Yeremia 3:3 - Katɔti Ɔku Kedee

³ Anwuɔsu na ami Unwoti lítile kayaa na ketudi ɔnantu úbulo bɔna bute-mii. Nsu ɔmɛni ƒui muedi kɔƒa kulekpo-mii na bina ɔbladu ɔsu aani kalɛ na kɔƒa kulekpo ɔyalɛ na nwuna lɛsɔnɔdi ablala lɛlɔ.

Yeremia 3:3 ပူးပေါင်းရင်းမြစ်များ

Ala Kalɔ Buse 19:34

Limeyi lɛni nsia ni, ulekubi unengudi ɔ́su ɔnwani ɔnamudi ɔnini, “Usien ɔni návi ni, ńtátɛ bula ɔti kudɔ. Anwuɔsu ya na bɔsɔ bute-nwu ntɛ na ɔ́ni ukpi ɔmwi lɛnɔ na awɔ lɛnɔ esie na atátɛ-nwu kudɔ ɔmwi usien kalɛ na bula ɔti kaba kalayii.”

Nehemia 9:17

Na béni ka benyimo ƒula akɔla lidu lidu ani na édie átina na bana akɔ. Na bana atuɔkplu ku bɔta bunye kemmo ni, bédie ɔtɔnkune ɔni nsɔ makpanku-ma matákya bana lɛbibo kabla kemmo. Nsu awɔ Katɔti aanu kɔnyana, na éyi ku bɔyɔ ku lɛƒɔndia, na éti bana ekpidi akyiɛ-ma. Ɔmmɔ ɔsu étenwini kama átakya-ma.

Agba 21:29

Ulikplune ɔɔƒwɛ anumi momoomo. Nsu ukyuli ɔni mɔɔbla ala siin ni, ɔɔnu kaduɛ na nwuna ablala lɛlɔ.

Yesaia 5:6

Ndubo-ka atu budie na uyi ɔbla lɛku. Na nsɔ neeedie adingyii ammɔ kɔgba akɔ iye lidie livo kana kemmo. Liyu ku alakpi bamba ndubɔƒɔ-ka kemmo. Ndubutile liƒlukutu kuƒi na ɔnantu ɔsɔ ulana ulewi-ka.”

Yeremia 14:1

Uwi ɔni na ɔ́ɔƒɔ uwi gyɔlɔɔ na ɔnantu ɔsɔ ulána ni, Unwoti ɔ́su-mi ɔnii nsu bekyuli bammɔ nnini,

Yeremia 14:22

Baƒiɔ belete-bu ɔnantu na baya na amii lɛnɔ ayu anya alati. Awɔ lɛti pɛ kani nda ɔnantu ɔmmɔ na aadi-nwu lɛlɔ. Anwuɔsu na búti bula anu bɔ́sia-a lɛlɔ, bula Unwoti ku Katɔti.

Yeremia 14:3

Lɛlɔ badine baatala bana kabla bablane banii besie kesii kani na báƒɔ ntu bewi bése na betédu ntu. Na ka ntu litemi líbo lɛɛyu ɔkplu ɔsu ni, atakpɛ kemmo na beedie libu lɛni baalɛ atabi abiɔ kalɛ na baƒɔ ɔnantu ntu bewi bese. Nsu bátakɛ ntu na básɔ bénwini ku linuƒɛ na bada bana ala ekpludi.

Yeremia 14:4

Na ɔnantu tana tana ɔmɛni únwini ɔlɛ na bemonsene beeƒi ka baanu kalɛ na kalɔ kammɔ kaasia kɔka taabwɛ na kana bɔkwii ɔsu.

Yeremia 36:2

uwi ɔni na Yosia ɔɔdi lɛga ƒui na líse kalɔ mɔɔsu-ɔ ala taasiku Israel ku Yuda ku kadi bamba bekyuli lɛlɔ. Ɔƒaani ni, wia ɔku kakunkɛ na enweni ala ani ƒui na lɛ́su-ɔ ese.

Yeremia 5:24

Bíbulo bɔsu bɛnini, ‘Bɛya na bɔbu Unwoti! Anwu ndi ukyuli ɔni mɔɔyá na ketudi ɔnantu ku kaƒɛndi ɔnantu ɔɔna teete-bu. Na ɔɔyá na edula aadia-bu na bɔƒɛ.’

Yeremia 5:25

Anwuɔsu na naaakana na mete-mii kusɛ kusɛ.

