Yesaia 10:3 - Katɔti Ɔku Kedee

³ Bi na bɛdubo bɔbla ɔgbankpi uwi, uwi ɔni na ndubɔya na ɔsi kalɔ kakaaka ubo ubalɛ-mii lɛlɔ? Ɔma na bɛdubo bukeli bɔtamiku? Na ɔma na bɛdubo bina akɛla bɔda buse?

Yesaia 10:3 ပူးပေါင်းရင်းမြစ်များ

Ala Kalɔ Buse 31:1

Uwi ɔmmɔ ka Laban bebi bananabi bammɔ bakya baatɛmi ni, Yakob únu. Na básu banini, “Yakob ɔ́ƒɔ bula ɔti ala ani nse-nwu ƒui únwini anwu ɔdi. Na akɛla pii ani ƒui na ubo mɛni ni, bula ɔti ala ani na nka ubo na adi.”

Baga 2 7:15

Na batalane bammɔ bésie laa bétédu Yordan Ketu na lɛwu ku ala ani na Siriaƒuɔ bekpone bakya baada teewi ulu lɛlɔ uwi ɔni békeli bésela kani na bánu na ulu lɛlɔ. Ɔmmɔ kama bénwini na bábasu ɔga ala ani nálɛ.

Hiob 31:14

Na si ńtabla ɔmɛni ni, bi na ndubo bɔsu si banii Unwoti ɔ́ta ɔnii ubawia ala kalɔ ɔnu? Na si ɔnii ɔɔtɛ litemi lɛmmɔ ni, dɛ na ndubo kenye budie?

Agba 11:4

Ukyuli lɛkɛ lɛɛɛdubo-nwu bubunku Unwoti litemi bɔtɛ limeyi. Nsu ngba buni bulie muudie ukyuli na kukpi kemmo.

Yesaia 13:6

“Biwulo momoomo ku kɔnyana, ɔsika Unwoti Ɔyikune Ƒui limeyi lɛni na ɔdubo bekyuli bɔkyula lɛsia ulu líibo líbedu suɛlɛ suɛlɛ.

Yesaia 17:4

“Na limeyi lɛmmɔ lɛlɔ ni, ala ani ƒui na Israel ubo ɔsu na uukeye adubɔyii udu, ɔsika ayaki adubo kalɔ kammɔ bɔda geen.

Yesaia 20:6

Na uwi ɔmmɔ kemmo ni, kadi bani nli Ƒilistia ɛpu kɔtɔ badubɔsu banii, ‘Bɛnu lɛla lɛni nálɛku kadi bani bekyuli na bɔɔkali ka bukeli butátamiku na bebunku-bu na bɔlɛ Asiriaƒuɔ enu kemmo. Bi na badubo bɔbla ɔƒɛni? Na wɛ na bɔdubɔsɔ bukeli busie?’ ”

Yesaia 26:14

Na bekyuli bani kabla na bɔ́bla ƒui béekpi báyii udu na basɔ baaadubo bɔta bubo mɛni! Awɔ nékpo-ma na áyila-ma udu ƒui na bekyuli báyiƒala-ma.

Yesaia 26:21

Ɔsika Unwoti ɔ́si ɔdubo na ubani kayawi bekyuli ƒui kɔtu na bana ekpidi ɔsu. Na kalɔ kammɔ kadubɔsu ubugya ɔni na bekyuli bádu béwi-ka lɛlɔ. Na ɔsɔ ulakana ɔdi bɔbɛla lɛnɔ.

Yesaia 28:20

Na bina kɔtɛnkɔ kɔsɔ kuléduku-mii na binene lɛlɔ bɛtɛ. Na bina kɔyɔ adi asɔ alábɛbɛ na bɛni bibi lɛlɔ.

Yesaia 29:6

Na Unwoti Ɔyikune Ƒui ɔdububo, na bɛdubunu ka katɔ keedu momoomo, na kalɔ kaakunku, na ɔƒɛƒɛɛ kpakplaa uukpó, na ogya ɔni mɔɔkyula ala uudie unyemi.

Yesaia 30:16

Nsu bíni na bɛ́su bɛnini, ‘Oowo! Bɔdubo bukeli ku bula bapɔnkɔ na bɔtɔlɔ bula bekisine kudɔ.’ Na bɛdubo bukeli sɔsɔ! Nsu bina bekisine bammɔ mmomu ndubo bukeli butulo-mii.

Yesaia 30:5

Nsu Egyipteƒuɔ baaadubo-mii bɔkana bubunku anwuɔsu kɔsia kɔdi kuuubo-nwu kemmo ka biti bina anu bɛsia-ma lɛlɔ.”

Yesaia 30:7

Bésela Egyipteƒuɔ kudɔ bani kebunku naaadubo-ma kɔsia kɔdi bɔlɛ anwuɔsu mɔɔlɔ-ma Rahab, kebweyi kani neeebo kɔsia.”

Yesaia 33:14

Liƒu líƒie alaekpidi bablane benengudi bani nkya Sion Kɔbi lɛlɔ na lɛlɔ lɛɛtɔ́-ma kpakpaakpa na béye banini, “Dɛ na bɔdubɔkana kesii kani na ogya ɔni mɔɔkywí teebile ala uwi ƒui na uléni mɛni bulie?”

Yesaia 39:3

Ɔmmɔ kama kenye udiene Yesaia úsie Ɔga Hesekia kudɔ na úye-nwu ɔnini, “Wɛ na bekyuli bamɛni bási na bi na básu-ɔ?” Na Hesekia údie kenye ɔnini, “Bekyuli bammɔ bási ɔgyu kakaaka na Babilon kalɔ lɛlɔ.”

