Yesaia 10:1 - Katɔti Ɔku Kedee

¹ Bɔbuɛ beete bekyuli, ama bani muunyimi ɔda bubo bukpidi kalɛ na bataanya bekyuli taakya.

Yesaia 10:1 ပူးပေါင်းရင်းမြစ်များ

Baga 1 21:13

Ɔmmɔ kama báwia nkyuli inyɔ bani mbo likyulikpi na bénye bekyuli akɔ mmɔ na báda Nabot kenye banini, “Nabot ɔkya uuwida Katɔti ku Israelƒuɔ ɔga.” Ɔmmɔ ɔsu bákpanku-nwu bálɛku ɔma ɔmmɔ kemmo na bébo-nwu atabi bádu.

Kɔgya 58:2

Kudii uuuse lɛni, mmomu kalɛ na binwini ala kekuma kasusu kani na biilie teeti uwi biala. Na bina enu aata pla pla kalɛ na bɛbla kalala na bayawine akɔ.

Israelƒuɔ Bɔlɛ 23:3

Tanu ɔwabane anumi tatɛ litemi na litemi katɛkɔ.

Israelƒuɔ Bɔlɛ 23:6

“Tebulo ɔwabane litemi bɔtɛ siin na litemi katɛkɔ.

Yesaia 29:21

Na ɔkɔ kenye bediene bani mɔɔnyi ɔkɔ teedie ala kenye kalɛ na badu bekyuli bani na nka bátaƒiɔ kɔtɔ lɛ́nɔ badubo bɔyii ƒui.

Yesaia 3:11

Bɔbuɛ ute likyulikpi ala bablane! Ɔgbankpi ɔ́ɔda ɔ́lɛ-ma lɛlɔ! Bana enu kabla lɛyuƒɔla badubo bɔƒɔ.

Yesaia 3:14

Ɔdubɔtɛku nwuna kadi benengu ku batɔnkune litemi ɔnini, “Amii nébile Yerusalem ɔni nse aani mina adingyii ebi kemo. Na bíyile bina kɔduli ku ala ani na bíƒie bɛ́ƒɔ bawabane kudɔ.”

Yesaia 5:11

Na amii bani mɔɔta ɔtanta tutuutu teelie ntɛ bɔni lɛlɔ teetédu usien lɛdiba ni, Unwoti uwi úudu ka ɔkyula-mii.

Yesaia 5:18

Bɔbuɛ ute amii bani nda ɔkɔ etemila na bɛ́ni ekpidi bɛdanku bɛkɛ aani kɔbuli, na bina ulikplu ala bɔbla ese aani kɔbuli kɔni mɔɔní kɛɛkɛ taavinku.

Yesaia 5:23

Bekyuli bani mɔɔbɛ́ taaƒɔ ala, na beete balalane ubo ka bekeli bana kɔtu bɔni, na baaní bekyuli babuni mmomu kɔtu ni, bɔbuɛ beete-ma.

Yesaia 5:8

Bɔbuɛ ute amii bani muuyé lɛtɔ taasia kama na bɛ́bɛbɛ bina kɔlɔ kuyedi bísela anumi ƒui. Bekyuli bamba basɔ beeebo keliekɔ kana kemmo mmomu kénwini amii lɛti keliekɔ.

Yesaia 59:13

Bɔ́ta búnye-ɔ lɛlɔ na búni bɔnii bulasiaku-ɔ kama. Ɔkɔ etemila sɔɔn néyi-bu kayi kemmo anwuɔsu na ɔkɔ ɔmmɔ kani na bɔɔnyi na bɔɔnya bula bakpana taakya.

Yesaia 59:4

Biiti lɛlɔ teesienku litemi katɛkɔ nsu bilátɛ etemila ulu siin lɛlɔ. Mmomu unyeƒi ukpludi ku kenye ogya ku ɔkɔ ala sɔɔn na bɛɛsu. Na biilie taabla kasusu kekpidi uwi biala anwuɔsu lɛnɔ na bɛɛwɔ likpidi.

Yeremia 22:13

Unwoti ɔnini, “Ɔga Yehoiakim, bɔbuɛ muute-ɔ awɔdi ɔ́sa! Átu ɔga kesii katu taasia lɛtɔ bonwu bonwu na lɛsia katɔ.

Amos 2:7

Na bébo bawabane báva kalɔ na bédi bani na mɔɔwia kebunku bése kɔmadɔ. Na báya na bekyuli balábu mina lɛnyi lɛni nse kedee, ɔsika ubi ku ɔti ƒui baatɛ ugblebi unwi kudɔ na baayá na mina lɛnyi liisé lɛlɔ.

Mika 6:16

“Ala amɛni ndubo-mii bɔlɛku na ɔni na bɛsiaku Ɔga Omri ku ubidi Ɔga Ahab likyulikpi ala bɔbla kama ɔsu. Anwuɔsu ndubo-mii udu bɔyila ku bina akɛla ƒui na kadi bamba bekyuli ƒui bataama-mii na bedumi-mii.”

Habakuk 2:12

“Bɔbuɛ ute-mii! Ɔsika alaekpidi bonwu bɔbla ku lɛsɛ bɔkya ku bekyuli bɔdu lɛlɔ na bɛ́da bina ɔma unengudi bɛ́sia.

Habakuk 2:15

“Bɔbuɛ ute amii bani muute bina bakpana ntɛ bɛnii bani bekpi na bɛnu-ma kasɔngya.

