Yesaia 1:4 - Katɔti Ɔku Kedee

⁴ O kadi bekyuli bekpidi, bana ekpidi énwini etila na aayu-ma unu. Badi alaekpidi bablane kasala, bebi bekpidi bani muusé lɛlɔ! Béni na bédie Unwoti atu, na béni Israel Ɔlatidi Kedee ɔmmɔ, na bénwini kama bákya-nwu.

Yesaia 1:4 ပူးပေါင်းရင်းမြစ်များ

Ala Kalɔ Buse 13:13

Na uwi ɔmmɔ kemmo ni, Sodom bekyuli bebo kuli ɔkplu na bátaabla alaekpidi lidu lidu taaƒiɔ Katɔti.

Baga 2 21:22

Na úni Unwoti ɔni ndi bana bati kuuku Katɔti ku nwuna ɔda bubo.

Ala Alɛdi 2 12:1

Uwi ɔni na Rehoboam ɔ́nu ka nwuna ɔyikun ɔ́di nwuna lɛgakadikɔ kammɔ ƒui lɛlɔ ɔ́wɔlɔ ni, uwi útetu asa na anwu ku nwuna bekyuli ƒui béni na básɔ belenu na baladi Unwoti litemi lɛlɔ.

Ala Alɛdi 2 27:2

Yonatan úlie ngba bɔbuni aani ɔti kalɛ, nsu anwu útetéduo kakpakɔ mmɔ kudii ɔnii ɔɔkyula oloƒui kalɛ na ɔti ɔ́bla dii mmɔ. Mmomu bekyuli bammɔ ala bana likyulikpi ala ani na baabla taata teenye Katɔti lɛlɔ kani nátakɔsi.

Nehemia 1:7

Ɔsika bɔ́bla likyulikpi bɔ́kya-a. Na bútadi Mose ɔda bubo bɔni na éte-bu mmɔ lɛlɔ.

Kɔgya 58:3

Bekyuli bekpidi ni, likpidi kani na beelie taabla uwi biala. Na baanyi ɔkɔ lɛnɔ ɔ́si bana bɔwɔ uwi ƒui.

Kɔgya 71:22

O Katɔti, ndubɔgya ɔbentaa limwi-ɔ, ɔsika aabla ala ƒui ulu lɛlɔ. Na lidie bumwi lɛnu lite awɔ, Israel Katɔti Kedee.

Kɔgya 78:40

Bekyuli bamɛni báta bénye-nwu lɛlɔ kɔlɛ kɔlɛ na kalɔ kakwiidi kemmo mmɔ, na báya na kayi kaakpulu-nwu geen.

Kɔgya 78:41

Bákɔku-nwu bánu kɔlɛ kɔlɛ na bákya anwu Israel Katɔti ɔni nse kedee ƒui kɔnyi.

Kɔgya 78:57

Mmomu bálɛ-nwu kama aani bana bati kani na bese aani kataminta kani nélii.

Kɔgya 78:8

Baaadubo buse aani bana bati bani náta bénye Katɔti lɛlɔ. Ama bábla atuɔkplu ɔsu na bénwini kaba kani nátadi Katɔti ɔda bubo lɛlɔ. Bana kayi kátasia Katɔti lɛlɔ uwi ndi uwi. Na bátadi nwuna etemila lɛlɔ lɛnɔ.

Kɔgya 89:18

Awɔ Unwoti Israel Katɔti Kedee ndi bula ɔga ku lɛgyumanala éte-bu.

Israelƒuɔ Bɔlɛ 32:7

Mmɔ na Unwoti ɔ́su Mose ɔnini, “Babla, na ayu kɔbi eteesie. Ɔsika ƒula bekyuli bani na ákpanku álɛku Egyipte kalɔ lɛlɔ bábla likpidi na béni-mi.

Yesaia 1:23

Na ɔma umodi ɔmmɔ batɔnkune bénwini bekyuli bani mɔɔta teenye-mi lɛlɔ, na baadiku beyune kɔkpana, na baaƒɔ́ ala na bɔbɛ kemmo taasiku bekyuli kudɔ. Béni ka bekpo bete bekpinebi. Na bekpinele litemi ani lɛɛɛkɛ-ma munu munu.

