Yesaia 11:4 - Katɔti Ɔku Kedee

⁴ Mmomu ɔdubɔtɛ litemi siin bute bawabane na ukulo litemi kemmo ulu geen ɔmmɔ lɛlɔ ute kalɔ kamɛni lɛlɔ bawabane. Nwuna kenye litemi na ɔdubuti ɔni bekyuli kɔtu aani lɛbuala na ɔyila-ma udu.

Yesaia 11:4 ပူးပေါင်းရင်းမြစ်များ

Samuel 2 8:15

Ɔ́di Israelƒuɔ ƒui lɛlɔ kaduɛ ɔni na ɔ́bla ala siin úte nwuna bekyuli.

Hiob 15:30

Ɔƒɛ ɔdubɔsa ɔkya-ma, na ogya ɔdubɔkyula-ma. Na ɔƒɛƒɛɛ ɔni mɔɔlɛ́ taasi Katɔti kenye kemmo ɔdubɔkpala-ma ɔtɔlɔku.

Hiob 4:9

Unwoti kɔnyi kuubo-ma lɛlɔ aani kalɛ na ɔƒɛƒɛɛ kpakplaa uukpó taayila lɛla lɛdi udu.

Kɔgya 110:2

Unwoti ɔdubɔya na adi lɛga asi Sion avia ƒula bekisine kalɔ lɛlɔ muedi.

Kɔgya 18:8

Uyɔ ɔ́lɛ-nwu enwu kemmo, na ogya lɛnɔ ɔ́lɛ-nwu kenye kemmo ɔ́kyula ala. Na ogya agyabi ani náƒɔ ogya geen sɔsɔ aasí taabayu.

Kɔgya 2:9

Na adubuti lɛbuala ɔgagyii adi-ma lɛlɔ ku ɔyikun kpakplaa na abwɛ-ma ewi kalɔ kpɛtɛ kpɛtɛ aani ebwi kalɛ.’ ”

Kɔgya 76:10

Geen geen ni, kɔnyi kati kati kɔni na bekyuli bákɛ kɔdubunwini enugya ku bumwi ute-ɔ. Na si éti kɔnyi muedi ákya-ma ni, badubumwi-ɔ.

Yesaia 1:17

Bɛtɛya lɛbuni bɔbla. Na bɛbla ala ulu lɛlɔ siin. Bibunku bekyuli bani na beekpóku, na bikpo bite bekpinebi, na bɛya na bekpinele bakɛ bana kadikɔ.”

Yesaia 13:11

Ndubɔni bayawine kɔtu na bana likyulikpi ɔsu, na lɛni balalane kɔtu na bana ekpidi ɔsu. Na bani mɔɔnu lɛlɔ katɔ katɔ ni, ndubɔya na bana lɛla tabu kenye kekulo, na liboku bani mɔɔtalaku lɛlɔ katɔ kalɔ.

Yesaia 14:30

Ndubute bawabane geen ƒui na badi aani baƒonu ɔdane buni kalɛ na bani mɔɔyaki ƒui batɛ ku banwuna. Nsu amii ni, ndubɔya na kɔka kɔdu-mii ƒui na bɛyii udu ku ligyiitu.

Yesaia 16:5

Ɔmmɔ kama ni, badubuse lɛga kadikɔ kadi bese, na kadanku bɔyɔ ute bekyuli ƒui. Na ukyuli ɔni mɔɔdi litemi lɛlɔ ulu lɛlɔ ndubo lɛga lɛmmɔ bɔdi. Na ɔ́si Dawid ɔtɔ kemmo. Na anwu mɔɔtɛ litemi na ulu geen ɔmmɔ lɛlɔ. Na ɔɔbabla taasia anu taabla lɛla biala siin.

Yesaia 2:4

Na Unwoti ɔdubɔtɛ litemi na ɔklibi kadi ku kadi unyeƒi ɔni nkya-ma ntɛ. Na bana kuwii ƒui ni, ama alati badubuti-ku bakywɛ anwami bonwu ani muunwíni kalɔ. Na beti bana atula bakywɛ asaaka. Na kadi ku kadi basɔ balata kekpo, na basɔ balatumini bekyuli belete kekpo lɛnɔ.

Yesaia 26:6

Lɛgba na badubɔnya mmɔ bavi na bawabane ku bekyuli bani mmomu na baanya taakya ndubɔkɔ-ma lɛlɔ bavi.”

Yesaia 29:19

Na bawabane ku bani mɔɔyaki ala ƒui ni, badubɔdi limeyi ku kɔvanu na bebo kudu momoomo na Israel Unwoti Katɔti ɔni nse kedee ɔsu.

Yesaia 3:14

Ɔdubɔtɛku nwuna kadi benengu ku batɔnkune litemi ɔnini, “Amii nébile Yerusalem ɔni nse aani mina adingyii ebi kemo. Na bíyile bina kɔduli ku ala ani na bíƒie bɛ́ƒɔ bawabane kudɔ.”

