Yesaia 26:9 - Katɔti Ɔku Kedee

⁹ Mɔɔwia-a kpakplaa usien umodi, na ɔtanta ni, ƒula kɔka kɔɔda mina kɔyu. Ɔsika si átɛku bayawine litemi ni, kayawi bekyuli baatɛya kalɛ na babla ƒula lɛyɔla.

Yesaia 26:9 ပူးပေါင်းရင်းမြစ်များ

Ala Alɛdi 1 16:14

Unwoti ndi bula Katɔti. Na anwu mɔɔtɛku kayawi ƒui litemi.

Kɔgya 105:7

Unwoti ndi bula Katɔti. Na anwu mɔɔtɛku kayawi ƒui litemi.

Kɔgya 119:55

Unwoti, muunyimo-ɔ usien. Na muuduo mina kasusu kemmo taanu ɔ́siku ƒula etemila lɛlɔ.

Kɔgya 119:62

Usientɛ muedi mɔɔta teemwi-ɔ, ɔsika aatɛ litemi ulu siin lɛlɔ.

Kɔgya 130:6

Nnye mɔɔnu-ɔ ulu kpakplaa geen teetulo kalɛ na bekyuli bani nnye baagyumana usien baanu ulu teete ka kadi kegye kukuuku ƒui.

Kɔgya 58:11

Na bekyuli badubɔsu banini, “Sɔsɔ ni, báƒɔ bekyuli babuni kayu. Ɔsika Katɔti ɔni mɔɔtɛ litemi ulu lɛlɔ mɔɔdi kayawi lɛlɔ.”

Kɔgya 63:1

O Katɔti, awɔ ndi mina Katɔti ɔni kama ulu na mɔɔwia kpakplaa aani kalɛ na utukwɛ ɔɔda ukyuli na kalɔ kakwiidi lɛlɔ.

Kɔgya 63:5

Ndubudie lɛnu ku ebiti limwi-ɔ na kayi kayɔ-mi buɛɛ aani ukyuli ɔni na bálɔ bésienku limeyi kadikɔ na ɔ́kɛ ala abuni ƒui ɔ́di na émo-nwu kaduɛ.

Kɔgya 64:9

Na liƒu lɛdubɔda bekyuli ƒui na basu lɛla lɛni na Unwoti ɔ́bla. Na ɔmmɔ ɔdubɔlɛmi-ma kasusu na bati lɛlɔ bɔda.

Kɔgya 78:34

Na uwi biala na ɔ́ya na badi békpi lɛni ni, bakladi baata ku usi na babawia-nwu kama ulu, Na benwini bebo-nwu kudɔ ku bana kayi ƒui.

Kɔgya 83:18

Ya na bati ka awɔ ɔni ndi Unwoti ni, awɔ kani ndi Ɔyikune Ƒui ɔni mɔɔdi kayawi ƒui lɛlɔ.

Agba 8:17

“Bekyuli bani ƒui mɔɔyɔ́-mi ni, ami lɛnɔ mɔɔyɔ́-ma. Na bani mɔɔwia-mi kama ulu baanu-mi.

Yesaia 27:9

Na ɔkɛnku ɔmɛni lɛlɔ na ndubudie kɔtu bɔni bana lɛlɔ na bana ekpidi ammɔ alɛ-ma lɛlɔ ƒui. Na lɛnɔ ni, ntu bábwɛ akpabi ani na bátu ku atabi mmɔ kpɛtɛ kpɛtɛ. Na babwɛ Asera baƒiɔ na bagyu-ma ku lɛƒiɔgyii lɛmmɔ na abi lɛlɔ kesii kani na baakyula oloƒui teete-ma mmɔ ƒui na basɔ balanu ka ɔdi unye.

Yesaia 50:10

Bina ɔdi biala ulábu Unwoti litemi, na bilenu nwuna kabla ɔblane litemi lɛnɔ. Na lɛdisa akɔ ala bɔbla na bɛɛyɔ́ teetulo ka bɛvi na bukeye kemmo. Na bítaƒɔ Unwoti bina Katɔti litemi lɛnɔ bítadi.

Yesaia 55:6

Bɛwia Unwoti ɔƒɛni, ɔsika bɛdubɔkana na bɛnu-nwu. Na bɛkpali-nwu, ɔsika ude-mii na ɔdubunu-mii bɔkpali.

Kɔnyana Buwulo 2:19

Bɛta bilie usien umodi, na biteevele Unwoti bɛnii ubunku-mii. Na bidie bina ala ani muukpóku-mii ƒui bɛva-nwu anumi aani kalɛ na beewilimi ntu teedie lɛbo kemmo. Bivele-nwu na udie bina bekyuli bani nwi lɛblɔnu ƒui lɛlɔ na kɔka kɔɔdú-ma na baayɔ́ bekpi.

Kɔnyana Buwulo 3:25

Ukyuli biala ɔni néti nwuna anu ɔ́sia Unwoti lɛlɔ na uunú-nwu litemi ni, Unwoti ɔɔbla-nwu lɛƒɔndia.

Esekiel 5:15

badubo-mii budumi na bakya-mii lɛlɔ lɛma, nsu liƒu lɛnɔ lɛdubo-ma bɔda geen na ala ani na lɛ́bla-mii ɔsu.

Hosea 5:15

Na ndubɔsɔ linwini ntélie mina keliekɔ wetédu uwi ɔni na ama alati báƒɔ enu ka bábla ekpidi na benwini babawia-mi kama ulu. Na ɔkɛnku bana lɛbibo ɔsu ni, badubunwini kayi na basiaku-mi kpakplaa.”

Mateo 6:33

Mmomu anumi egyie-mii na Katɔ Ɔga ala lɛlɔ na kalɛ na bɛbla lɛlɔ siin utulo. Na Katɔti wabla ala abambadi ƒui lɛnɔ wete-mii.

Marko 1:35

Ɔtanta tutuutu asa na kadi kadubɔda ni, Yesu ɔ́ta ɔ́lɛ kaduli mmɔ. Na ɔ́lɛ ɔma ɔmmɔ kemmo úsie kesii kani na ukyuli ɔdi biala uuude, na útákpali katɔ.

Luka 6:12

Uwi ɔmmɔ kemmo ni, Yesu ɔ́tɔlɔ úsie kɔbi lɛlɔ. Na ɔkya ɔɔkpali katɔ usien ɔmmɔ ƒui.

Budie Taatina 11:13

Kɔnakunwi ni, kalɔ bɔkunku kpakplaa bɔdi bɔ́lɛ na ɔma ɔmmɔ lɛkpa leevudi lɛ́bwɛ, na bekyuli mpim maatɛ békpi. Liƒu pim líƒie bekyuli bakladi, na bákɔliku Ati ɔni nkya katɔ lɛnyi katɔ!