Yeremia 40:5 - Katɔti Ɔku Kedee

⁵ Gedalia na Ɔga Nebukadnesar ɔ́ƒuna ka utaadi Yuda kalɔ kammɔ lɛlɔ. Akana na elie ede-nwu na ɔdubute-ɔ lɛla biala lɛni na adubɔwia iye akana na elie kesii biala na aayɔ́.” Amu na Nebusaradan úte-mi adila ku ala ani ƒui na ndubɔyaki, na ɔ́nyonu-mi na lɛ́tɔlɔ.

Yeremia 40:5 ပူးပေါင်းရင်းမြစ်များ

Yeremia 39:14

bémene bana bekpone badi banii babakpanku-mi basiku ɔga kesii bagyumanane kaduli kesii kani na nka nkya mmɔ beboku. Na béti-mi bákya Ahikam ubidi Gedalia ɔni ndi Saƒan uwɔ kɔnu banii uti-mi usienku mina kaduli. Na béte-mi kuƒi ka lɛ́sɔ nkya bekyuli bani nébu kudɔ na Yuda kalɔ lɛlɔ mmɔ.

Yeremia 41:2

Kadikɔ mmɔ na Ismael ku nwuna bekpone bammɔ bádu Gedalia ɔni na nka Babilon ɔga ɔ́ƒuna ka utaanu Yuda kalɔ lɛlɔ mmɔ.

Hebriƒuɔ 13:6

Anwuɔsu bɔɔsu ku kayi ƒui bɔnini, “Blɔti ndi mina ubunkune, anwuɔsu lɛɛɛdubo bɔyia. Bi na ukyuli ɔdubɔkana-mi bɔbla?”

Batalane Kabla 28:10

Na ablala amɛni ɔsu ni, bébete-bu etela pii. Na ɔni na uwi údu ka bɔtɔlɔ mmɔ ni, béti etela ani ƒui bɔdubuti bɔda ulu béboku-bu.

Batalane Kabla 27:43

Nsu ka bana ɔtɔnkune ɔmɛni ɔɔwia ka ɔƒɔ Paulo ngba ɔsu ni, útatunaku-ma. Anwuɔsu údie ɔ́su ɔnii si bani makana ni, baba lɛgyu beduo ntu kemmo na bakpi beteesie ketudɔ.

Batalane Kabla 27:3

Amu na nwuna kadi kégye ni, bútédi búnye Sidon Ketudɔ. Amu na Yulio úte Paulo kuƒi ku kaƒɔ ƒaa ɔnii uteesie ɔma kemmo na utánu nwuna bakpana kalɛ na bete-nwu ala ani na weti wesie ulu.

Yeremia 40:4

Ɔmwi ni, lɛ́da kɔgba kɔmɛni muudie-ɔ enu taatina ka líte-ɔ bɔnwuna! Si aayɔ́ ni, akana na asiaku-mi na busie Babilon na ndubɔnu ka bánu-ɔ lɛlɔ kaduɛ kalɛ na ɔ́manku. Na si mɛni lɛnɔ na anii aasɔ akya ni, ebo kuƒi ka esie kesii biala na aayɔ́.

Yeremia 15:11

Amu na Unwoti údie kenye ɔnini, “Líse kenye ka ndubo-ɔ bɔgyumana. Na si ɔgbankpi ɔdi ɔ́lɛ muedi ni, ƒula bekisine muedi badubo-ɔ buvele banii bunku-ma.

Agba 21:1

Ɔga ɔni mɔɔdi lɛlɔ kayi kese aani ketu kani mɔɔgbá. Na Unwoti mɔɔtɔnku-ka na kaagbá taavi kesii kani na ɔɔyɔ́.

Agba 16:7

Si bekyuli ablala aayɔ́ Unwoti kaƒɔ ni, ɔɔyá na ama ku bana bekisine muedi beelie na atu bɔyɔ kemmo.

Hiob 22:29

Lɛlɔ katɔ bɔkɔliku ɔsu na Katɔti uuboku ukyuli kalɔ. Na anwu Katɔti ɔmmɔ kani mɔɔkɔliku ukyuli katɔ si úboku lɛlɔ kalɔ na ɔ́kpali-nwu.

Nehemia 1:11

Ɔmɛni ɔsu, O Unwoti, se atu na enu ƒula kabla ɔblane ku ƒula kabla bablane bani mɔɔbu ƒula lɛnyi bɔkpali. Na ɔmwi kadi kamɛni ni, na ɔga ɔmmɔ ɔnu-mi kɔnyana na etemila ani ndubo bɔda bɔva-nwu anumi lɛlɔ.” Uwi ɔmmɔ kemmo ni, ami Nehemia nátaaƒɔ ntɛ teete ɔga ɔmmɔ.

Esra 7:27

Amu na Esra úmwi Katɔti ɔnini, “Bemwi Unwoti bula bati kuuku Katɔti ɔni néti lɛla lɛmɛni ɔ́kya ɔga kayi kemmo kalɛ na ɔsia ulu ɔmɛni lɛlɔ na úti ɔbu úte Unwoti kakpakɔ na Yerusalem.

Esra 7:6

Na Esra ɔmɛni lɛnɔ ɔ́si Babilon úbo. Na ɔdi ala ɔtinane ɔni ngyi Mose ɔda bubo etemila ani Israelƒuɔ Katɔti úti úte-ma kaduɛ. Na lɛla biala na úye ɔga ɔmmɔ ni, uuti-ni teete-nwu, ɔsika nwuna Unwoti Katɔti ɔsiku-nwu geen.

Ala Alɛdi 2 34:20

Kɔnakunwi ni, ɔ́ya na bálɔ Hilkia ku Saƒan ku Saƒan ubidi Ahikam ku Mika ubidi Abdon na ɔ́ya na bálɔ Miaya ubidi Akbor lɛnɔ ku anwu ɔga ɔmmɔ ɔlati kabla ɔblane bábasala na ɔ́su-ma ɔnini,

Baga 2 22:14

Na ɔkpane Hilkia ku Ahikam ku Akbor ku Saƒan ku Asaia bésie uleku Kenye Udiene Hulda ɔni nli Yerusalem ɔvi unyɔdi kudɔ. Na ɔgyani baalɔ banii Salum, na ɔti baalɔ Tikwa. Na nwuna nana ɔti baalɔ Harhas, na anwu mɔɔnu kakpakɔ kammɔ lɛnu batune lɛwu lɛlɔ. Na básu uleku Kenye Udiene ɔmmɔ lɛla lɛni nálɛ.

Baga 2 22:12

Na ɔga úbo ɔda úte ɔkpane Hilkia ku Ahikam ubidi Saƒan ku Mikaia ubidi Akbor ku ɔku unwenine Saƒan ku kabla ɔblane Asaia ɔda ɔnini,

Yeremia 41:1

Nsu na kɔbuli maatɛdi kemmo ni, Netania ubidi Ismael ɔni ndi Elisama uwɔ úbo Mispa ɔma kemmo na ɔdanku nwuna bekpone leevu badi. Ismael ɔmɛni ɔdi ɔga kesii ukyuli na ɔ́di ɔga lɛlɔ benengu akɔ unwi. Na básiaku anwu ku nwuna bekpone bammɔ ka babadiku Gedalia na nwuna kesii.