Yesaia 1:3 - Katɔti Ɔku Kedee

³ Ɔmantɛ akɔ ɔgyani ɔgyi nwuna ɔtɔlati. Na ebuo ala utine ɔgyi kalɛkɛ kani kemmo na nwuna ɔtɔlati uuwi-nwu adila. Nsu mina kadi bekyuli Israelƒuɔ ni, ama beeese lɛni. Na belenu tɔ lɛla lɛdi kalɔ úti úbedu ɔƒɛni.”

Yesaia 1:3 ပူးပေါင်းရင်းမြစ်များ

Kɔgya 94:8

Amii badɔlɔdi, uwi ɔmani geen na bɛdubo anu bɔda?

Agba 28:5

Bekyuli bekpidi belenu ala bɔbla ulu lɛlɔ kalɔ. Nsu bani mɔɔsiaku Unwoti kama geen ni, beenú ɔmɛni kalɔ nwaa.

Agba 6:6

Amii bakɔsɔne bɛnu balalɛ na bɛtɛya lɛla. Bɛnu bana ablala na bɛda anu!

Yesaia 27:11

Na si egyii ammɔ kɔgba kɔ́kwii ni, kɔɔƒɛ na beleku babayɔ-ku basala ogya. Ɔsika lɛni na Israel kadi bekyuli bamɛni bese na belenu na balanu ala taati. Anwuɔsu na bana udiene lɛnɔ ɔɔɔdubo-ma kɔnyana bɔnu.

Yesaia 42:20

Bɛ́ɛnu mina ala bɔbla, nsu bɛɛdaku-ni, na bina atu ewi, nsu bɛnii bilénu lɛla lɛdi kalɔ.”

Yesaia 44:18

Bekyuli bani ƒui mɔɔbu baƒiɔ ni, anumi ábwɛ-ma na balánu na kasusu lɛnɔ kékpi-ma na belenu lɛla lɛdi kalɔ.

Yesaia 5:12

Biiti lɛnu lɛni mɔɔdia bunu ku ntɛ bɔbuni teesienku bina emeyi kadikɔ ku lɛbentaa ku ese ku atoloyii ku kɔkpɛɛ lidu lidu. Nsu bina kasusu kadi biala kelesie Unwoti ku nwuna ablala lɛlɔ.

Yesaia 5:13

Ɔmɛni ɔsu ndubɔya na mina bekyuli benwini bekeline na lɛma bamba ala kalɔ tenu ɔsu. Benengu bani nnye kunyekɔ kunengudi ku babune ƒui kɔka kɔdubo-ma bɔdu. Na utukwɛ ɔdu bekyuli lisu bakladi.

Yesaia 56:11

Batɔnkune badɔlɔdi, bítavumanaku bakpewe bani na bɔdi kani na bagyi na lɛla lɛla lilemo-ma kudii. Baƒonu badane bekpidi bani muulie taabla bana bebuo ulikplu na bɛdi, na amii lɛti bɔdia kani na bilie bite.

Yeremia 10:14

Bekyuli bani mɔɔnwí na baavɔ́ ala teese lɛlɔ aani baƒiɔ bádɔlɔ! Badubo bana lɛnunsia bɔyila na enu aƒɛ-ma, ɔsika bana ɔkɔ bɔnyi baƒiɔ bammɔ balakana bɔnwuna.

Yeremia 10:8

Ala ani na bánwi iye bávɔ bábla baƒiɔ baaadi lɛla lɛdi. Na ukyuli biala ɔni mɔɔkpá-ma ɔdi ɔdɔlɔdi!

Yeremia 35:16

Rekabiƒuɔ bénu bana ɔti kuuku Yonadab ɔda ɔni na úbo-ma na baadi-nwu lɛlɔ. Nsu amii bítenu mina litemi na bɛdi-ni lɛlɔ.

Yeremia 4:22

Línu ka Unwoti ɔɔsu ɔnini, “Mina bekyuli béni-mi. Bebi badɔlɔdi na badi na baaagyi banii kɔtu bɔni bɔdubo-ma lɛlɔ. Lɛla lɛni kani na bagyi ndi ka belie bataabla ekpidi.”

Yeremia 50:6

Mina kadi bekyuli, bise aani baƒonu bani na bana lɛlɔ banune bányonu bákya abi lɛlɔ. Na kesii kani na bɛɛtɛ taanwuna muedi bɛ́yiƒala mmɔ.

Yeremia 8:7

Betusɛ ku babloduma ku bakpaƒɛɛlɛ ku baasɛ bamba bagyi uwi ɔni na beeveyi taatɔlɔ na beekeli kɔyɔ uwi ku uwi na bɔsɔ benwini bebo. Nsu amii mina bekyuli bɛɛɛgyi lɛla lɛni mɔɔwia ka bɛbla.

Esekiel 16:30

“ ‘Ami Unwoti Katɔti mɔɔsu ka biisé lɛlɔ geen ɔni bɛɛkana na bɛɛsia ulu biala lɛlɔ na bɛkɛ lɛla lɛni na bɛɛwia.

Daniel 9:11

“Ukyuli biala na Israel úni ƒula ɔda bubo na atuɔkplu bɔbla kemmo na buládi-mu lɛlɔ, anwuɔsu na ewida ani na ƒula kabla ɔblane Mose únweni úse ébo-bu lɛlɔ.

Hosea 2:8

Nsu útati ɔnii antabi ku kamu ku ntɛ buni bɔmmɔ ƒui ni, adi etela ani nási-mi kudɔ. Na nwuna sika ugyiedi ku ɔƒualadi ƒui ni, ami néte-nwu na anwu na ɔda uuyé ala taakpa Baal baƒiɔ.

Mateo 13:19

Bekyuli bani muunú Katɔ Ɔga Ɔma lɛlɔ litemi nsu belenu-ni kalɔ ni, bese aani edula ani néwi ulu kɔtu na ukisine ɔmmɔ uubo teebedie litemi lɛmmɔ taalɛku-ma kasusu kemmo.

Romaƒuɔ 1:28

Na ka bése béni banii balatɛya lɛla lɛni na ɔdi ka bati ɔsu ni, Katɔti ɔ́nyonu-ma, na likyulikpi lɛ́ƒɔ-ma kasusu kemmo. Na baabla ala ani na utalɛka babla.

Petro 2 3:5

Na bagyi ƒui nsu béni kalɛ na Katɔti útemi na úti údie katɔ ku kalɔ. Ɔ́bla na kalɔ kákɔ kálɛ ntu kemmo.