Yesaia 1:8 - Katɔti Ɔku Kedee

⁸ Sion, lídie-ɔ atu aani kevo kani na bányonu bákya eƒu akɔ. Na útavumana ku ɔma unengudi ɔni bekpone báka bákya.

Yesaia 1:8 ပူးပေါင်းရင်းမြစ်များ

Hiob 27:18

Na kɔduli kɔni na békulo ƒui kuuubo udu bɔyii aani anasi ɔkpaala, iye nvo bɔni na bagyumane bálɛ na bábɛ-nwu kalɔ.

Kɔgya 9:14

Ya lɛ́sɔ línwini ḿbedu Sion ɔba kenye na lidie lɛnu limwi-ɔ. Na lɛlɔ lɛyɔ-mi na kalɛ na áƒɔ-mi ngba ɔsu.

Yesaia 1:7

Bina kɔlɔ ƒui kɔ́yii udu na kuwi ukpludi. Na bákyula-mii lɛma linengudi ƒui. Na binye bɛɛnu baƒɔ bammɔ na béti-mii mmo ku lɛla biala bénwini bana lɛdi na bébile lɛla biala.

Yesaia 1:9

Si Blɔti Ɔyikune Ƒui útebu bula ɛlɛɛ badi útese kama ni, bɔdubo udu bɔyii aani kalɛ na Sodom ku Gomora lɛma lɛ́yii udu.

Yesaia 10:32

Ɔmwi ni, bekisine bammɔ badubɔƒɔ lɛlɔ bakya Nob ɔma na bataadu anyi teekene lɛvu taayila Sion teemene kɔbi kɔmmɔ na Yerusalem.

Yesaia 29:3

Ndubɔya na baka-a bakya lɛƒɛnyi ƒui lɛlɔ na lɛya na batu kɔgyumanakɔ kɔni nákuku bamana-a na lɛbla kunyekɔ kesii kani na badubunye bayila ɔma ɔmmɔ udu.

Yesaia 30:17

Na ukisine unwi ɔdubo bina nkyuli eti leevu bɔbɔku. Na bana ɛlɔ muedi badubɔbɔku bina ƒui batɔlɔku. Na kawɔlɔkɔ ni, bina ɛlɛɛ kani ndubo bubu na bɛbla kɔnyana aani kalɛ na beekú lɛkpa linwi pɛ teenyene kɔbi kɔdi lili.”

Yesaia 37:22

ami Unwoti lɛ́ya na Yerusalem ɔni ndi ugblebi adagyaa ɔ́pii Sanaherib, na ɔɔmá-nwu, na bukeli bɔni na ɔdubo bukeli ɔsu.

Yesaia 37:4

Na ɔƒɛni kalɛ Unwoti ƒula Katɔti únu ala ani na Asiriaƒuɔ ɔga ɔ́tala nwuna bekpone benengu na bábasu-bu na bédumi Katɔti ɔni na uli ngba. Na muuvele nnii ƒula Unwoti Katɔti unu edumi ammɔ na ɔni bani nédumi-nwu mmɔ kɔtu. Anwuɔsu kpali Katɔti na evele ete bula bekyuli ku abu bani nli ngba.”

Yesaia 4:4

Na Unwoti ɔdubɔkpila Yerusalem beleku bammɔ ƒui sɛɛn na bana ekpidi ɔsu. Na udie ubugya ɔni na ɔ́dɔli Yerusalem ƒui na nwuna lɛlɔ, ku kɔyu kɔni mɔɔtɛ litemi siin na kuse aani ogya ɔni mɔɔkyula ala.

Yesaia 49:21

Mmɔ na Yerusalem aani uleku ɔmmɔ kalɛ ɔdubuye ɔnini, “Ɔma náwɔ bebi bamɛni ama. Lɛ́yila mina bebi na nsɔ naaanu-ma. Wɛ na bamɛni bási? Béti-mi bésienku kaƒɔ na liiibo ɔma nanyuɛ bebi bamɛni? Ami lɛti kani nebu nli. Na wɛ na bebi bamɛni bási?”

Yesaia 62:11

Na bati ka Unwoti muute-ma bɔti ɔnini, “Yerusalem bebi bɛnu, bina Ɔƒɔne ɔ́si ɔdubo! Na ɔda lɛyuƒɔla ɔduboku-mii.

Yesaia 8:8

Na kadubɔgbala ala laa ketédu Yuda, na kabuala kavi na keyi kadanku-ma amɔ. Na kana avwi ani na úgyingya adubo bɔbɛbɛ bubi ƒula kalɔ kammɔ ƒui, O Imanuel!”

Yeremia 6:2

Yerusalem ɔdi bebuo kadikɔ kabuni, nsu baƒonu badane badubɔka bamana-nwu na bele kalɔ kammɔ ƒui bete lɛlɔ,

Kɔnyana Buwulo 2:1

Unwoti úti kɔnyi! Anwuɔsu na ɔ́kya Sion kɔƒa. Na nwuna kɔnyi kemmo ni, úbo Sion ɔni ndi Israel bukeye ɔ́va kalɔ. Na ɔ́sɔ úteti mmɔ ka ɔdi nwuna lɛgba kanyakɔ.

Kɔnyana Buwulo 2:6

Ɔ́ya na bábwɛ Katɔti kakpakɔ kammɔ béwi kalɔ aani kalɛ na kevoma kemo ɔban ɔɔbwɛ teewi kalɔ. Na úbile lɛla biala na kesii kani na uubo taabasiaku-bu mmɔ. Na ɔ́ya na bɔ́da emeyi buni ku Lɛnwunameyi bɔdi bɔ́ya na Sion ɔma kemmo. Ɔkɛnku nwuna kɔnyi kpakplaa kɔmmɔ ɔsu ni, úni bula baga ku bakpane ƒui.

Sakaria 2:10

Amii Sion ɔma unengudi bekyuli, bidie lɛnu na bɛdi limeyi! Ɔsika Unwoti úse kenye ka ɔdubo ubelieku-mii.

Sakaria 9:9

Ukyuli biala ɔni nkya Sion ɔdi limeyi na ɔva momoomo ku ebiti banini, “Bɛnu! Bina ɔga ɔdubo-mii kudɔ. Use siin na ɔdanku bɔƒɔ. Uboku lɛlɔ kalɔ na ulie ebuo ala utine ubi lɛlɔ ɔdubo.

Yohane 12:15

“Amii, Sion bekyuli, bitayia lɛla lɛdi! Bɛɛnu bina ɔga ka ulie ebuo ala utine ubi lɛlɔ ɔdubo!”