Yesaia 1:28

Na bani na ekpidi kani na beli baabla ni, ɔdubo-ma udu bɔyila ƒui, ɔsika béni na banii belebo Unwoti kudɔ.

Yesaia 10:6

Na mɔɔtala-ma ka betékpoku mina bekyuli bani naaadi mina etemila lɛlɔ. Lídie-ma ulu nnii betékpo mina kadi bekyuli, bekyuli bani mɔɔkya-mi kɔnyi, na beƒie-ma ala baƒɔ na besusu-ma kpɛtɛ kpɛtɛ.

Yesaia 12:6

Amii bani nkya Sion ƒui bidie ɔnu ku kudu momoomo, ɔsika Israel Unwoti Kedee úbomo na bina akɔ.”

Yesaia 14:20

Na baaadubo-ɔ bɔva bubunku bakladi kalɛ na báva ama, ɔsika ébile ƒula kalɔ na ádu ƒula bekyuli. Ukyuli ukpidi bebi ni, basɔ baaadubo-ma anyi bɔkpali kudii.

Yesaia 29:19

Na bawabane ku bani mɔɔyaki ala ƒui ni, badubɔdi limeyi ku kɔvanu na bebo kudu momoomo na Israel Unwoti Katɔti ɔni nse kedee ɔsu.

Yesaia 3:8

Yerusalem ku Yuda lɛma ƒui lɛdubo bubie na ala ƒui eƒu akya, ɔsika bana etemila áta énye Unwoti lɛlɔ, na béni ka babu anwu ɔni muukeye na bana akɔ.

Yesaia 30:1

Unwoti ɔnini, “Bɔbuɛ ute mina bekyuli bani mɔɔta teenye-mi lɛlɔ. Ama bani mɔɔkya kɔkwɛ na ulu ɔni lɛlɔ na basia babla ala na ɔɔɔdi mina ulu. Biinyimi ala teete lɛlɔ kalɛ na bitaadi-nya lɛlɔ na uwi ɔni na bíteye-mi bítenu. Anwuɔsu na ala ekpidi kani na bili bɛɛbla.

Yesaia 30:15

Israel Unwoti Kedee Ɔyikune Ƒui ɔnini, “Ndubudie-mii na bina ɔgbankpi biala kemmo si bíti bina anu ku kayi ƒui bɛ́sia-mii lɛlɔ na bínwini bíbo-mi kudɔ na bíboku lɛlɔ kalɔ kpoo.

Yesaia 30:9

Báta bénye Unwoti lɛlɔ na bénwini kama bákya-nwu ku ɔkɔ ala bɔbla. Anwuɔsu baaadi bekyuli bani na muunú-nwu bɔlɛ.

Yesaia 31:2

Unwoti útadɔlɔ! Ɔɔdi kenye kani na úse lɛlɔ. Na ɔɔkana na ɔya na kɔtu bɔni bubo ukyuli lɛlɔ na ɔyii udu. Na ama ndi balalane ku bani muunye teebunku likyulikpi ala bablane

Yesaia 37:23

Ɔma na akya eedumi taama? Na ɔma na aakwanyi taakya ku lɛdi momoomo? Na ɔma na aanu ɔnusɛ ku bɔpii? Ɔɔɔdi Israel Katɔti Kedee ɔmmɔ!

Yesaia 41:14

Amii Israel kadi bekyuli, bɛda lɛlɔ bukpoku bɛya ina bekyuli baanu-mii aani liklubi iye biiimomo na bɛɛɛdi lɛla lɛdi. Amii ndi Israel Katɔti kedee ɔni mɔɔgyumana-mii na mɔɔƒɔ́-mii ngba.

Yesaia 41:16

Na bibo-nya bitéwi aani kalɛ na baaƒɛ́ lɛla lɛdi, na ɔƒɛƒɛɛ uti lɛla biala ɔtɔlɔku. Nsu amii ni, lɛlɔ lɛdubo-mii bɔyɔ na bimwi ami bina Unwoti Israel Katɔti kedee.

