Yesaia 14:3 - Katɔti Ɔku Kedee

³ Na limeyi lɛni na Unwoti ɔdubɔya na bɛlɛ bina lɛbibo ku lɛlɔ bukpoku ku kalɛ na benye-mii lɛlɔ na bɛɛbla bekyuli bamba kabla kemmo ni,

Yesaia 14:3 ပူးပေါင်းရင်းမြစ်များ

Yesaia 11:10

Na limeyi lɛmmɔ lɛlɔ ni, Yese kugyii ugyiitu ɔdubɔlɛ unye aani ngba bɔƒɔ aƒlaga ute kayawi bekyuli ƒui. Na kadi ƒui bekyuli badubukeli bebo-nwu kudɔ na kesii kani na uli, ɔsika mmɔ kadubɔbla kesii kani muukeye na bekyuli baakɛ́ bɔnwuna.

Yesaia 12:1

Na Unwoti limeyi lɛmmɔ lɛlɔ ni, bɛdubo ɔnu budie bɛnini, “Bemwi-ɔ, O Unwoti! Ina ka éti kɔnyi ákya-bu ni, kɔnyi kɔmmɔ kɔ́yɔ-ɔ na ásɔ énwini aayala-bu kaƒɔ mmomu.

Yesaia 32:18

Amii Unwoti bekyuli bɛdubulie kpoo ku keyi buɛɛ na atu ayɔ-mii na bina kɔkyakɔ ƒui.

Yesaia 40:2

Na atɛmiku Yerusalem ku lɛdi buɛɛ ku bɔyɔ, na aya na bati ka bana kabla ku lɛbibo lɛ́sa. Na báƒɔ bana ekpidi lili kayu, ɔsika Unwoti ɔ́ni-ma kɔtu ɔ́sia kama kunyɔ kunyɔ na bana ekpidi ɔsu.

Yeremia 17:4

Bina kalɔ kani na líte-mii kadubɔlɛ-mii enu na líti-mii lɛbla bekyuli bamba kabla bablane na kaƒɔ, ɔsika bɛ́ya na mina kɔnyi kɔ́kɔ geen aani kalɛ na ogya ɔɔda na ukyuli ɔdi ulakana bunine.

Yeremia 30:10

“Amii, mina bekyuli bani nkya katɔ ku kada ƒui, bɛsɔ bitayia. Ami ɔdi na bɛdi bɛ́manku ka lɛni-mii kɔtu, anwuɔsu na lígyingya-mii lɛ́kya kadi bamba bekyuli akɔ na ɔlɔgyu kakaaka. Nsu nsiaku-mii na ndubɔyila kadi bamba bakyuli bammɔ udu.

Yeremia 30:8

“Ɔƒaani ni, bɛdi bekyuli bani mɔɔbla kadi bamba bekyuli kabla. Nsu ndubo ala nda-mii mmɔ ƒui bɔƒɛ budie-mii lɛlɔ. Na ndubɔƒɛ katuma kɔgba kɔni nda-mii mmɔ ɔsu na binye bɛɛbla bekyuli bamba kabla budie-mii lɛlɔ.

Yeremia 50:34

Nsu ami Unwoti Ɔyikune Ƒui ndubo-ma budie na lɛya na bakɛ keyi buɛɛ na bana kalɔ kemmo na bukpoku bubo amii lɛlɔ mmomu.

Esekiel 28:24

Na su uwi ɔni na ala amɛni álɛ ni, Israel badukɛne basɔ balabla bekyuli bekpidi bani ndubukpoku-ma na ɔbla-ma aani si liyu alakpi akɔ na bakya. Na Israelƒuɔ badubo bɔnu bɔti ka ami Unwoti Katɔti nábla ala amɛni.’ ”

Sakaria 8:2

“Mɔɔyɔ́ Sion geen ɔni na nwuna bekisine baakya-mi kɔnyi.

Sakaria 8:8

na basɔ benwini bebelie Yerusalem. Badubunwini mina bekyuli, na ami lɛbla bana Katɔti, na lɛsia mina litemi kama siin, na lɛtɛ bana etemila ulu siin lɛlɔ lite-ma.

Lɛkpa Ulu 28:48

Anwuɔsu kɔka ku utukwɛ ku kɔwaba bonwu kɔdubɔda-mii na bɛkɛ ku kasɔngya bitaabla kabla teete bina bekisine bani enu kemmo na Unwoti ɔdubuti-mii ɔ́kya. Na Unwoti ɔdubɔya na bibo abi laa wetédu ka bina ƒui bíkpi bɛ́yii udu.

Budie Taatina 18:20

Amii bani nkya katɔ ƒui lɛlɔ lɛyɔ-mii. Na amii Katɔti bekyuli ƒui ku batalane ku Katɔti kenye bediene ni, lɛlɔ lɛyɔ-mii! Ɔsika Katɔti ɔ́tɛku ɔma ɔmmɔ litemi na lɛla lɛni na ɔ́bla-mii ɔsu!’ ”