Yesaia 2:12 - Katɔti Ɔku Kedee

¹² Unwoti ubo nwuna limeyi na lɛsia ulu lɛdubo lite bani mɔɔkun lɛmɛnɛ na baanu lɛlɔ katɔ katɔ. Na ɔdububoku lɛlɔ katɔ bɔkɔli biala kalɔ limeyi lɛmmɔ.

Yesaia 2:12 ပူးပေါင်းရင်းမြစ်များ

Samuel 2 22:28

Aaƒɔ́ bekyuli bani muuboku lɛlɔ kalɔ, nsu bani mɔɔtalaku lɛlɔ katɔ na balábu ni, eeboku-ma kalɔ.

Hiob 24:1

“Bi ɔsu na Katɔti ulese litemi bɔtɛ limeyi ulete bekyuli? Na bi ɔsu na ɔ́ya na nwuna bekyuli benye baanu-nwu anumi taanɔ ka ubatɛ bana litemi ute-ma?

Kɔgya 131:1

Unwoti Katɔti, likyulikpi ala bɔbla buuubo-mi kayi kemmo. Na mina anumi lɛnɔ alánu ala teetuloku lɛlɔ. Na lɛɛɛsiaku ala enengudi iye ala ani na etulo-mi kama.

Kɔgya 18:28

O Blɔti, awɔ nda-mi ukpo na uléni. Na kesii kani nse-mi suu ƒui kékeye.

Kɔgya 37:13

Nsu Unwoti Katɔti ɔɔmá bekyuli bekpidi bammɔ. Ɔsika ɔgyi ka bana emeyi asia ulu adubo na badubo-ma udu bɔyila.

Kɔgya 94:2

Awɔ mɔɔtɛku bayawine ƒui litemi. Bo na ebedie bekyuli bani mɔɔkɔliku lɛlɔ katɔ kasi kani námanku-ma.

Agba 16:5

Unwoti ukisi ka ukyuli ɔtalaku lɛlɔ katɔ. Anwuɔsu ɔbla ukyuli biala nwaa ka bani mɔɔtalaku lɛlɔ katɔ ni, Unwoti ɔdubɔni-ma kɔtu.

Yesaia 10:12

Ɔƒɛni si lebo lɛni na Unwoti Katɔti ɔ́sia Asiriaƒuɔ lɛlɔ ɔ́wɔlɔ lɛla lɛni na ɔɔwia ka ɔbla na Yerusalem ku Sion ni, ɔdubunwini na ɔsu ɔnini, “Ndubɔni Asiriaƒuɔ ɔga ku nwuna kadi bekyuli kɔtu, ɔsika uutú kɔnu kayi na ɔɔkun lɛmɛnɛ na ɔɔnu bekyuli bani lɛlɔ na ɔ́di ɔnusɛ.

Yesaia 10:33

Nsu bɛnu! Unwoti Ɔyikune Ƒui ɔdubo kugyii bonwu ku kuna kɔgba bonwu bɔmɛnɛ buwi kalɔ ku nwuna ɔyikun bonwu. Egyii enengudi ani nákuku mmɔ na ɔdubo bɔƒɛ na uboku-nya kalɔ.

Yesaia 13:11

Ndubɔni bayawine kɔtu na bana likyulikpi ɔsu, na lɛni balalane kɔtu na bana ekpidi ɔsu. Na bani mɔɔnu lɛlɔ katɔ katɔ ni, ndubɔya na bana lɛla tabu kenye kekulo, na liboku bani mɔɔtalaku lɛlɔ katɔ kalɔ.

Yesaia 13:6

“Biwulo momoomo ku kɔnyana, ɔsika Unwoti Ɔyikune Ƒui limeyi lɛni na ɔdubo bekyuli bɔkyula lɛsia ulu líibo líbedu suɛlɛ suɛlɛ.

Yesaia 13:9

“Bɛnu! Unwoti limeyi lɛmmɔ lɛsia ulu, nwuna kɔnyi limeyi likpidi lɛmmɔ ku ɔdu kati kati ka ubakyula kayawi ku kana alaekpidi bablane bammɔ ɔni na kalɔ kammɔ kasɔ kalabla keliekɔ kabuni.