Habakuk 2:19

Bi ndi lɛla lɛni na ukyuli ɔdubɔkana na ɔtɛya ɔsiku baƒiɔ bani na béti sika ɔƒualadi ku ugyiedi bákwaa kemmo? Ala amɛni alanwuna muedi. Kɔnyana litemi bonwu lɛdi lite ukyuli ɔni ndubɔta na ɔsu baƒiɔ bamɛni ɔnini, ‘Ta nye, na abla lɛla lɛdi ete-mi.’

Habakuk 2:6

Nsu bekyuli badubo-ma bɔma na basu-ma banini, ‘Bɔbuɛ ute-mii! Bɛ́nya bekyuli bɛ́kya na bíyu-ma ala ani na bebo bíti bínwini amii adi bɛ́tɛ bíse lɛlɔ.’

Habakuk 2:9

“Bɔbuɛ ute-mii! Ɔsika amii nénye bekyuli lɛlɔ na bíƒie-ma ala bɛ́ƒɔ bɛ́bla lɛkɛ bíse bina bebi. Na bɛ́su ku bɔsu muedi bɛnini, ‘Ɔda bubo bɔdi buladi-bu lɛlɔ.’

Mateo 11:21

Ɔ́su ɔnini, “Bɔbuɛ muute awɔ Korasin! Na bɔbuɛ muute awɔ Betsaida! Si lɛma likpidi Tiro ku Sidon na nka lɛ́bla akɔla budie taatina ani lɛ́bla na bina akɔ ni, badubɔda adala ani mɔɔtina ka béni bana ekpidi.

Mateo 23:23

“Bɔbuɛ muute amii Katɔti ɔda bubo ala batinane ku Ƒarisiƒuɔ! Anumi lɛlɔ bekyuli bɛdi! Biiti kevoma kemo kutu akyala ƒɛƒɛɛ ani bɛ́bla muedi lɛkpa leevudi teete Katɔti, nsu bíni na biládi ɔda bubo bɔni náƒɔ kuye geen butulo lɛlɔ. Na muna lɛlɔ bɔdi ndi kalɛ na bilanu bekyuli anumi bilabla lɛla lɛdi. Na bɛnu bekyuli kɔnyana. Na bɛdi lɛla biala ulu lɛlɔ bite bekyuli. Ala amɛni lɛnɔ na ɔlɛka bɛbla, na bitada ɔdi bitese.

Mateo 23:27

“Bɔbuɛ muute amii Katɔti ɔda bubo ala batinane ku Ƒarisiƒuɔ! Anumi lɛlɔ bekyuli bɛdi! Bise aani kɔƒiɔtɔ kɔni na bákwa-ku kama na kɔɔdia bɔnu. Nsu nwuna kemmo ɔdi ukpine ɔni nébie na úbu ekubi ekubi.

Mateo 23:29

“Bɔbuɛ muute amii Katɔti ɔda bubo ala batinane ku Ƒarisiƒuɔ! Anumi lɛlɔ bekyuli bɛdi! Bɛɛtú kɔƒiɔtɔ kɔbuni teete Katɔti kenye bediene bani nélie siin, na bɛɛklibi-ku kaduɛ.

Mateo 26:24

Ami Ukyuli Ɔyawine Ubi ndubukpi aani kalɛ na Bunweni Kedee Ɔku ɔ́su. Nsu ni, bɔbuɛ muute ukyuli ɔni na ndubɔkya-mi kakya. Si nka bátawɔ-nwu muedi ni, na nka ɔdia-nwu utulo.”

Luka 11:52

“Bɔbuɛ muute amii ɔda bubo ala batinane! Ɔsika ɔtɔ ɔni kemmo na lɛnunda lɛkya ni, bɛ́kalɛ kayakun kammɔ bíse. Nsu amii alati bini bɛnii bileduo. Na biitile bekyuli bamba bani mɔɔwia beduo lɛnɔ kuƒi.”

Yohane 19:6

Amu na uwi ɔni na bakpane benengu ku Yudaƒuɔ benengu bammɔ bánu-nwu ni, báva básu banini, “Kana-nwu mana ugyii lɛlɔ! Kana-nwu mana ugyii lɛlɔ!” Mmɔ ni, Pilato ɔ́su-ma ɔnini, “Amii biti-nwu na bitákana-nwu bɛmana ugyii lɛlɔ. Ami ńtanu likpidi lɛdi na nwuna lɛlɔ kalɛ na lɛdu-nwu kɔtɔ.”

Yohane 9:22

Nwuna bawɔne básu ɔmɛni, ɔsika bátaayia Yudaƒuɔ benengu bammɔ. Ɔsika benengu bammɔ báalɛ ugyii bése ka ukyuli biala ɔni medie kenye ka Yesu ndi Ukyuli Ɔƒunadi ɔmmɔ ni, badubudie-nwu bana akɔ na Yudaƒuɔ kasalakɔ.

Yuda 1:11

Bɔbuɛ muute-ma! Ɔsika ulu ɔni lɛlɔ na Kain ɔ́vi ni, nwuna lɛlɔ kani na ama lɛnɔ bakɛ. Na bányonu lɛlɔ na belie ngba bukpidi bɔni na ukyuli ɔni baalɔ Bileam úlie ka baawia kayawi lɛkɛ ɔsu. Báta bénye Katɔti ɔda bubo lɛlɔ aani kalɛ na Koran ɔ́bla. Na badubɔyii udu aani Koran ɔmmɔ kalɛ.