Yesaia 30:28

Nwuna kɔnyi kuse aani ketu kani néyi kábada ukyuli limɔ na ɔɔtanyi kadi bekyuli ƒui taaƒuna-ma akɔ na ɔɔkyula bani na útaƒuna.

Yesaia 30:31

Na si Asiriaƒuɔ bénu Katɔti lɛdi ku ala ani na ɔdubo nwuna kɔnu budie na ɔbla mɛni ni, liƒu bonwu lɛdubo-ma bɔda.

Yesaia 30:33

Na ɔ́si kukuuku ni, Katɔti ɔ́ɔklibi kesii kadi úse úte Asiriaƒuɔ baƒiɔ bani na baatu lili aani ɔga ɔni ndubo bukpi. Na ogya ɔmɛni kasalakɔ kadi ubu voo ɔni na nwuna kemmo kábɛbɛ na bátɛ ekyweni bése béte-nwu. Na ogya agyabi ku ɔnyi ɔni na Katɔti ɔdubɔnwuna ɔlɛku nwuna lɛlɔ kemmo na ɔdubuti ɔtu ɔkya ekyweni ammɔ.

Yesaia 32:1

Ɔga ɔdi ɔdubo ubadi bekyuli lɛlɔ ulu siin lɛlɔ, na lɛlɔ badine batɛ etemila na ulu geen ɔmmɔ lɛlɔ.

Yesaia 32:7

Balalane ni, ɔkɔ na baanyi taasu ala, na baabla likyulikpi ala na baakya likpidi kɔkwɛ kalɛ na badu bekyuli bani nse kpɛtɛ kpɛtɛ na baayaki ala na belenu-ma buvele ina dɛ na beekpi-ma kɔtɔ banii banu-ma kɔnyana.

Yesaia 33:22

Unwoti ndubɔtɛ bula litemi ute-bu, na ɔdi-bu lɛlɔ. Unwoti ndi bula ɔga ɔni ndubɔda-bu, na lɛla lɛdi lilékpoku-bu.

Yesaia 40:7

Alakpi aayɛyɛ na anwula aanú. Ɔsika Unwoti ɔ́ya na ɔƒɛƒɛɛ úkpo ɔ́vi-ni lɛlɔ.

Yesaia 49:2

Ɔ́ya na mina kenye etemila aatu bekyuli aani kewii kani mbo ɔbi geen iye lɛtula lɛni kenye nse ƒiolu ƒiolu na use yayaaya na atula koƒo kemmo. Ɔda-mi kɔkɔɔkɔ na ɔ́bɛla-mi na nwuna lɛkɔkɔ kemmo.

Yesaia 61:1

Unwoti Ɔyikune Ƒui Kɔyu kɔ́ƒɔ-mi lɛlɔ kemmo! Ɔsika ɔ́tala-mi ɔnii nkɔ litemi buni lɛsa nte bawabane. Na lɛbwi bani muunú ɔlɛ na bana kayi kemmo na basɔ beeebo lɛnunsia, na libo kudu lite bani na béƒie na bébo-ma lɛkpu ka badubɔkɛ bɔnwuna na balɛ kasuudikɔ mmɔ.

Yesaia 9:7

Na nwuna lɛga kadikɔ kadubo katɔ butaakɔ ku keyi buɛɛ, na kaaadubo ulu bɔwɔ kudii. Na ɔdubulie Dawid lɛgaboku lɛlɔ utaadi lɛga lɛmmɔ, na nwuna lɛgadi lɛdubunye uwi ƒui. Na ɔdubɔtɛ litemi ulu lɛlɔ, na nwuna ablala ƒui adubuse siin. Na Katɔti ɔdubɔya na ɔmɛni ubo-nwu kemmo ɔkɛnku nwuna ɔyikun lɛlɔ!

Yeremia 33:15

Líse kenye ka ndubɔƒuna ɔga ɔdi lɛsiku Dawid ɔtɔ kemmo si uwi ɔdi úbedu. Na ɔga ɔmmɔ ɔdubɔsu litemi geen na ɔdi bekyuli lɛlɔ na ɔtɛ litemi ulu siin lɛlɔ.

Yeremia 5:28

na ala adianku-mii, nsu bíni na bilébunku bekyuli bamba. Na bɛɛbla bawabane lɛla lɛni na bɛɛkali ka lɛ́manku-ma.

Hosea 6:5

Ɔmmɔ ɔsu na lɛ́ya na mina kenye bediene béti litemi lɛni muukúlo kayi aani kewii béboku-mii na litemi bɔtɛ bɔni náƒɔ ogya aani ɔƒɛ bɔsia-nwu kama ku kɔtɔ bɔdu.