Yesaia 14:15

Nsu aanu-ɔ mɛni na báayula kalɔ na ébeduo kekpine na ubu kemmo mɛni.

Yesaia 23:9

Unwoti Katɔti Ɔyikune Ƒui nábla lɛla lɛmɛni udu, kalɛ na ala ani lɛlɔ lɛmɛne bekyuli baakun ka eekeye ayii udu. Na bani na báƒɔ lɛnyi na kalɔ lɛnɔ mɛni uboku-ma kalɔ.

Yesaia 24:21

Na limeyi lɛmmɔ lɛlɔ ni, Unwoti ɔdubɔni kayaa bayikune kɔtu na katɔ mmɔ, na ɔni kalɔ lɛlɔ baga lɛnɔ kɔtu na kalɔ lɛlɔ mɛni.

Yesaia 24:4

Kalɔ kammɔ kadubɔkwii na lɛla biala lɛyɛyɛ, na kɔnyana kuƒie lɛla biala na lɛyii udu.

Yesaia 40:23

Uuboku bagabi kalɔ na ɔɔyá na kayawi lɛlɔ badine ƒui baayii udu na basɔ baaadi lɛla lɛdi na bekyuli anumi.

Yesaia 42:15

Ndubo bɔya na abi ku abinkpo ƒui ayii udu, na livo ku lɛku kemmo egyii ammɔ ƒui akwii. Na lɛya na ntukpa ku abiɔ ƒui akwii.

Yesaia 5:15

Limeyi lɛmmɔ lɛlɔ na bani mɔɔtalaku lɛlɔ katɔ ƒui badubo bubuli bɔkpi ɔtumu. Na bani mɔɔnu lɛlɔ katɔ katɔ ƒui beboku-ma kalɔ.

Yesaia 61:2

Lɛkwa lɛmɛni na Unwoti Katɔti úse ka wabla-bu lɛƒɔndia, na ɔni bula bekisine kɔtu, na lɛsia bani muuwulo kɔnyana kɔnu.

Yeremia 12:9

Mina bekyuli bese aani aasɛ ɔni na basangbii básala beebó na lɛƒɛnyi ƒui lɛlɔ. Bɛsu beƒiebuo bammɔ na bebo na babakun na badi bemo.

Yeremia 13:9

“Yeremia, ndubo Babilonƒuɔ butiku na bayila Yuda ku Yerusalemƒuɔ lɛlɔ katɔ bɔtalaku.

Yeremia 30:7

Mina kadi bekyuli, blii kani nébu na bɛdubo abi bubo geen butulo ala ani náalɛku-mii ábavi. Nsu ndubo-mii budie ƒui.

Yeremia 46:10

Nsu Unwoti Ɔyikune Ƒui ɔdubo lɛlɔ bɔdi na kekpo kamɛni kemmo na udie nwuna bekisine kasi. Nwuna kewii kadubɔkɛ bɔdi na ɔni ubugya umo kaduɛ. Badubɔdu bekyuli bammɔ na kalɔ kammɔ katɔ kakɛ na Euƒrate Ketu kudɔ aani akpala bete Unwoti.

Yeremia 50:31

Babilon, ɔlɛka basia-a lɛnyi banii, ‘Lɛlɔ Katɔ Ɔtalane.’ Nsu uwi údu na ami Unwoti Ɔyikune Ƒui lɛni-ɔ kɔtu.

Esekiel 13:5

Balálɛ bekyuli bammɔ kpakplaa taasu-ma ɔgbankpi ɔni ndubo-ma lɛlɔ iye lɛbibo lɛni na ekpidi ani na baabla taaƒiɔ-mi adanku.

Daniel 4:37

Ɔmmɔ ɔsu na lɛ́su nnii bemwi Katɔti ɔni nli mɔɔdi lɛlɔ ɔ́si katɔ ƒui ku ɔbu! Ɔsika lɛla biala na ɔ́bla lɛdia na lɛkɛ ulu lɛlɔ siin, na bani ƒui mɔɔkɔliku lɛlɔ katɔ ni, uuboku-ma kalɔ.

