Yesaia 18:2 - Katɔti Ɔku Kedee

² ama bani nátala batu na bakɛ ɛpu lɛlɔ badubo, na beli lɛkɔlɔ lɛni bánwi ku ketu kemmo ligyii kemmo. Biti usi momoomo na bisie kalɔ kani bekyuli nákuku na bana ɔlɔgyii use suɛlɛ suɛlɛ na ɔɔdia bɔnu kudɔ. Bekyuli bebo-ma lɛlɔ liƒu úsie ɔgyu ɔ́mana na bana kɔnyi ku kalala kani na baabla bekyuli ɔsu, bekyuli bani na ntukpa búle-ma kalɔ kemmo ƒui bɔ́vi.

Yesaia 18:2 ပူးပေါင်းရင်းမြစ်များ

Ala Alɛdi 2 14:9

Sera ɔni nási Kus kalɔ lɛlɔ ɔ́tɔnku bekpone mpim mpim akpa leevu úsienku kekpokɔ na ɔma ɔnii baalɔ banii Maresa na Yuda kalɔ lɛlɔ. Na ɔdanku kekpo kɛɛkɛ eti aku.

Ala Alɛdi 2 16:8

Nyimo Kus ku Libia bekpone kalɛ na bebo ɔkplu geen ku bana bapɔnkɔ kɛɛkɛ ku bekpone bapɔnkɔ beliene bammɔ! Nsu ka éti ƒula anu ásia Unwoti lɛlɔ ka ubunku-ɔ na uwi ɔmmɔ kemmo ɔsu ni, ákana-ma lɛlɔ bɔdi.

Hiob 9:26

Lɛni na bɔkɛ aani kalɛ na ntu buuti livete taatɔlɔku, iye aani kalɛ na kasangbii kaatu taayu teebeƒie lɛla lɛdi.

Israelƒuɔ Bɔlɛ 2:3

Nsu ka ɔ́nu ɔ́ti ka ubiwɔ ɔmɛni ɔsɔ uládia bɔbɛla ni, ɔ́wia kagyigyɛ kadi na ɔ́wia kɔma ɔ́mana-nwu kemmo ku kama kalɛ na ntu bulakana-ka kemmo buduo. Amu na úti ubiwɔ ɔmɛni ɔ́kya kagyigyɛ kamɛni kemmo. Na úti-nwu útákya ketudɔ alakpi adi akɔ na Nil Ketu kɔtu.

Yesaia 18:7

Na uwi ɔmmɔ kemmo ni, bekyuli bani nákuku ku ɔlɔna suɛlɛ suɛlɛ mɛni, na bana lɛlɔ libo liƒu úsie ɔgyu ɔ́mana mmɔ, na bana kɔnyi ku kalala kani na baabla bekyuli ɔsu, na ntukpa búle-ma kalɔ kemmo bɔ́vi ƒui, badubuti etela beboku Unwoti Ɔyikune Ƒui. Na etela ammɔ adubuse Sion Kɔbi lɛlɔ kesii kani na baakpá Unwoti Ɔyikune Ƒui.

Yeremia 49:14

Lɛ́ɛtala ɔtu ɔdi nnii ute kadi bekyuli bammɔ bɔti na baklibi lɛlɔ na bebekpo amii Edomƒuɔ.

Esekiel 30:9

“ ‘Na limeyi lɛni kani lɛlɔ na ndubo Egyipte kalɔ bɔkyula ni, limeyi lɛmmɔ kani lɛlɔ na ndubɔtala ukyuli lɛkya Kus kalɔ lɛlɔ bekyuli na batákɔ lɛsa bete-ma ka ama lɛnɔ bana bɔkywi bɔsia ulu bɔdubo. Baakali ka ama belie-nwu ƒaa, nsu liƒu ala adubɔlɛku-ma.

Obadia 1:1

Unwoti ɔ́su kenye kadi ɔ́siku Edomƒuɔ lɛlɔ na údie ɔ́tina Obadia ɔnini, “Ami Unwoti lɛ́tala ɔtu ɔdi ku kenye kadi, na líbo ɔda ka kadi bekyuli ƒui betékpo Edom.”

Habakuk 1:7

Bana lɛlɔ libo liƒu na bekyuli baayia-ma geen. Na ama alati bana ɔda bubo bɔni na bényimi béte lɛlɔ kani lɛlɔ na baanu bana bɔdia.

Luka 10:19

Binu kaduɛ! Líte-mii ɔyikun ɔni na bɛkana na bɛkɔ bɛnya balakpi ku batamlukpa lɛlɔ. Na bɛkana bɛdi ukisine ɔmmɔ ɔyikun ƒui lɛlɔ ɔni na lɛla lɛdi lilabla-mii.