Yesaia 41:20

Na bekyuli ƒui badubɔnu ɔmɛni na bati na ɔbla-ma nwaa ka ami Israel Unwoti Katɔti kedee nédie ala amɛni ƒui.”

Yesaia 5:19

Amii bani mɔɔpii Israel Unwoti Kedee bɛnini, “Babla na abla lɛla lɛdi bɔnu! Bo lɛlɔ na atina-bu lɛla lɛni na adubɔkana bɔbla.”

Yesaia 5:24

Anwuɔsu bana ƒui badubo bɔkywi bɔyii udu aani kalɛ na ogya ɔɔkyula livo ku keti. Bana ligyiitu lɛdubo bubun na bana anwula awiɛ. Ɔsika bekyuli bamɛni béni Unwoti Ɔyikune Ƒui ɔda bubo. Na béni banii belenu Israel Unwoti Kedee litemi.

Yesaia 57:17

Bina ɔdivo náya na líti kɔnyi lɛ́kya-mii na lɛ́ni-mii kɔtu na lɛ́bɛla-mii mina lɛlɔ na bɛsɔ bilanu-mi. Nsu ɔmɛni ƒui ni, bɛmu bibo atu ɔkplu na binye bina alaekpidi bɔbla lɛlɔ ku ɔƒɛni.

Yesaia 58:2

Baakɔ́ taayu limeyi ndi limeyi banii ami na baasiaku. Na beekpóku lɛlɔ aani si mina litemi na baawia batɛya. Na baatina lɛlɔ aani kadi bani bekyuli mɔɔwia ka babla lɛbuni na baadi mina ɔda bubo lɛlɔ. Baawia ka lɛni lide-ma suɛlɛ suɛlɛ na lɛtɛ litemi na ulu lɛlɔ siin lite-ma, na baasu ka lɛlɔ lɛɛyɔ́-ma ka bataasiaku-mi.

Yesaia 65:11

“Nsu amii bani néni ami Unwoti na bɛ́yiƒala mina kɔbi kedee kɔmmɔ na biisé kadikɔ na bɛɛsála ntɛ na bɛɛdi taani teemwi baƒiɔ bɛnii ama mɔɔyá na lili lɛɛdia-mii na ama mɔɔgyumana-mii kasikɔ ni,

Yesaia 65:3

Na baakya-mi kɔnyi uwi ndi uwi anumi ku anumi. Na bakɛ mmo ku atabi akpabi lidu lidu ƒui lɛlɔ baakyula akpala ku oloƒui.

Yesaia 9:17

Anwuɔsu na lɛlɔ lilayɔ Unwoti Katɔti na bana bakɔdi lɛlɔ munu munu, na bekpinebi ku bekpinele basɔ baládu-nwu kaƒɔ, ɔsika bana ƒui basɔ balábla Unwoti lɛyɔla, na baabla kalala na baanyi ɔkɔ. Nsu ina ɔmmɔ ƒui Unwoti kɔnyi kútayɔ tɔ, mmomu ɔ́mu únene kɔnu unye ka ɔƒiɛmi-ma.

Yeremia 15:6

Amii mina bekyuli bíni-mi na bɛ́gyu bɛ́tɔlɔ-mi kudɔ. Lɛ́ɛnɔ-mii kɔnyana bɔnu, anwuɔsu na ndubo-mii udu bɔyila

Yeremia 2:13

“Mina bekyuli, bɛ́ƒiɔ-mi na lilu inyɔ lɛlɔ. Bíni ami ɔni ndi libiɔ lɛni mɔɔyu ntu buni, na biidú ntu teewi abiɔ ani na bíku na bɛ́tu bɛ́kya kalɔ kemmo na ásia kɔka na ntu bulakana-nya kemmo buwi.

Yeremia 2:17

Na amii alati kudɔ na ɔmɛni ƒui ɔ́si! Anwuɔsu na ɔdi ka bɛdu lɛlɔ kɔtɔ. Ɔsika bɛ́da ami Unwoti ɔni ndi bina Katɔti kama bɔsiaku bɛ́ya.