Amos 5:18

Binye bɛɛnu ulu teete limeyi lɛni na Unwoti webo wabatɛku bekyuli litemi, nsu bɔbuɛ na muute-mii! Ɔsika limeyi lɛmmɔ lɛɛɛdubo buse buɛɛ na ɔƒɛ ɔɔɔdubo bɔlɛ munu munu. Bɔbla na ɔdubo suu geen.

Mika 2:3

Nsu Unwoti ɔ́lɛ ugyii ka ɔbla lɛla lɛdi, na ɔ́su ɔnini, “Lɛ́klibi ɔgbankpi líse-mii. Na ɔbuli ɔdubo-mii amɔ bɔda, na bɔdi kɔƒa ɔgbankpi uwi ɔmɛni kemmo.

Mika 5:11

Na bina lɛma linengudi ku ɔma kɔgyumanakɔ kɔni na bɛ́tu ƒui ndubo-ku bubile.

Seƒania 1:16

Na badubo kekpo kɔkpɛɛ butaavwi na beteedie kekpo lɛnu taaka taamana lɛma lɛni na bátu awodu bámana ku kɔgyumanakɔ kpakplaa bényene.

Seƒania 3:11

Si uwi ɔmmɔ údu ni, bɛsɔ bilata bilenye-mi lɛlɔ na lɛkya-mii kɔƒa. Ɔsika bekyuli bani na bebo lɛkantakpi na baatalaku lɛlɔ katɔ mmɔ ni, ndubudie-ma ƒui na bina akɔ, na basɔ beléteetu lɛgba taanya taavi mina kɔbi kedee kɔmmɔ lɛlɔ kudii.

Malakai 4:1

“Litemi Bɔtɛ Limeyi lɛdubo ɔni na lɛla lɛdi liletile kuƒi kɔmmɔ. Na limeyi lɛmmɔ lɛdubuse aani lɛyu lɛni náƒɔ ogya ku ogya livongu bonwu lɛni muudie ogya linyemi lɛni ndubo alaekpidi bablane ƒui bɔkyula kede kede aani livo. Na kegyigba iye ugyitu ɔdi ulébu. Ami, Unwoti Ɔyikune Ƒui, násu!

Malakai 4:5

“Ami, Unwoti, líse kenye ka ndubɔya na Kenye Udiene Elia ɔsɔ ubo asa na ɔgbankpi limeyi lɛmmɔ libedu.

Mateo 23:12

Na ukyuli ɔni na ɔɔtalaku lɛlɔ katɔ ni, Katɔti ɔdubɔyula-nwu kalɔ. Na ukyuli ɔni muuboku lɛlɔ kalɔ ni, Katɔti ɔdubɔtalaku-nwu katɔ.

Luka 14:11

Ɔsika ukyuli biala ɔni makɔli lɛlɔ katɔ ni, Katɔti ɔdububoku-nwu kalɔ. Na ukyuli biala ɔni meboku lɛlɔ kalɔ ni, Katɔti ɔdubɔkɔliku-nwu katɔ.”

Korintoƒuɔ 1 5:5

Ɔdi ka bɛnyonu ukyuli ɔmmɔ bite Satan na nwuna ɔyikun ususu-nwu ɔlɔna. Na ina úkpi muedi ni, ukyuli ɔmmɔ kɔyu kɔkɛ bɔƒɔ na limeyi lɛni lɛlɔ na Yesu watɛku kayawi bekyuli ƒui litemi.

Tesalonikaƒuɔ 1 5:2

Ɔsika amii alati bɛgyi geen ka Blɔti limeyi lɛmmɔ lɛdububo aani kalɛ na uyune uuyú ukyuli taatu usien.

Yakobo 4:6

Nsu ka Katɔti ɔɔyɔ́-bu ɔsu ni, ɔɔkya-bu ɔkplu kalɛ na bɔkana bunye kpakplaa. Ɔmɛni ɔsu Bunweni Kedee Ɔku ɔɔsu ɔnini, “Katɔti ulátunaku bekyuli bani mɔɔtalaku lɛlɔ katɔ, mmomu uubunku bani muuboku lɛlɔ kalɔ.”