Yesaia 10:4 - Katɔti Ɔku Kedee

⁴ Badubɔni-mii batɔlɔku na abuli kemmo ku bekyuli beƒiedi bakladi na biiibo lɛla lɛdi bɔbla, iye badu-mii bebunku bani na báadu béwi. Nsu ɔmmɔ ƒui Katɔti kɔnyi kɔɔɔdubo-nwu bɔyɔ tɔ.

Yesaia 10:4 ပူးပေါင်းရင်းမြစ်များ

Yesaia 22:2

Lɛlɔyɔ kudu kani nda ɔma umodi ɔmmɔ ƒui ku lɛsɛ. Na bani na békpi ni, ɔɔɔdi kuwii kenye na békpi, na ɔɔɔdi kekpokɔ lɛnɔ na bésie.

Yesaia 24:22

Na badubuƒie batuɔkplune bammɔ ƒui na bakya-ma ɔtɔ na bebo-ma lɛkpu bese na ubu kemmo utédu ka bátɛku-ma litemi na bani-ma kɔtu na emeyi pii adi kama.

Yesaia 34:3

Na baaadubo ɔdi bɔva, mmomu bekpine bammɔ badubuwi mmɔ na bebun beteenwenyi, na bana ubugya ɔdubɔƒɔ abi lɛlɔ ƒui.

Yesaia 5:25

Ɔmmɔ ɔsu na Unwoti uuti kɔnyi kpakplaa taakya nwuna bekyuli. Na ɔ́talaku kɔnu katɔ ka ɔƒiɛmi-ma ɔva kalɔ. Abi ƒui ákunku, na bani nékpi ƒui ɔlɔna uwi lilu lɛlɔ aani alakpi. Nsu ɔmmɔ ƒui útayɔ tɔ Unwoti kaƒɔ. Ɔsika ɔ́mu ɔ́tala kɔnu unye.

Yesaia 66:16

Ɔsika ogya ku kewii na Unwoti ɔda ɔdubo ubatɛku bekyuli litemi na Unwoti kewii kammɔ kadubo bekyuli pii bɔdu.

Yesaia 9:11

Nsu bana lɛlɔ katɔ bɔkɔliku bɔmɛni ɔsu ni, Unwoti ɔdubɔya na bana bekisine bani ndi Resin ku Asiria bekpone basala bata babasiaku-ma.

Yesaia 9:12

Na Siriaƒuɔ badubɔsi ɔƒɛ katukɔ, na Ƒilistiƒuɔ basi ɔƒɛ kanukɔ na bebebweli-ma aani eƒiebuo kalɛ. Nsu ina ɔmmɔ ƒui ni, Unwoti kɔnyi kútayɔ tɔ, mmomu ɔ́mu únene kɔnu unye ka ɔƒiɛmi-ma.

Yesaia 9:16

Batɔnkune bamɛni baatɔnku-ma taatáyila, na bani batɔnku mmɔ lɛnɔ baayii ulu.

Yesaia 9:17

Anwuɔsu na lɛlɔ lilayɔ Unwoti Katɔti na bana bakɔdi lɛlɔ munu munu, na bekpinebi ku bekpinele basɔ baládu-nwu kaƒɔ, ɔsika bana ƒui basɔ balábla Unwoti lɛyɔla, na baabla kalala na baanyi ɔkɔ. Nsu ina ɔmmɔ ƒui Unwoti kɔnyi kútayɔ tɔ, mmomu ɔ́mu únene kɔnu unye ka ɔƒiɛmi-ma.

Yesaia 9:20

Benye kesi kesii beemú taadi, nsu belemo na kɔka kɔsa. Ama alati bebi na badubo bɔkun ɔƒɛni amu.

Yesaia 9:21

Manase ɔdubo Eƒraim badi bɔkun, na Eƒraim ɔ́kun Manase badi aani beƒiebuo kalɛ. Na bana inyɔ benwini benye Yuda lɛlɔ. Nsu ina ɔmmɔ ƒui Unwoti kɔnyi kútayɔ tɔ, mmomu ɔ́mu únene kɔnu unye ka ɔƒiɛmi-ma.

Yeremia 15:2

Na si béye-ɔ banii wɛ na bésela ni, na asu-ma anii ami Unwoti násu nnini, ‘Ɔlɛ ukpidi ɔdubo bina badi bubo na bikpi. Na babambadi ni, kekpokɔ iye kɔka ndubo-mii bɔdu. Na bakladi ni, badubo-mii bɔkpanku bɔtɔlɔku busienku kaƒɔ.’

Yeremia 37:10

Ina bɛ́di-ma lɛlɔ muedi ni, bekpone bani náƒɔ ɔlɛ, nsu bétekpi mmɔ badubo na bɔsi bana adi nvo kemmo bebo na batu ogya Yerusalem ɔma umodi ɔmmɔ.”

Yeremia 4:8

Na Israelƒuɔ ama ni, lɛ́su-ma nnini, ‘Biti kɔnyana ala bɛda! Na biteewulo kanyana ku keku momoomo.’ Ami mɔɔnu ka Unwoti ɔ́mu úti kɔnyi ɔ́kya-bu geen.”

Hosea 9:12

Na si ina bɛ́wɔ muedi ni, ndubɔkpanku-ma ƒui, na kebu amii lɛti. Bɛdubulie biteewulo kɔnyana uwi ɔni na línwini kama lɛ́kya-mii na ala ekpoku-mii na bɛyii udu ƒui kede kede.

Lewiƒuɔ Ɔda Bubo 26:17

Mina anumi adubɔlɛ-mii lɛlɔ na lɛya na bina bekisine badi-mii lɛlɔ. Na ama bani muukisi-mii mmɔ kalɔ na bɛdubo bɔkya na biteekeli uwi ɔni na ɔdi ulábɔku-mii.

Lɛkpa Ulu 32:30

Bi mɔɔlɛ́ ɔsu na ukpone ukisine unwi pɛ ɔ́bi ɔ́siaku Israelƒuɔ bekpone apim? Na bekisine bekpone inyɔ bábi básiaku Israelƒuɔ bekpone mpim leevu?