Yeremia 2:19

Bina likyulikpi ndubo bunwini bina lɛtuni. Na kalɛ na bɛ́ta bínye-mi lɛlɔ na bíni-mi mɔɔdú-mii kɔtɔ. Ɔdi likpidi ku kɔtɔ bɔdu kati kati ka eni ami Unwoti Katɔti ɔsika ɔɔtina ka biláyia-mi munu munu. Ami Unwoti kadi ƒui Katɔti násu.

Yeremia 2:31

“Bise atu na binu lɛla lɛni na mɔɔsu. Budie na lídie-mii atu na kalɔ kakwiidi kammɔ kemmo na bɛ́sɔ bɛkya lɛdisa kemmo? Mina bekyuli na bɛdi, nsu bɛ́kana na bɛ́su-mi bɛnini, ‘Lɛla lɛni na abu bɔɔyɔ́ na bɔdubo bɔbla, na bɔɔɔdubo-ɔ lili kalɔ bɔkya.’

Yeremia 2:33

Bɛgyi ulu biala lɛlɔ na bɛkana na bɛsia na bɛkɛ bayɔne ɔni na bɛsɔ bɛɛtina beleku bekpidi bammɔ lɛla lɛdi.

Yeremia 2:5

Lɛni na ami Unwoti muuye-mii nnini, “Bi likpidi na bina bati kuuku bánu-mi lɛlɔ ɔsu na bénwini-mi kama na bésie basiaku ala bamba ani neeebo kɔsia ɔsu na ama alati lɛnɔ básɔ beeebo-mi kɔsia kɔdi?

Yeremia 50:29

“Bikpoku Babilon amii nwuna bekisine atula bebone. Na bɛbla kakyakɔ bɛmana ɔma unengudi ɔmmɔ. Na bitaya na ɔdi biala ukeli ɔtɔlɔ. Babilon ɔ́ta na únye ɔ́siaku ami Katɔti kedee. Anwuɔsu ala ani na ɔ́bla lɛma linengudi bamba ni, amii lɛnɔ bɛbla-nwu lɛni kani.

Yeremia 51:5

Ukyuli biala na Israel ku Yuda ƒui bábla ekpidi na báƒiɔ, nsu ami bana Unwoti Ɔyikune Ƒui lɛɛɛdubo-ma buni.

Yeremia 7:19

Nsu ɔɔɔdi ami lɛti na beedumi mmomu beedumi ama alati lɛlɔ lɛnɔ na kɔƒa ala ani na baabla mɛni ɔsu.

Yeremia 7:26

Nsu béni-mi na bébenwini batuɔkplune ku ekpidi bablane bétulo bana bati kuuku bammɔ muedi!”

Esekiel 14:5

Na si bénu-mi kenye kamɛni ni, ɔƒɛni kalɛ badubo kasusu bɔsɔku bɔbla na bada baƒiɔ bammɔ bɔkpa baya na benwini bebo-mi kudɔ.’

Esekiel 16:33

Bayalɛ ni, bɔtɛ na baatɛ banana kudɔ taaƒɔ́-ma egulabi adi. Nsu amii ni, amii mmomu muuti bina ala taatálɔ banana na bɔbɛ kemmo na beebo taabatɛnku-mii.

Esekiel 16:45

Ƒ'ini ɔni nékisi ɔgyani ku anwu ɔlati kaƒɔ bebi ni, anwu nálɛ. Na átavumanaku ƒula banwani belekubi bani lɛnɔ nékisi bana bagya ku bana bebi. Amorini na ƒ'ɔti ɔ́di na ƒ'ini lɛnɔ Hitini na ɔ́di.

Daniel 9:11

“Ukyuli biala na Israel úni ƒula ɔda bubo na atuɔkplu bɔbla kemmo na buládi-mu lɛlɔ, anwuɔsu na ewida ani na ƒula kabla ɔblane Mose únweni úse ébo-bu lɛlɔ.

Seƒania 1:6

Bekyuli bani ƒui nénwini kama bákya-mi na basɔ balani teede-mi ka bebenu-mi litemi ni, ndubo-ma lɛla biala bɔyila kede kede.

