Yesaia 13:2 - Katɔti Ɔku Kedee

² Unwoti ɔnini, “Tálɛ aƒlaga ɔdi na kɔbi goolo kɔdi ɔtantɛ kesii kani badubɔnu-nwaa, na akpali-ma emene momoomo na ebo-ma kɔnu anii bavi ɔma ɔban ɔmmɔ kenye na beduo bayikune bammɔ lɛlɔ na mmɔ.

Yesaia 13:2 ပူးပေါင်းရင်းမြစ်များ

Kɔgya 60:4

Álɛ aƒlaga éte bekyuli bani mɔɔbu-ɔ kalɛ na ɔtina-ma uwi ɔni na bana bekisine badubo.

Yesaia 10:32

Ɔmwi ni, bekisine bammɔ badubɔƒɔ lɛlɔ bakya Nob ɔma na bataadu anyi teekene lɛvu taayila Sion teemene kɔbi kɔmmɔ na Yerusalem.

Yesaia 11:12

Ɔdubo bunyene aƒlaga ɔdi ute kadi ƒui bekyuli, na ɔkpanku Israel kadi bekyuli bani na béƒie bésienku kɔlɔ bamba ku Yudaƒuɔ bani na bégyingya bakya ƒui ɔsiku kayawi lɛƒɛnyi ine bɔmmɔ ƒui ubasala.

Yesaia 11:15

Na Unwoti ɔdubɔya na Ɛpugyie kaviakɔ kani nédie utukwalɛ aani lɛba mmɔ kakwii. Na ɔtalaku nwuna kɔnu ɔsia Euƒrate Ketu na utiku ɔƒɛƒɛɛ ɔni mɔɔkula ala na ukpo ɔvi-ka anumi na ule-ka ɔbla ntukpa wɛlɛ wɛlɛ maatɛ na ɔdia bɔvia ku lɛgba.

Yesaia 18:3

Amii bayawine ƒui, ku amii bani na bilie kalɔ lɛlɔ mɛni, bɛdubo bɔnu aƒlaga ɔdi si bákɔliku-nwu katɔ na abi lɛlɔ, na binu kakpɛɛ kadi kɔku si bávwi-ka.

Yesaia 19:16

Na limeyi lɛmmɔ lɛlɔ ni, Egyipteƒuɔ badubɔta babla aani beleku, na lɛlɔ litaatɔ-ma geen ku bɔyia na Unwoti Katɔti kɔnu kɔni na ɔ́talaku katɔ ɔnii ɔɔƒiɛmi-ma ɔsu.

Yesaia 31:9

Bana kɔgyumanakɔ kpakplaa kɔni na bátu bényene mmɔ ƒui kɔdubɔƒɛ kuwi kalɔ, uwi ɔni na ɔgbankpi ɔmmɔ ɔdubɔda ɔlɛ-ma lɛlɔ ɔni na baaagyi beeese. Na bana bekpone benengu ƒui badubɔyia na bekeli na kekpokɔ mmɔ.” Lɛni na Unwoti ɔni násala lɛgyavonku lɛyu bonwu ɔ́lɛ Sion Kɔbi lɛlɔ ɔ́su.

Yesaia 5:26

Ɔ́kɔliku aƒlaga úte kadi bani na ɔgyu kakaaka. Na ɔ́vwi uƒiomu ɔ́kpali bani na kayawi kawɔlɔkɔ ƒui. Aanu-ma ka bakɛ ku usi badubo.

Yeremia 50:2

Lɛ kati bute aƒlaga na ava momoomo kalɛ na kadi bekyuli ƒui benu anini, ‘Badubo Babilon buƒie enu enu! Na kɔƒa kɔdubo bana Marduk baƒiɔ bammɔ bukpo na liƒu liƒie-nwu geen na bebo ala ani na bávɔ béte-nwu bɔbwɛ buwi kalɔ ƒui.

Yeremia 50:41

“Bɛnu! Ɔ́si ɔgyu kakaaka na kalɔ kammɔ katɔ kakɛ ni, kadi bekyuli bayikune badi ku baga pii báata bátu akpagya na benye kagyumana ka bebekpo.

Yeremia 51:12

Na bɛkɔliku bina kati bute aƒlaga katɔ na bitaaƒɛ ɔma unengudi ɔmmɔ awodu. Bimene bagyumane bibu. Na bɛya na bekpone bataanu ɔma unengudi ɔmmɔ lɛlɔ. Na bɛbla kɔbɛkɔ kesii kani na bɛdubunye bitaatu ɔma ɔmmɔ. Ami lɛ́ɛbla kasusu ka ndubo ɔma ɔmmɔ udu bɔyila na lɛla lɛdi lɛsɔ liletile-mi kuƒi.

Yeremia 51:25

Bɛ́yila kadi bekyuli pii udu na kalɛ na bɛɛnu lɛlɔ ka bibo ɔyikun aani kɔbi ɔsu. Nsu ami nénwini bina ukisine ɔƒaamu. Na lɛkana na liƒie-mii na libo-mii lɛsiku atakpɛ lili mbaƒiɛmi kalɔ. Na si uwi ɔni na lɛ́wɔlɔ ala ani ƒui na nnii mɔɔbla ni, bɛdubunwini aani atimbɔ ani na bébo béwi na ɔƒɛ úƒi-nya.

Yeremia 51:58

“Na badubɔƒɛ bana awodu bonwu bonwu ammɔ ƒui bewi kalɔ na batu ogya bakya lɛban kɔyakun kɔmmɔ. Na ala ani ƒui na bábla kabla ku lɛnungyie bákɛ ƒui badubo-nya bɔkyula na uyɔ utaakɔ ka teesie katɔ.”