Yeremia 2:3 - Katɔti Ɔku Kedee

³ Israel, ami lɛti pɛ ɔdi na ádi aani mina edula edeedi ani na lɛ́ƒɛ lɛ́siku mina kemo. Na ukyuli biala ɔni nákali ɔnii ɔɔƒɛ-ɔ ɔdi ni, ɔgbankpi ɔ́siaku-nwu.

Yeremia 2:3 ပူးပေါင်းရင်းမြစ်များ

Israelƒuɔ Bɔlɛ 22:29

“Na biteni-mi bina edula ku ntɛ akpala buboku. “Na biti bina bebi bananabi bedeedi bani bɛ́wɔ bite-mi.

Israelƒuɔ Bɔlɛ 23:16

“Bɛdi Edula Bɔƒɛ Limeyi ku edula edeedi ani na bɛ́ƒɛ bɛ́siku bina mmo bɔni na bɛ́tuma. “Na si uwi ɔni na bɛɛsála-nya teewi unwu ku kesekɔ bamba lidu ƒui kemmo ni, na bɛdi Edula Bɔsala Limeyi.

Yesaia 41:11

“Ukyuli biala na uukisi-mii na ɔ́ta unye-mii lɛlɔ ka ukpo-mii ni, kɔƒa kɔdubo-nwu bukpo na ɔyii udu.

Yesaia 47:6

Kɔnyi na líti lɛ́kya mina bekyuli anwuɔsu na lɛ́ya na bíƒie-ma kalɔ bɛ́ƒɔ, na bɛ́ya na kɔƒa kúkpo-ma na anumi éwi-ma kalɔ. Bítanu-ma kɔnyana munu munu, mmomu bɛ́bla-ma kalala útédu bana benengu ƒui lɛlɔ.

Yeremia 12:14

Unwoti ɔnini, “Mina bekyuli Israelƒuɔ na líti kalɔ kamɛni líte. Nsu bekisine bani náka bámana-ka bekpo na béyu-ka ƒui. Ɔmmɔ ɔsu ndubo-ma bɔgyu budie bana kɔlɔ lɛlɔ aani kalɛ na ndubo Yuda bɔgyu budie nwuna kalɔ lɛlɔ.

Yeremia 2:4

“Yakob ɔtɔ bebi, bise atu na binu, amii Israel adua bekyuli ƒui.

Yeremia 30:16

“Nsu si bina bekisine bákɛ kenyekɔ na banii bɛɛyú-mii iye bayila-mii udu ni, ami lɛnɔ ndubo-ma buyu iye lɛyila-ma udu. Na badubuƒie ama lɛnɔ besienku kaƒɔ ɔlɔgyu.

Yeremia 50:7

Ndi bebuo kadikɔ kabuni nte-mii kani na bina bati kuuku básia anu. Nsu bíni-mi, anwuɔsu bina bekisine lɛnɔ bákɛ-mii béƒie aani kalɛ na baaduli ebuo teebweli na bana kayi kátadu-ma kɔtɔ kɔdi.

Yoel 1:3

Bɛsu bina bebi na ama lɛnɔ basɔku basu bana kaba kemmo bebi bani mebo.

Amos 6:1

Bɔbuɛ ute amii bani nli-nwu ƒaa na Sion ku amii bani nli kɔbi lili na Samaria na bɛɛkali ka bɛ́gyi ɔban bɛ́mana bina lɛlɔ. Amii ndi lɛlɔ badine na Israel kalɔ kani náƒɔ lɛnyi ketulo mmɔ. Na Israel kadi bekyuli beebo-mii kudɔ teebevele-mii ala na beebó kalɔ teegyele-mii!

Habakuk 1:11

Na si bekyuli bekpidi bani mɔɔkun lɛmɛne mɛni na baanu bana ɔyikun teetulo lɛla biala báwɔlɔ lɛni ni, na batɔlɔ mmɔ kɔnakunwi aani kalɛ na ɔƒɛƒɛɛ ɔdi uukpó taavi ku usi.”

Sakaria 1:15

Lɛ́kɛ kