israel, awɔ ɔdi ɔ́sa. Sɔ tasia lɛnu anii adubɔkɛ kebunku kadi asiku-mi kudɔ.

Hosea 5:5

Israel kadi bekyuli lɛlɔ katɔ bɔkɔliku muudie bana ekpidi keyi. Anwuɔsu na ama bani ndi Eƒraim kaba kemmo bebi mmɔ badubo bubuli, na Yuda kadi bekyuli lɛnɔ bebunku-ma, na bana ƒui badubo bubuli.

Romaƒuɔ 6:23

Ɔsika likpidi lɛyuƒɔla ndi kukpi. Nsu Katɔti lɛƒɔndia lɛni na úte-bu ndi ngba bɔni naaadubo bɔsa kudii ɔkɛnku abu ku Kristo Yesu ɔni ndi Blɔti unwi bɔbla ɔsu.

Budie Taatina 11:8

Bana ɔlɔna ɔdubɔtɛ lɛblɔnu lɛlɔ na ɔma unengudi ɔni baalɔ na lɛsugba kemmo banii Egyipte iye Sodom. Mmɔ na bákana Blɔti bámana ugyii lɛlɔ.

Samuel 1 15:32

Mmɔ na Samuel ɔ́kpali momoomo ɔnini, “Bɛkpanku Amalekƒuɔ Ɔga Agag biboku-mi mɛni.” Na Agag lɛnɔ úsie úbo-nwu kudɔ ku kayi ƒaa, na ɔ́bla kasusu ɔnii uwi ɔni na basɔ badu-nwu ɔ́vi.