Yesaia 27:4 - Katɔti Ɔku Kedee

⁴ Ńtakɛ kɔnyi na kemo kammɔ lɛlɔ. Ɔsika si bekisine badi-mi aani liyu ku alakpigya ni, nka ndubuduo-ma lɛlɔ mmɔ na lɛkyula-ma ƒui.

Yesaia 27:4 ပူးပေါင်းရင်းမြစ်များ

Hebriƒuɔ 6:8

Nsu kalɔ kani na liyu alakpi mɔɔkwɛ́-ka lɛlɔ ni, kadanku ewida na keeebo kɔsia kɔdi. Na kasɔ kaladia lɛla lɛdi bɔbla lɛnɔ. Na kawɔlɔkɔ ni, kadubɔkywi.

Yesaia 10:17

Unwoti ɔni ndi Israel bukeye ɔdubunwini ogya na udie ogya unyemi na ɔkyula-ma limeyi linwi pɛ na bakywi aani liyu ku alakpigya kalɛ.

Mateo 3:12

Ɔda nwuna kɔɔlɛ kɔni na ɔdubɔƒɛ nwuna edula udie na uti uwi unwu kemmo. Nsu ɔdubɔkyula aƒaƒa ku lɛmuyɔ lɛkladi na ogya ɔni naaadubo buni kudii kemmo!”

Kɔgya 85:3

Áya na ƒula kɔnyi kenye kékulo na kaƒɔ kába-a.

Samuel 2 23:6

Nsu bekyuli bekpidi ni, badubo-ma bɔgyu budie bana kenyekɔ aani liyu livo, ɔsika baaadi lɛla lɛni na bada bakya lɛkɔkɔ.

Petro 2 2:9

Ɔmɛni ɔɔtina ka Katɔti ɔgyi kalɛ na udie bekyuli babuni ɔlɛku ala ani muukpóku-ma kemmo na ɔda bekyuli bekpidi use ute uwi ɔni na ɔdubɔni-ma kɔtu na litemi bɔtɛ limeyi lɛmmɔ lɛlɔ.

Malakai 4:3

Uwi ɔni na ndububo mbatɛ litemi mmɔ ni, bɛdubɔnya bɛvi bekyuli bekpidi lɛlɔ bisusu aani si ntɔ na badi na bina lɛgba kalɔ. Ami, Unwoti Ɔyikune Ƒui, násu!

Esekiel 16:63

Ndubuti lɛla biala lɛkyiɛ-ɔ, nsu adubɔkali ala ani na ábla anu na kɔƒa kukpo-ɔ kɔvili ka asu lɛla lɛdi muedi. Ami Unwoti násu.’ ”

Yesaia 12:1

Na Unwoti limeyi lɛmmɔ lɛlɔ ni, bɛdubo ɔnu budie bɛnini, “Bemwi-ɔ, O Unwoti! Ina ka éti kɔnyi ákya-bu ni, kɔnyi kɔmmɔ kɔ́yɔ-ɔ na ásɔ énwini aayala-bu kaƒɔ mmomu.

Yesaia 9:18

Geen ni, kalala bɔbla buse aani lɛku kemmo ogya. Ɔɔkyula liyu ku alakpi bamba, na lɛku limodi lɛmmɔ lɛɛkywí, na uudie uyɔ litigbli taakɔliku kayaa.

Kɔgya 103:9

Uládɔnku ukyuli uwi ndi uwi na uléti kɔnyi taakya ukyuli uwi ƒui.

Yesaia 33:12

Bɛdubo bɔkywi bunwini ntɔ aani liyu alakpi na bákya ogya.

Samuel 2 23:7

Ɔmmɔ ɔsu ukyuli ɔni magyu liyu medie lɛnɔ ɔlɛka ɔnu ka ɔda atula ku abuala ani na ɔdubuti ɔda-nya udie ute na bakyula kɔnakunwi.”

Yeremia 29:11

Lɛ́lɛ ugyii ka ndubute-mii kusɛ kusɛ bitaasia ala abuni anu na bina ngba bɔni na bɛdubulie uwi ɔni mebo kemmo ƒui na ala adianku-mii, na lɛbibo lɛdi lɛsɔ lilebo-mii lɛlɔ.