Yesaia 16:3 - Katɔti Ɔku Kedee

³ “Bɛbla kasusu kabuni kadi bɛsiku-bu lɛlɔ, na bɛlɛ ugyii ka bɛdubɔgyumana-bu bula bekisine ɔsu aani kugyii ɔyuli ɔni nse aani usien si kadi kábi yayaaya, na bɛbɛla abu bani na baabɔku.

Yesaia 16:3 ပူးပေါင်းရင်းမြစ်များ

Baga 1 18:4

Uwi ɔni na Isebel ɔ́kya útaadu Unwoti kenye bediene ni, Obadia úti kenye bediene bammɔ eti anyɔ útábɛla atabi libu bonwu inyɔ bɔdi kemmo. Na úle-ma ɔ́kya mmɔ liti liti na uute-ma adila ku ntu na mmɔ.

Yesaia 1:17

Bɛtɛya lɛbuni bɔbla. Na bɛbla ala ulu lɛlɔ siin. Bibunku bekyuli bani na beekpóku, na bikpo bite bekpinebi, na bɛya na bekpinele bakɛ bana kadikɔ.”

Yesaia 25:4

Katamikukɔ kpakplaa na adi ete bawabane ku bani mɔɔyaki ala na baanya-ma taakya. Na adi kabɛkɔ ku ɔyuli ete-ma si kadi kaabi éte bani na ala eekpóku-ma geen. Ɔsika balalane bammɔ kɔnyi kuse aani kalɛ na ɔƒɛƒɛɛ kpakplaa uuƒwimi ala taatáƒiɛni kowodu lɛlɔ.

Yesaia 32:2

Na badubunwini kabɛkɔ bete bekyuli si uwi ɔni na ɔƒɛƒɛɛ kpakplaa uukpó. Na badubunwini libiɔ bete bekyuli na kalɔ kakwiidi kemmo ku lɛtakpɛ lɛni ndubɔkya bekyuli ɔyuli si ɔƒɛ ɔɔbi.

Yesaia 56:8

Unwoti ɔni mɔɔkpanku nwuna kadi bekyuli beƒiedi taabasala úse kenye kadi ɔnini, “Ndubɔkpanku mina bekyuli bani na béƒie bátɔlɔku lɛsiku kesii biala na béti-ma bésienku, na babasala ku bana banwani.”

Yesaia 58:7

Na bile bina adila bite ukyuli biala na kɔka kɔɔda. Na bɛya na bawabane ku bani neeebo kuduokɔ bakɛ kuduokɔ bina kudɔ na bakɛ kɔtɛnkɔ. Na bani mɔɔyaki adala lɛnɔ na bite-ma adala na babɛ kɔyɔ. Na bilénwini kama bilakya bina lɛlɔ bekyuli.

Yesaia 9:6

Ɔsika báwɔ ubi ɔnanabi béte-bu. Na bekyuli ƒui lɛlɔ bɔdi lɛdubɔsia-nwu lɛlɔ. Na badubɔlɔ-nwu banii Kasusu Buni Ɔkyane ku Katɔti Ɔyikune ku Ati Ɔni Nli Uwi Ƒui ku Keyi Buɛɛ Ɔga Ubi.

Yeremia 21:12

“Bɛnu ka kadi kawɔdi biala négye ni, bɛ́tɛ etemila siin bɛ́siaku ulu geen ɔmmɔ lɛlɔ na bɛ́ƒɔ bani ƒui na bekyuli beeyú-ma. Na si ɔɔɔdi lɛni ni, ndubo kɔnyi kpakplaa bɔkɛ bɔkya-mii na libile ala aani ogya ɔni mɔɔda na uléni.

Yeremia 22:3

Na Unwoti ɔnii nsu-ma nnini, “Ami ndi Unwoti, anwuɔsu bise atu na binu! Amii ni, bitete kuƒi na bekyuli bataanya bekpinebi ku bekpinele taakya na beteeyu-ma. Na bitaya na bakɛ kasiakɔ na baƒɔ bani nkya-mii kudɔ lɛlɔ. Na bekyuli bani nátabla likpidi lɛdi iye baaakɛ ku lɛla lɛnɔ ni, bɛgyumana-ma na bitaya na bekyuli bata benye na bekpoku-ma iye badu-ma muedi. Muubó-mii ɔda nnii bɛbla ala ulu lɛlɔ, na bɛnu ka bɛɛtɛ etemila siin. Na bidie bani na bánu anumi bátɛ-ma etemila na ulu ukpidi lɛlɔ.

Daniel 4:27

Anwuɔsu, Ɔga Ɔbune, buvele, nu kalɔ na abla lɛla lɛni na ndubo-ɔ bɔsu mɛni. Da ƒula ekpidi ani na aabla ya na enwini kama akya-nya na ataabla lɛbuni. Na ataanu bekyuli bani na ala eekpóku kɔnyana, na ɔƒaalɛ lɛla biala lɛdubɔtɛ lite-ɔ.”

Mateo 25:35

Mɔɔƒɔ-mii kayu kamɛni ɔsika uwi ɔni na kɔka kɔ́da-mi ni, bíte-mi adila. Ka utukwɛ ɔ́da-mi ni, bíte-mi ntu. Ka ndi ɔƒɔ ni, bígyingya enu bɛ́ƒɔ-mi na ḿbeduo-mii kudɔ.

Hebriƒuɔ 13:2

Na bitayiƒala baƒɔ bɔƒɔ, ɔsika badi báƒɔ Katɔti batu na béduo-ma kudɔ ɔni na baaagyi.

Litemi Batɛne 9:15

“Amu liyu egyii ásu egyii anini, ‘Si sɔsɔ na bɛɛyɔ́ ka lɛbla ɔga lite-mii ni, na bibo na bibabɛ na mina ɔyuli kalɔ. Nsu si bilayɔ-nwu lɛni amu ni, na ogya ɔsi liyu egyii amɛni kemmo na ubakyula bina egyii enengudi ani nnye Lebanon!’ ”