Yesaia 3:8 - Katɔti Ɔku Kedee

⁸ Yerusalem ku Yuda lɛma ƒui lɛdubo bubie na ala ƒui eƒu akya, ɔsika bana etemila áta énye Unwoti lɛlɔ, na béni ka babu anwu ɔni muukeye na bana akɔ.

Yesaia 3:8 ပူးပေါင်းရင်းမြစ်များ

Ala Alɛdi 2 33:11

Anwuɔsu na ɔ́ya na Asiria bekpone benengu bébekpo Yuda na béƒie Manase na béti lɛbuala lɛdi bákya-nwu enwu na bébo-nwu kɔgba na béti-nwu bésienku Babilon.

Agba 26:27

Si ákywɛ ƒula ɔkpana kakpagyuɛ ni, awɔ ɔlati ndubo-ka kemmo bɔnu buduo. Na si éminime lɛtakpɛ bonwu lɛdi anii litásia bekyuli lɛlɔ ni, lɛdubɔsɔ linwini libasia-a.

Yesaia 1:7

Bina kɔlɔ ƒui kɔ́yii udu na kuwi ukpludi. Na bákyula-mii lɛma linengudi ƒui. Na binye bɛɛnu baƒɔ bammɔ na béti-mii mmo ku lɛla biala bénwini bana lɛdi na bébile lɛla biala.

Yesaia 49:19

Ɔƒaani ni, buse na Yerusalem use aani ɔma ɔni na ɔ́bwɛ na lɛla lɛdi lɛsɔ liiibo-nwu kemmo. Nsu badubɔsɔku-nwu batu na bekyuli baƒɔ ɔma ɔmmɔ kemmo tɛtɛɛtɛ. Na bekisine balalane bani nkya ɔma ɔmmɔ lɛlɔ ama badubusie ɔgyu kakaaka na ɔma ɔmmɔ kudɔ.

Yesaia 57:4

Ɔma lɛlɔ na bɛɛkya lɛma na bɛɛpii-nwu? Bɛnu kalɛ na bina ekpidi ése-mii lisusu na bɛ́dɔlɔ.

Yesaia 59:3

Bina ɔkɔ bɔnyi ku bekyuli bɔdu ku bekyuli lɛlɔ bɔta teenye ɔ́ya na bɛ́dɔli ku ekpidi ammɔ na Unwoti anumi.

Yesaia 6:11

Mmɔ na líye Unwoti Katɔti nnini, “Uwi ɛlɛ kemmo na ndubuti lɛbla lɛla lɛmɛni?” Amu na údie kenye ɔnini, “Úti útédu uwi ɔni na ndubɔya na lɛma linengudi ƒui lɛbwɛ lɛyii udu, na bekyuli basɔ balakya-ni kemmo, na lɛtɔ lɛsɔ linye ukpludi, na kalɔ kemodi kammɔ ƒui kebie.

Yesaia 9:17

Anwuɔsu na lɛlɔ lilayɔ Unwoti Katɔti na bana bakɔdi lɛlɔ munu munu, na bekpinebi ku bekpinele basɔ baládu-nwu kaƒɔ, ɔsika bana ƒui basɔ balábla Unwoti lɛyɔla, na baabla kalala na baanyi ɔkɔ. Nsu ina ɔmmɔ ƒui Unwoti kɔnyi kútayɔ tɔ, mmomu ɔ́mu únene kɔnu unye ka ɔƒiɛmi-ma.

Yeremia 23:36

Use aani ka bina akɔ ɔdi biala ubo lɛla lɛni na ɔsu! Anwuɔsu si bɛsɔ bɛɛlɔ-mi lɛnyi taasu lɛla lɛdi bɛnii lɛni na ami Unwoti mɔɔsu ni, na bɛɛtu-mi etemila teenwini ɔkɔ. Na binyimo ka ami ndi bina Unwoti Katɔti Ɔyikune Ƒui.

Yeremia 26:18

“Kuuku uwi ɔni kemmo na Hesekia útaadi lɛga na Yuda kalɔ lɛlɔ ni, Katɔti kenye udiene ɔdi baalɔ banii Mika ɔ́kya na ɔ́si ɔma ɔnii baalɔ banii Moreset kemmo. Anwu násu ɔnini, ‘Ami Unwoti Katɔti Ɔyikune Ƒui mɔɔsu ka bekisine badubo Yerusalem bɔtu bunwini bubi aani kalɛ na beeti anwami teegulu kalɔ na ɔma ɔmmɔ ubie ɔyii udu. Na liyu alakpi kani ndubo bɔkwɛ bɔƒɔ abi ammɔ lɛlɔ kesii kani na kakpakɔ kammɔ kenye ɔƒɛni.’ ”