Yeremia 5:3

Mmɔ na lɛ́su nnini, “Geen ni, ngyi ka awɔ Unwoti aawia ka butaasu litemi geen. Na ɔkɔ bɔnyi bɔmmɔ ɔsu na áni ƒula bekyuli kɔtu, nsu ɔmɛni ƒui atu ɔkplu kani na baabla teebu na bébulo ka bani bede-ɔ.”

Yeremia 6:15

Ɔlɛka kɔƒa kuteekpo-ma na bana ekpidi ani muusé lɛlɔ mmɔ ɔsu. Nsu bana anumi aláƒalɛ lɛla lɛdi munu munu. Anwuɔsu si nnii mɔɔní Yudaƒuɔ kɔtu ni, bana kɔwɔlɔkɔ ndi kukpi na bana ƒui badubo bubuli bɔtɛ kalɔ na bekpi ƒui aani bekyuli bamba kalɛ. Ami Unwoti násu.”

Yeremia 8:12

Ɔlɛka nka kɔƒa kukpo-ma na bana alaekpidi ani muusé lɛlɔ mmɔ ɔsu, nsu bana anumi aláƒalɛ muedi. Anwuɔsu si lɛ́ni Yuda kɔtu ama ɔdi ɔdubo bɔsa na bekpi aani kalɛ na bekyuli bamba lɛnɔ beekpi na beduo kubiɔ.

Yeremia 9:12

Lɛ́su Unwoti nnini, “Bula ɔdi ulénu kalɔ lɛla lɛni ɔsu na kalɔ kammɔ kénwini kesii kani na ukyuli ɔdi ɔsɔ ulásia taavi lɛnɔ. Ɔdubɔkana na edie kalɔ ete-bu?”

Esekiel 3:7

Nsu Israel kadi bekyuli badubo buni na belénu litemi, ɔsika béni na bétenu-mi litemi. Bana ƒui bebo atuɔkplu na kayi kétitili-ma,

Lewiƒuɔ Ɔda Bubo 26:19

Na ndubɔyila bina ɔyikun ɔni bɛ́kɛ ɔsu bɛɛtina lɛlɔ mmɔ kalɔ ƒui. Na lɛkalɛ kayaa kpakplaa na ɔnantu ɔsɔ ulana na ɔkɛnku ɔmmɔ ɔsu na kalɔ kakwii kpakplaa aani lɛbuala ligyiedi.

Amos 4:7

“Lɛ́ya na ɔnantu lɛnɔ ɔ́da bɔna ɔ́ya uwi ɔni kemmo na nka bina edula aawia ɔnantu geen, na bɔna kani na lɛ́ya na ɔɔna egyu egyu, na lɛma lɛmmɔ kemmo na ekpo akladi ákwii.

Amos 4:8

Bekyuli baata bana lɛma teesie lɛma bamba taatáwia ntu, na kesii kani na badubɔkɛ bɔdi bani, nsu buledu-ma. Nsu ɔmɛni ƒui bítenwini. Ami Unwoti násu.

Seƒania 2:1

Amii kadi bekyuli bani na kɔƒa ala bɔbla búyi-mii akɔ ni, bibo bibasala mɛni asa na uwi ukpidi ɔmmɔ udu.

Seƒania 3:5

Alaekpidi bablane bammɔ basɔ baaagyi kɔƒa, nsu Unwoti ɔɔbla ala siin uwi biala. Na ɔɔnu ka kadi biala negye ni, ɔɔtɛ litemi ulu lɛlɔ siin.

Hagai 1:11

Na líbo ɔda ka bina ala ƒui asɔ aaadubo bɔbla kaduɛ. Bina mmo ku bebuo kadikɔ ku adingyii mmo ku nnɔ egyii mmo ku bebuo ku amii alati ku bina kabla biala kadubɔbla keeke.”

Lɛkpa Ulu 28:23

Ɔnantu lɛnɔ ulana na bina kalɔ kadubɔyu ɔkplu aani lɛbuala kalɛ.

Hebriƒuɔ 12:25

Bɛnu kaduɛ na biléni anwu ɔni mɔɔtɛmiku-mii. Ɔsika si bekyuli bani nénu anwu ɔni nálɛ-ma kpakplaa na kayawi kamɛni lɛlɔ batakana na bekeli bana kɔtu bɔni ni, bɛti ka ulése abu lɛnɔ buɛɛ uletulo ama si búni anwu ɔni nási katɔ úbalɛ-bu.