Bumomo Bɔka 32:14

“Aanu amii bekyuli bekpidi bamɛni lɛnɔ ka bɛsiaku bina bati ɔbladu ɔmmɔ kani kama na bɛɛyá na Unwoti kɔnyi kɔsɔ kɔkɔ-nwu katɔ kubu na Israelƒuɔ lɛlɔ.

Mateo 11:28

“Amii bani nti etila bonwu na lɛlɔ líitu-mii ni, bibo-mi kudɔ na ndubɔya na bɛnwuna.

Mateo 23:33

“Bekyuli bekpidi bɛdi! Bise aani balakpi ku bana bebi! Anwuɔsu ni, bɛɛɛdubo bɔkana na bikeli Katɔti kɔtu kɔni na ɔdubɔni-mii na lɛgyavonku kemmo!

Mateo 3:7

Uwi ɔni na Yohane ɔ́nu Ƒarisiƒuɔ ku Sadukiƒuɔ pii ka badubo na ɔkpila-ma ntu ni, ɔ́su-ma ɔnii, “Amii bani mbo likyulikpi aani balakpi! Bitatɔlɔ lɛlɔ bɛnii si bákpila-mii ntu kani ni, ɔ́sa na bɛ́lɛ Katɔti kɔtu kɔni na ɔdubɔni bekyuli bekpidi kemmo.

Romaƒuɔ 8:7

Na ukyuli ɔni kasusu nsia ɔlɔna ala kani lɛlɔ ni, ɔdi ukisine ute Katɔti, ɔsika uládi Katɔti ɔda bubo lɛlɔ. Na sɔsɔ geen ni, ulakana-mu lɛlɔ bɔdi lɛnɔ kudii.

Korintoƒuɔ 1 10:22

Munuu bɛɛyɔ́ ka Blɔti uti nwuna kɔnyi ɔkya-bu? Bitaya bɔkali bɔnii bubo ɔyikun butulo-nwu.

Lɛkpa Ulu 29:25

Na kenye kani na bekyuli bammɔ badubudie ndi ɔnii, “Bekyuli bamɛni báta béni bunyimi bɔni na Unwoti únyimiku-ma uwi ɔni na ɔ́da-ma údie Egyipte kalɔ lɛlɔ. Unwoti ndi bana bati kuuku Katɔti.

Lɛkpa Ulu 31:16

Amu na Unwoti ɔ́su Mose ɔnini, “Adubo bukpi. Na ƒula kekpima ni, bekyuli bamɛni badubo-mi kama bɔlɛ na bata benye ɔda ɔni na líbo-ma lɛlɔ. Badubo-mi bɔda buse na besie batátaakpa kadi bamba baƒiɔ na kalɔ kani lɛlɔ bésela betélie mmɔ lɛlɔ.

Lɛkpa Ulu 32:19

Ka Unwoti ɔ́nu ɔmɛni ni, úti kɔnyi. Na úni nwuna bebi belekubi ku bananabi.

Lɛkpa Ulu 32:5

Nsu bana ablala aaadi sɔsɔ, na bátamanku ka babla nwuna bekyuli. Ɔma ɔmmɔ bekyuli béyi ku likpidi ku katɔlɔ.

Koloseƒuɔ 1:24

Na ɔƒɛni ni, ɔdi-mi kubiti ka muubó abi na amii ɔsu. Na mina abi ani na muubó na ɔlɔna kemmo mɛni ni, ɔ́ya na muubunku na libo abi ani na Kristo ɔlɛka ubo na nwuna baƒɔtaadine lɛkpa lɛni ndi nwuna ɔlɔna ɔmmɔ lili lɛwɔlɔ.

Budie Taatina 18:5

Ɔsika ɔma ɔmmɔ ekpidi éemomo na ákuku étédu katɔ, na Katɔti únyimo udunkpi ala ani ƒui na nwuna bekyuli bábla.

Litemi Batɛne 10:10

Amu na Israelƒuɔ béwulo bákpali Unwoti banini, “O Katɔti, bɔ́bla likpidi na ƒula anumi, na búni-ɔ búse, na búsie bɔsiaku Baal baƒiɔ ku bana lidu bamba.”