Yesaia 2:8 - Katɔti Ɔku Kedee

⁸ Baƒiɔ béyi kalɔ kammɔ lɛlɔ. Na bekyuli bammɔ baakya eli kalɔ taakpa ala ani na béti bana enu bábla béte lɛlɔ.

Yesaia 2:8 ပူးပေါင်းရင်းမြစ်များ

Baga 1 16:7

Na kenye kani na Unwoti úti úte Hanani ubidi Kenye Udiene Yehu na Basa ku nwuna kaduli bekyuli lɛlɔ ni, ɔ́si likpidi lɛni na ɔ́bla na ɔ́gyila Unwoti kɔnyi na nwuna ablala ɔsu aani kalɛ kani na Yerobeam ɔ́bla, ku kalɛ na ɔ́du Yerobeam kaduli bekyuli ƒui ɔsu.

Baga 2 17:10

Na abi ƒui lɛlɔ ku egyii biala na ebo ɔyuli kalɔ ni, bálɛ atabi kedee ku lɛƒiɔgyii béte Asera baƒiɔ.

Baga 2 17:16

Na báda bávia bana Unwoti Katɔti ɔda ɔni ƒui na úbo-ma lɛlɔ. Na bávɔ ɔmantɛ bakɔ bebi inyɔ udu bálɛ na baakpá-ma ku Asera ɔƒiɔgyii. Na baakya lili kalɔ teete ayabi ku Baal baƒiɔ.

Ala Alɛdi 2 27:2

Yonatan úlie ngba bɔbuni aani ɔti kalɛ, nsu anwu útetéduo kakpakɔ mmɔ kudii ɔnii ɔɔkyula oloƒui kalɛ na ɔti ɔ́bla dii mmɔ. Mmomu bekyuli bammɔ ala bana likyulikpi ala ani na baabla taata teenye Katɔti lɛlɔ kani nátakɔsi.

Yesaia 17:8

Na basɔ belésie bana akpabi ani na béti bana enu bávɔ béte lɛlɔ kudɔ, na basɔ beleti anu balasia Asera ɔƒiɔgyii ku nwuna lɛlɔ ala ku oloƒui bɔkyula akpabi ani na ama alati bátu mmɔ.

Yesaia 26:13

O Unwoti bula Katɔti, benwoti bamba báadi-bu lɛlɔ na ƒula kama nsu awɔ ƒula lɛnyi kani na buudie kenye teemwi.

Yesaia 37:19

Na bébo bana baƒiɔ bákya ogya kemmo na báyii udu, ɔsika baaadi bayikune badi, mmomu ligyii lɛnwidi ku atabi ani na bekyuli béti bana enu bábla bése lɛlɔ na badi.

Yesaia 40:19

Katɔti uuuse aani lɛla lɛni na bakywɛɛne bánwamana sika ugyiedi bámana na béti sika ɔƒualadi asɛɛ bákya-nwu bɔdia.

Yesaia 41:29

Baaadi lɛla lɛdi na balákana lɛla lɛdi lɛnɔ bɔbla. Mmomu buse na bese aani ɔƒɛƒɛɛ ɔni mɔɔnwuna taavi kani.”

Yesaia 57:5

Lɛyalɛ ala ku lɛlɔ kudɔ bɔtɛ na baƒiɔ bani na bɛɛkpá mmɔ anumi na egyii enengudi ammɔ kalɔ. Na biiti bina bebi taakpa na akpabi ani na bɛ́tu bínyene ɔkwalɛ na atakpɛ ani nƒa mmɔ kalɔ.

Yeremia 1:16

Na ndubo mina bekyuli ƒui litemi bɔtɛku na lɛdu-ma kɔtɔ, ɔsika béni-mi na bénwini kama bákya-mi na baakyula oloƒui teete baƒiɔ bamba.

Yeremia 2:28

Biteesie bitéwulo bɛkya baƒiɔ bani na bɛ́bla bíte lɛlɔ mmɔ si badubɔkana-mii bubunku. Bémomo aani kalɛ kani na bina lɛma limomo.

Hosea 12:11

Alaekpidi ani na baabla na Gilgal ábɔ ágya na badubo babayii udu na kawɔlɔkɔ. Baadú ɔmantɛ bakɔ taakpa na bana akpabi ani na béti atabi bátu mmɔ lɛlɔ. Nsu badubo atabi ammɔ ƒui bugyingya bɔ́kya alakpi akɔ na kalɔ kammɔ kemmo.

Hosea 13:2

Na ɔƒaani ni, bɛmu binye likpidi lɛmmɔ kani bɔbla lɛlɔ, na bíti sika ɔƒualadi bɛ́vɔ ɔmantɛ bakɔ bebi udu baƒiɔ bíte lɛlɔ, na básu-mii banii bitaakyula akpala teete-nwu na bɛɛkya-ma kɔgbu taaƒuƒuɛ muedi.

Hosea 14:3

Asiria ulakana-bu bɔƒɔ, na kekpo bapɔnkɔ kɛɛkɛ lɛnɔ ulakana-bu bubunku. Anwuɔsu bɔsɔ bulákpa baƒiɔ bani na bɔ́vɔ, ɔsika awɔ Unwoti mɔɔnu bekpinebi kɔnyana.”

Hosea 8:6

Na Israelni ɔdi nébo úbavɔ baƒiɔ bammɔ úte-ɔ. Nsu ami kani ndi Katɔti unwi ɔmmɔ, anwuɔsu baƒiɔ bammɔ badubo bɔbwɛ bugyingya.

Mika 5:12

Na bina kabɔ ala bɔbla ku like lɛni na biibó ƒui ndubutile ɔmmɔ bene ƒui ulu.

Batalane Kabla 17:16

Uwi ɔni na Paulo ɔ́kya Atene na unye ɔgya Silas ku Timoteo bene ni, úduo kɔnyana ɔni na ɔ́nu kalɛ na kadi kammɔ bekyuli béti lɛlɔ béte lɛƒiɔkpa, na ɔma ɔmmɔ úyi ku baƒiɔ ala.

Lɛkpa Ulu 4:28

Na mmɔ na bɛdubo ala ani na bekyuli béti egyii ku atabi bánwi na bávɔ bɔkpa. Na kugyikɛ ku atabi ala ammɔ ebo anumi, nsu alákana bɔnu. Na ebo atu, nsu alákana lɛla lɛdi bunu. Na alákana adila adi bɔdi, iye enwenyi lɛla lɛdi enu.

Budie Taatina 9:20

Bekyuli bakladi bani ƒui nétekpi na alakpa atɛ ani ndanku kukpi mmɔ kemmo ni, béténwini kama bátákya ala ani na ama alati béti bana enu bábla bése béte lɛlɔ ka bataakpa. Ala amɛni adanku ayu ekpidi ku bana baƒiɔ bani na béti sika ugyiedi ku ɔƒualadi bávɔ ku kalɔ kemmo abuala ku atabi ku egyii ani na bánwi. Nsu ala amɛni ƒui ni, alánu na elenu na elesie muedi!