Yesaia 15:3 - Katɔti Ɔku Kedee

³ Na bakɛ bana ɔma kemmo lilu lɛlɔ ƒui, na benyimi adikpi, ani mɔɔtina ka beewulo kɔnyana. Na benye kadi kasakɔ ku lɛsa eli na keku kada ƒioƒiooƒio na báyu bewi kalɔ.

Yesaia 15:3 ပူးပေါင်းရင်းမြစ်များ

Samuel 2 3:31

Ɔmmɔ kama Dawid úbo Yoab ku nwuna bekyuli ƒui ɔda ɔnini, “Bɛni bina lɛwu bɛbwɛ na bɛkpi ntɔ na bɛsɔ bɛkya adikpi kemmo biti bɛtina ka biiwulo kɔnyana. Na bɛtɔ bekyuli bani nti Abner ukpine béselaku kavakɔ anumi.” Na Ɔga Dawid ɔlati ni, ɔkpɛ adaka ɔmmɔ kama.

Baga 2 6:30

Na ka ɔga ɔmmɔ únu litemi lɛmɛni ni, ɔ́bla-nwu kalɛ kadi. Anwuɔsu ɔ́ni nwuna awu ɔ́duli. Na ɔni na ɔkɛ awodu ammɔ lɛlɔ úsela ni, bekyuli bammɔ bánu-nwu básiku awodu kalɔ mmɔ ka ɔga ɔmmɔ ɔ́sabala adikpi ani mɔɔtina ka ɔkya kɔnyana buwulo kemmo.

Yesaia 15:2

Dibon ɔma bekyuli bákɔ bésie kɔbi lɛlɔ, na bana baƒiɔ kɔdu, na Moab kalɔ bekyuli ƒui béwulo na Medeba ɔma lili. Békpeyi bana eli ku kuduo ƒui.

Yesaia 22:1

Unwoti údie lɛla lɛdi ɔ́tina na Ala Bɔnu Kɔwɛ kemmo lɛlɔ. Bi mɔɔlɛ́ku-mii ɔsu na bina ƒui bíkeli bɛ́kɔ lɛtɔ eli na owogyo ɔda lɛni?

Yesaia 22:4

Ɔmmɔ ɔsu na lɛ́su nnini, “Bɛkpɛ bɛlɛ-mi lɛlɔ na liwulo, na ɔdi utasia-mi kɔnu na mina bekyuli bani náyii udu ɔsu.”

Yesaia 3:24

Na bana ugyulo ɔnyi ƒɛƒɛɛ ɔmmɔ ɔdububie. Na bana agblinti aduni buni enwini lɛbuli lɛbuli. Na bana eli linwini lɛni báklibi ƒui lɛdubɔyii udu. Na benyimi adikpi na lɛwu buni gyɔlɔɔ lɛmmɔ kenye. Na bayila bana bɔdia ƒui, na beti kɔƒa kani bataavi.

Yeremia 48:37

Moabƒuɔ benye asa katɔ ku lilu lɛlɔ beewulo kɔnyana. Na banana békpeyi bana likwi na bekyuli békpeyi bana eli na békulo lɛlɔ ekpo muedi na bada adala ani mɔɔtina ka beewulo kɔnyana.

Kɔnyana Buwulo 2:10

Sion batɔnkune ƒui bába lɛsɛ kpoo, na beli kalɔ kplu beebó ɔtumu teewi lɛlɔ, na benyimi adikpi. Na nwuna begblebi basɔ beeebo lɛla lɛdi, na babla utulo ka benye bataanu kalɔ kpoo.

Esekiel 7:18

Na kɔnyana adala na bɛdubo butaada biti bɛtina kalɛ na bɛkya lɛƒɛda kemmo. Nsu liƒu ala sɔɔn ndubɔƒɔ-mii keliela kemmo. Na kɔƒa ala lɛnɔ sɔɔn bekyuli badubo butaanu taati na bina anumi lɛlɔ na bɛdubukpeyi bina kuduo linwini ƒui ka bɛ́yila lɛnunsia biala ɔsu.

Amos 8:10

Na bina emeyi buni ani na bɛɛdi ƒui ndubɔya na enwini keku ku kɔnyana buwulo sɔɔn. Na bina adala adubunwini adikpi ekuku na bikpeyi eli bɛkɛ bitaavi. Na ɔdubɔbla aani si ubi unwi pɛ ɔni na ukyuli ɔdi ubo náyii-nwu na uuwulo. Na limeyi limodi lɛmmɔ lɛdubɔbla ɔdu kati kati sɔɔn limeyi.”

Mateo 11:21

Ɔ́su ɔnini, “Bɔbuɛ muute awɔ Korasin! Na bɔbuɛ muute awɔ Betsaida! Si lɛma likpidi Tiro ku Sidon na nka lɛ́bla akɔla budie taatina ani lɛ́bla na bina akɔ ni, badubɔda adala ani mɔɔtina ka béni bana ekpidi.

Lɛkpa Ulu 22:8

Na si ɔdi ɔ́tu lɛsa ɔtɔ ɔwɔdi ni, ɔnu ka ɔ́tu lɛsa ɔsangya na ɔ́kuku kalɛ na ɔdi ulánu na lɛsa lili na wekpi na básu banii anwu nádu-nwu.

Yakobo 5:1

Ɔƒɛni ni, amii balakɛne, biteewulo geen na lɛbibo lɛni ndubo-mii lɛlɔ ɔsu.

Samuel 1 5:12

Na bani na bétekpi tɔ muedi beenú ɔlɛ geen na alɛbi ani nsia-ma lɛlɔ ɔsu. Na benye baakpali bana baƒiɔ kpakplaa ka baƒɔ bete-ma.