Yeremia 40:7 - Katɔti Ɔku Kedee

^7-8 Netania ubidi ɔni baalɔ Ismael ku Karea bebi bananabi inyɔ bani ndi Yonatan ku Yohanan ni, ama nádi Yudaƒuɔ bekpone benengu. Na lɛni kani na Tanhumet ubidi Seraia ku Netoƒani ɔni baalɔ Eƒai bebi bananabi ku Yasania ɔni nási Maaka. Ama ku bana bekpone ni, bana kakyakɔ keeebo Yerusalem ɔma kemmo, anwuɔsu kekpo kéteƒie ama. Na bénu ka Gedalia ndi ukyuli ɔni na báƒuna ka utaadi Yuda lɛlɔ na bawabane bani mɔɔyaki ala teetulo ƒui banana ku beleku ku banamu ama béteti-ma bátatɔlɔku bétesienku Babilon. Anwuɔsu bésie Mispa mmɔ banii batánu bana lɛlɔ ɔdine ɔwɔdi.

Yeremia 40:7 ပူးပေါင်းရင်းမြစ်များ

Yeremia 39:10

Na bekyuli bani ndi bawabane geen na beeebo lɛla lɛla kani nébu bakya Yuda kalɔ lɛlɔ mmɔ. Na Nebusaradan ɔmɛni úte-ma kɔlɔ ku mmo bɔdi.

Esekiel 45:16

“Israel kadi bekyuli ndubuti etela amɛni beboku-ɔ.

Yeremia 39:4

Uwi ɔni na Ɔga Sedekia ku nwuna bekpone bánu ka kekpo kéƒie Yerusalem ƒui ni, báwia ka bekeli balɛ ɔma ɔmmɔ kemmo usien ɔmmɔ kani. Na bésie ɔga kevoma kemo kesii kani na bátábɛ básia ɔban ɔni nkya ɔma ɔmmɔ awodu anyɔ kɔsa mmɔ na béti eli bátina Yordan Ketu kɔwɛ kemmo.

Baga 2 25:4

Ɔmmɔ ɔsu ka bekpone báƒɛ awodu ammɔ ni, Yudaƒuɔ ɔga ku nwuna bekpone báwia kasiakɔ na békeli bátɔlɔ usien ɔmmɔ. Na ina ka Babilonƒuɔ báka bámana ɔma ɔmmɔ ni, bakɛ bagadine ɔƒɛƒɛɛ kaƒɔkɔ, na bátásia kayakun kani na awodu anyɔ ammɔ aasa. Na bakɛ mmɔ báda bálɛ Yordan Ketu kɔwɛ kemmo.

Baga 2 25:12

Na bawabane bani na ayaki ada geen kani nébu bákya na bataanu egyiibi mmo ku mmo geen bɔmmɔ lɛlɔ.

Yeremia 41:11

Kama ƒui ni, Yohanan ku bekpone benengu bamba bénu lɛla lɛni na Ismael ɔ́bla.

Yeremia 43:6

Ami ku Baruk nkɛ ku bekyuli bamba bani na nka bulie Gekalia kudɔ ɔni na Nebusaradan, Babilonƒuɔ bagyumanane unengu ɔmmɔ, ɔ́su-nwu kpakplaa ka utaanu abu ku ɔga bebi belekubi bammɔ ku banana ɛlɛɛ badi ku beleku ku banamu bammɔ lɛlɔ.

Yeremia 52:16

Na bawabane bani na ayaki ada geen kani na bébu bákya na bataanu egyiibi mmo ku mmo geen bɔmmɔ lɛlɔ.

Yeremia 39:9

Babilonƒuɔ bagyumanane lɛlɔ ɔnune unengu ƒui ɔni baalɔ Nebusaradan ɔ́ya na bákpanku bekyuli bani ƒui nébu bakya Yerusalem mmɔ ku bani néeti lɛlɔ béte-nwu ƒui bátɔlɔku aani bekyuli beƒiedi kalɛ úsienku Babilon kalɔ lɛlɔ.

Yeremia 39:14

bémene bana bekpone badi banii babakpanku-mi basiku ɔga kesii bagyumanane kaduli kesii kani na nka nkya mmɔ beboku. Na béti-mi bákya Ahikam ubidi Gedalia ɔni ndi Saƒan uwɔ kɔnu banii uti-mi usienku mina kaduli. Na béte-mi kuƒi ka lɛ́sɔ nkya bekyuli bani nébu kudɔ na Yuda kalɔ lɛlɔ mmɔ.

Yeremia 41:1

Nsu na kɔbuli maatɛdi kemmo ni, Netania ubidi Ismael ɔni ndi Elisama uwɔ úbo Mispa ɔma kemmo na ɔdanku nwuna bekpone leevu badi. Ismael ɔmɛni ɔdi ɔga kesii ukyuli na ɔ́di ɔga lɛlɔ benengu akɔ unwi. Na básiaku anwu ku nwuna bekpone bammɔ ka babadiku Gedalia na nwuna kesii.

Yeremia 41:10

Ɔga Nebukadnesar bagyumanane unengu ɔni ndi Nebusaradan ɔ́da Ɔga Sedekia ku nwuna bebi belekubi ku bekyuli bamba pii ɔ́ka Mispa ɔnii Gedalia utaanu-ma lɛlɔ. Nsu bekyuli bamɛni na Ismael ɔ́kpanku ɔ́tɔlɔku úselaku Amon na Yordan Ketu ɔvi aani nwuna bekyuli beƒiedi.