Seƒania 2:3

Na si biiboku lɛlɔ kalɔ na biinú Unwoti litemi bɔdi ni, amu bibo na bibakya-nwu lili kalɔ. Na si bíboku lɛlɔ kalɔ na bɛɛbla ala siin ni, ɔƒɛni kalɛ bɛdubɔkɛ bɔƒɔ na limeyi lɛmmɔ lɛlɔ uwi ɔni na Unwoti ɔdubudie nwuna kɔnyi keyi.

Malakai 4:6

Na ɔdubɔtɔnku bebi ku bawɔne na bataayɔ lɛlɔ teetulo ɔƒɛni, kalɛ na si líbo ni, na neeebo naaabayila kalɔ kammɔ ƒui udu.”

Mateo 11:5

Banumbwɛne baanu, na bani náƒɛ bewi kalɔ beesié. Ama bani muuƒi ɔlɛgyie lɛlɔ lɛɛbla sɛɛn na batutine beenú. Bekpine baata na mɔɔkɔ́ litemi buni lɛmmɔ lɛsa teete bawabane.

Mateo 5:5

Lɛlɔ litaayɔ bekyuli bani muuboku lɛlɔ kalɔ. Ama badubɔdi kayawi lɛlɔ ala aani kalɛ na Katɔti ɔ́su úse.

Batalane Kabla 9:1

Lebo lɛmmɔ kemmo ƒui ni, Saulo ɔ́bi ɔ́siaku Blɔti basiakune bammɔ ku lɛnungyie ɔnii ɔɔdú-ma. Na ɔ́tɔlɔ úsie Yudaƒuɔ ɔkpane unengudi kudɔ.

Korintoƒuɔ 2 10:1

Ɔmɛni ɔsu ami Paulo ɔlati líti Kristo kayi buɛɛ ku lɛlɔ kalɔ buboku muuvele-mii geen nnii bise atu na binu. Muunú ka bekyuli badi baasu banii mina lɛku lɛni muunweni libo ogya si liiibo-mii kudɔ, nsu lɛ́ba na mina butemi kemmo si nkya-mii kudɔ.

Galatiƒuɔ 5:23

ku lɛlɔ buwi buɛɛ ku lɛlɔ bɔti bɔda. Na ɔda bubo bɔdi bulétile ala amɛni kuƒi.

Tesalonikaƒuɔ 2 2:8

Na ɔmɛni kama ni, Katɔti ɔdubudie ukyuli ukpidi ɔmmɔ keyi ɔtina. Na si uwi ɔni na Blɔti Yesu Kristo úbo ni, ɔdubuti nwuna kenye ɔƒɛƒɛɛ ku bukeye ɔkyula-nwu na ɔyila-nwu udu ƒui.

Tito 3:2

Na asu-ma anii batalɔ ukyuli ɔdi lɛnyikpi. Mmomu badi kɔnwa na belie ku keyi buɛɛ. Na bataabu bekyuli na ulu biala lɛlɔ.

Yakobo 3:13

Si ukyuli ɔdi ɔɔnu lɛlɔ aani ɔnundane na bina akɔ ni, ɔlɛka uboku lɛlɔ kalɔ na ɔbla ala buni uti ɔtina ka ɔ́da anu.

Budie Taatina 1:16

Ukyuli ɔmmɔ ɔda ayabi maatɛ na nwuna kɔdianu. Na litemi geen lɛni nse aani kewii kani na bádɔ-ka lɛvi inyɔ lɛɛlɛ́-nwu kenye. Na nwuna anumi eekeye aani kalɛ na ɔƒɛ ɔɔbi.

Budie Taatina 19:11

Ɔmmɔ kama ni, lɛ́nu ka kayaa kálɛmi na ɔpɔnkɔ ɔƒualadi ɔdi ɔ́da ɔ́lɛ. Na ukyuli ɔni nlie-nwu lɛlɔ ni, baalɔ-nwu banii Kama Kekpokɔ ku Litemi Geen. Na ɔɔtɛ litemi siin na uukpó kekpo lɛnɔ siin.

Budie Taatina 19:15

Na litemi geen lɛni nse aani kewii kani bádɔ-ka lɛvi inyɔ lɛɛlɛ́-nwu kenye kani na ɔdubuti ukpo kalɔ ƒui bekyuli, na uti nwuna ɔyikun utaadi-ma lɛlɔ. Na ɔdubɔni-ma kɔtu kpakplaa ku Katɔti Ɔyikune Ƒui kɔnyi geen aani kalɛ na baaka ntu teedie ebi kemmo kpakplaa na ntɛ kablakɔ.

Budie Taatina 2:16

Binwini kama bɛkya bina ekpidi! Na si ɔɔɔdi lɛni ni, ami ndubo-mii kudɔ uwi klukui ku litemi geen lɛni mɔɔtu aani kewii kani mɔɔlɛ́-mi kenye na mbekpoku bekyuli bani nsiaku ala bɔtina bɔmmɔ kama.