Yesaia 5:14

Kaƒiɔtɔ kadaku akpu bɔta na adila abuni ani na ɔdubɔkɛ bɔsiku Yerusalem lɛlɔ ɔsu. Babune ku bekyuli keeke ƒui badubo-ma bubweli ku bana ntɛ bekpine ƒui.

Yesaia 5:26

Ɔ́kɔliku aƒlaga úte kadi bani na ɔgyu kakaaka. Na ɔ́vwi uƒiomu ɔ́kpali bani na kayawi kawɔlɔkɔ ƒui. Aanu-ma ka bakɛ ku usi badubo.

Yeremia 22:7

Ndubɔya na bekpone bebo bababwɛ mmɔ ƒui na beti lɛtalagyii kpakplaa lɛni na básia awodu eli mmɔ ƒui benwini ekyweni bakya ogya bakyula.

Yeremia 4:30

Yerusalem, bákpala lɛla biala bédie ƒula kalɔ lɛlɔ, nsu bɔkɛ kani na akɛ aaví taabla ala aani ɔyalɛ na aawia ka ƒula basɔnɔ kuuku bani muukisi-ɔ ɔƒaamu basɔ benwini bebo-ɔ kudɔ. Lɛwu ligyiedi ku sika asɛɛ ani na akya ku ala ani na áwɛɛ anumi mmɔ ƒui ɔkyiɛdi na ɔdi. Bɔdu geen na ƒula bayɔne bammɔ bébo-ɔ bɔdu!

Yeremia 5:31

Kenye bediene baakɔ́ bana etemila lɛsa na baƒiɔ lɛnyi kemmo. Na mina bakpane baláwia ka babla-mi kabla. Na amii mina kadi bekyuli lɛnɔ bɛɛyɔ́-nwu lɛni! Na ɔgbankpi limeyi ni, ɔma na bɛdubo bukeli bɔtamiku bɛnii ubunku-mii?”

Yeremia 9:9

Lɛ lɛla lɛdi lɛnumi te-mi na ɔdi kasusu kabuni kani ɔsu na bekyuli bamɛni bátamanku kɔtu bɔni? Ami Unwoti Ɔyikune Ƒui nátɛmi.

Hosea 5:13

“Na uwi ɔni na Israel ku Yuda bekyuli bánu bana ɔlɛ ɔni nda-ma báti ni, békeli bésie Asiria ɔga unengudi kudɔ banii ubunku-ma. Nsu útakana-ma kebunku kadi bute na ɔbwi-ma.

Hosea 9:5

Na bi na adubɔsɔ akana bɔbla lɛnɔ na Unwoti emeyi buni bɔdi lɛlɔ si uwi údu ka asɔ alakana-nya bɔdi?

Hosea 9:7

Israelƒuɔ, bina kɔtu bɔni uwi údu ka bɛƒɔ ala ani ƒui na bɛ́bla kayu na amii alati bɛdubɔnu bɔti. Amii mɔɔsu bɛnii, “Katɔti kenye bediene bádɔlɔ na nwuna batu beekpi libuo.” Na bina ekpidi pii ani na bɛɛbla áya na bíti-mi bukisi geen.

Amos 5:19

Bɛdubukeli gyata na bitéduo kegidi enu kemmo. Na bɛdubukeli bitéduo bina kɔduli, nsu awodu eli ani na bɛdubuti enu bɛsia bɛnii bɛɛnwuna ni, mmɔ na balakpi badubo-mii bɔdu.

Mika 7:4

Bekyuli babuni ƒui bani na bakya-ma akɔ muedi betulo liyu alakpi ani náka ámana lɛla lɛdi. Kenye bediene ku bani mɔɔnu bana ablala taasu béte bɔti ka bana bɔkyula uwi údu na bábla gyuma gyuma na béƒu ku bɔyia.

Seƒania 1:18

Uwi ɔni na ami, Unwoti, ndubɔkɛ kɔnyi na mbada lɛlɛ-mii lɛlɔ mmɔ ni, bina sika ɔƒualadi ku sika ugyiedi ƒui muedi ulakana-mii bɔƒɔ na limeyi lɛmmɔ lɛlɔ. Ndubo kɔnyi bɔkɛ geen na libile ala aani kalɛ na ogya ɔɔda momoomo teekeyi lɛla biala ku bekyuli.”

Luka 19:44

Bekyuli badubo ɔma ɔmɛni bɔyila ku udu na badu bekyuli bani nkya-nwu kemmo ƒui. Na lɛtabi lɛdi muedi lɛsɔ lilése nina keliekɔ. Ɔsika bíni na bítanu bítati uwi ɔni na Katɔti úbo ɔnii ubedie-mii!”

Lɛkpa Ulu 28:49

Na Unwoti ɔdubɔya na kadi bamba bekyuli bani na si bátɛmi na bilénu kalɔ basi ɔgyu kakaaka bada balɛ-mii lɛlɔ kɔnakunwi aani kalɛ na kasangbii kaayu teeƒie lɛkɔkɔbi kalɛ.

Petro 1 2:12

Na bilie ngba bɔni nse sɛɛn na bani naaadi baƒɔtaadine akɔ. Na ina baasu-mii lɛlɔ litemi likpidi muedi ni, badubɔnu bina ablala bati ka bɛdi bekyuli babuni. Na badubɔgya Katɔti enu na litemi bɔtɛ limeyi lɛmmɔ lɛlɔ.