Yeremia 4:3 - Katɔti Ɔku Kedee

³ “Amii Yerusalem ku Yuda kadi bekyuli ƒui, bɛda atu ɔkplu ani udu na bɛɛbla mmɔ bɛ́ya! Bina atu kpakplakpa ammɔ áya na bina kayi lɛnɔ kábla kpakplakpa aani kalɔ kani na bétegulu-ka kudii na liyu alakpi sɔɔn áƒɔ mmɔ.

Yeremia 4:3 ပူးပေါင်းရင်းမြစ်များ

Ala Kalɔ Buse 3:18

Liyu ku lɛnyɛ ku ana udu adubo bɔkwɛ na kalɔ kammɔ lɛlɔ na awɔ ɔsu. Na kalɔ kammɔ kemmo na adubɔkɛ ƒula lɛdila.

Israelƒuɔ Bɔlɛ 23:11

Na lɛkwa maatɛdi lɛlɔ ni, bɛya na kalɔ kammɔ kanwuna. Na ɔdi utede lɛla lɛni nákwɛ-ka kemmo. Nsu bawabane bebo kuƒi ka badi lɛla biala na lɛ́kwɛ mmɔ. Na bebuo lɛnɔ bebo kuƒi ka badi edula ani nébu-ka kemmo. Lɛni kani na ɔlɛka bɛbla bina adingyii ku ebo mmo lɛnɔ.

Hosea 10:12

Anwuɔsu lɛ́su-ma nnii, ‘Biteegulu kalɔ na bɛgya edula buni ulu lɛlɔ siin na bɛƒɛ kɔnyana bɔnu ebi. Ɔsika uwi údu ka bɛkya lili kalɔ bite ami, bina Unwoti. Na ndubɔya na bɛnu kalɛ na mbo ɔyikun na mɔɔƒɔ́ bekyuli aani kalɛ na ɔnantu ɔɔna teewi kalɔ lɛlɔ.’

Mateo 13:22

Na edula ani néduo ákya liyu livo akɔ ni, anya ndi bekyuli bani muunú litemi lɛmmɔ. Nsu ka béti kasusu pii básia kayawi kamɛni ala lɛlɔ ku lɛlakɛ ɔsu ni, litemi lɛmmɔ lílaƒɔ bana lɛlɔ kemmo na babla ala abuni.

Mateo 13:7

Edula ammɔ adi lɛnɔ éwi liyu livo akɔ. Na ka ákwɛ ni, alakpi ammɔ átu ébi-nya lɛlɔ ƒui.

Marko 4:7

Edula ammɔ adi álɛ ébo liyu akɔ. Na liyu lɛmmɔ líyi lɛ́da-nya na átakɛ lɛlɔ. Anwuɔsu átama bebi.

Luka 8:14

Edula ani nálɛ ébo liyu livo akɔ ni, ese aani bekyuli bani muunú litemi lɛmmɔ, nsu kayawi lɛƒɛda ku lɛlakɛ ku kayawi kamɛni ebiti aatú taabali-ma, na alaya na ebi ammɔ egyie na baƒɛ-nya.

Luka 8:7

Edula ammɔ adi éduo liyu livo akɔ. Na livo lɛ́tu libi edula ammɔ lɛlɔ, na ényimi-nya ƒui.