Yeremia 26:6

ndubo kakpakɔ kamɛni bɔbwɛ aani kalɛ na lɛ́bwɛ Siloa ɔma. Mmɔ mina kevo kedee kénye dii. Na Yerusalem ɔdubunwini kesii kani na ukyuli biala ɔdubɔkpali uwida ɔnii ɔdubɔlɛku-ɔ aani Yerusalem.’ ”

Yeremia 4:13

Bɛnu! Aanu bina bekisine bekpone ka bási baayu aani kalɛ na kɔdigbo kɔɔtu taayu lɛla lɛni na uƒie lɛlɔ. Bana bapɔnkɔ ku kɛɛkɛ uukeli usi momoomo teetulo kalɛ na ɔƒɛƒɛɛ kpakplaa uuminime liƒlukutu na kayaa. Na mmɔ na bɛdubɔsu ku kɔnyana bɛnini, ‘Abu ɔdi ɔ́sa!’

Yeremia 44:3

ɔsika Yudaƒuɔ bákya-mi kɔnyi na ɔni na bakya baakpá baƒiɔ bani nétebunku bana bati kuuku badi kudii ɔsu.

Kɔnyana Buwulo 1:9

Nwuna ekpidi énwini ala éduo-nwu adala na uleti kasusu lɛla lɛni ndubo-nwu bɔlɛku na uwi ɔni ntɔ-nwu anumi adubo lɛlɔ. Anwuɔsu Yerusalem kalɔ bubo bɔdi kɔnyana litemi bonwu, na ukyuli ɔdi uuubo na ɔsia-nwu kɔnu uwi ɔni na ɔ́su ɔnini, “Unwoti, nu kalɛ na mina bekisine bádi-mi lɛlɔ na muubó abi na anu-mi kɔnyana.”

Esekiel 8:12

Amu na Katɔti ɔ́su-mi ɔnini, “Esekiel, aanu kɔbɔ alaekpidi ani udu na Israel kadi batɔnkune bɔmmɔ benye baabla taabɛ? Bávɔ baƒiɔ béyile bana lɛtɔ kemmo bálɛ na baasu banii lɛɛɛdubo-ma bɔnu, ɔsika baakali banii líidie Israel atu kukuuku.

Esekiel 9:9

Amu na Unwoti údie kenye ɔnini, “Israel ku Yuda kadi bekyuli bábla ekpidi ani ndi ekisila geen. Na bekyuli badune béyii kalɔ kammɔ kemmo na Yerusalem alati ni, kalala kábɔ mmɔ geen na baakali ka lídie-ma atu ɔsu naaanu ala ani na baabla.

Hosea 5:5

Israel kadi bekyuli lɛlɔ katɔ bɔkɔliku muudie bana ekpidi keyi. Anwuɔsu na ama bani ndi Eƒraim kaba kemmo bebi mmɔ badubo bubuli, na Yuda kadi bekyuli lɛnɔ bebunku-ma, na bana ƒui badubo bubuli.

Hosea 7:16

“Béni banii belenwini belebo-mi kudɔ na basia Baal baƒiɔ anu bani neeebo ɔyikun ɔdi. Anwuɔsu na bese aani kataminta kani naaadia, na bana batɔnkune ƒui badubo kuwii kenye bɔtɛ na ukyuli tabu ku enyekpi ani na baatɛmi ɔsu. Na Egyipteƒuɔ badubo-ma buti bunwini lɛmala.”

Mika 3:12

Anwuɔsu na amii ɔsu ni, bekisine badubo Yerusalem bɔtu bunwini bubi aani kalɛ na beeti anwami teegulu kalɔ na ɔma ɔmmɔ ubie ɔyii udu. Na liyu alakpi kani ndubo bɔkwɛ bɔƒɔ abi ammɔ lɛlɔ kesii kani na kakpakɔ kammɔ kenye ɔƒɛni.

Mika 6:12

“Amii balakɛne bibo kalala na bina akɔ ɔdi biala ɔɔnyi ɔkɔ.

Habakuk 1:13

Nsu alatunaku likpidi munu munu. Anwuɔsu tasɔ tenye tanu bekyuli bamɛni kpoo lɛni na beteebile bekyuli bamba bani na nka badia betulo-ma kukuuku ƒui ngba lɛni.

Korintoƒuɔ 1 10:22

Munuu bɛɛyɔ́ ka Blɔti uti nwuna kɔnyi ɔkya-bu? Bitaya bɔkali bɔnii bubo ɔyikun butulo-nwu.

Yuda 1:15

Bébo banii babatɛku bekyuli ƒui litemi. Na bekyuli bani ƒui na balábla Katɔti lɛƒɔyɔ ku ala ani ƒui na bábla ka baláyia Katɔti ɔsu ni, bátɛmi enyekpi na nwuna lɛlɔ. Anwuɔsu Katɔti ɔ́ni-ma kɔtu.”