Yeremia 38:2 - Katɔti Ɔku Kedee

^2-3 Unwoti násu ɔnini, “Kekpo kadubo-mii buƒie si bɛ́sɔ bɛkya Yerusalem mɛni iye kɔka kɔdu-mii iye lɛlɛ likpidi libo-mii na bikpi. Na Babilonƒuɔ badubo-mii bɔka bɔkya na beti ɔma ɔmmɔ ku lɛla biala benwini bana ɔdi. Nsu si bíboku lɛlɔ kalɔ bíte-ma na bɛ́nyonu lɛlɔ bíte-ma ni, badubɔya na bilie ngba.”

Yeremia 38:2 ပူးပေါင်းရင်းမြစ်များ

Yeremia 24:8

“Na egyiibi ebudi akladi ni, enye ete Yuda ɔga ɔni baalɔ Sedekaia ku nwuna lɛku batine ku bakladi bani ƒui na béteƒie bátatɔlɔku bétesienku Babilon kalɔ lɛlɔ na báƒɔ lɛlɔ bakya mɛni iye bátɔlɔ bésie Egyipte kalɔ lɛlɔ.

Yeremia 27:11

Nsu si amii ku bina kadi bekyuli bɛdubunu kalɔ na binu Ɔga Nebukadnesar litemi ni, ndubɔya na bɛsɔ bɛkya bina kalɔ na bina kadi bekyuli bataatuma ama alati bana mmo.”

Yeremia 27:13

Nsu si bíni bɔdi ni, na awɔ ku ƒula kadi bekyuli ƒui bɛdubo bukpi na kekpokɔ na kɔka lɛnɔ kɔdu-mii ku lɛlɛ lidu lidu ƒui kalɛ kani na Unwoti úte-mii bɔti úse.

Yeremia 29:16

“Nsu ni, ɔ́si kukuuku ni, mɔɔtala kenye bediene na Yudaƒuɔ akɔ ku Dawidi ɔtɔ kemmo ɔga ɔni na uli liboku ku Yerusalem ku Yuda bekyuli ƒui, nsu béni na belenu-mi litemi. Anwuɔsu ami Unwoti Ɔyikune Ƒui ndubo bɔya na kekpo ku kɔka ku lɛlɔ lidu lidu liteekpoku-ma wetédu uwi ɔni na báyii udu aani egyiibi ani nébu ewi kalɔ. Ndubo-ma lɛlɔ bunye na lɛbɔku-ma lɛlɛku kalɔ kammɔ kemmo na kadi bekyuli bani manu-ma ƒui bana lɛlɔ lɛdubɔbɔ-ma na liƒu bonwu lɛnɔ lɛda-ma lɛnɔ na lɛla lɛni ndubɔlɛku-ma ɔsu. Na badubo-ma budumi na bama-ma lɛnɔ. Na badubo bekyuli buwida basu banii ɔdubɔlɛku-ɔ aani Yerusalem ku Yuda. “Na sɔsɔ béni na belenu-mi litemi.

Yeremia 34:17

“Ka bítete bina kabla bablane bɔnwuna ɔsu ni, bítadi mina litemi lɛlɔ. Anwuɔsu ami ndubute-mii bɔnwuna ƒaa na bɛƒuna ka bikpi na kekpokɔ iye ɔlɛ ukpidi ubo-mii iye kɔka kɔdu-mii. Na ndubɔya na binwini lɛla lɛni muusé lɛlɔ na kadi bekyuli ƒui anumi na kalɔ lɛlɔ mɛni.

Yeremia 42:22

Anwuɔsu na kekpo ku kɔka ku ɔlɛ ɔdubo-mii bɔdu na Egyipte kalɔ lɛlɔ.”

Yeremia 44:13

Kekpo ku kɔka ku lɛlɛ lidu na líti lɛ́ni Yerusalemƒuɔ kɔtu na lɛni kani na ndubo amii lɛnɔ bɔbla.

Yeremia 45:5

Ndubo bɔya na ɔgbankpi utaalɛ kesii biala. Anwuɔsu tabla kasusu na ala ebendi adi bɔbla lɛlɔ ete lɛlɔ. Nsu muusé kenye ka ndubo-ɔ bɔgyumana na elekpi na ɔmɛni kemmo. Ami Unwoti násu.”

Esekiel 14:21

“Ami ndi Unwoti Katɔti na muusé kenye ka ndubo Yerusalem kɔtɔ bɔni geen. Ndubo bɔya na kekpo ku kɔka ku lɛlɛ likpidi ku beƒiebuo bebo babadu bekyuli ku bebuo bammɔ ƒui.

Esekiel 6:11

Amu na Unwoti Katɔti ɔ́sɔ ɔ́su ɔnini, “Esekiel, gya enukpɛ na etu ɔgba kalɔ momoomo ku lɛƒɛda! Wulo kɔnyana geen, ɔsika Israelƒuɔ bábla ala ani muusé lɛlɔ na ɔlɛka bekpi na bana bekisine bekpone lɛkɔkɔ iye kɔka ku ɔlɛ ɔdu-ma.

Esekiel 7:15

“Kekpo ku lɛlɛ ku kɔka kɔ́ƒɔ kesi kesii! Na badubo bekyuli bani nkya akpaklɔ bɔdu na kekpokɔ. Na bani nli lɛma kemmo badubo bukpi na kɔka ɔsu iye lɛlɛ likpidi ɔsu.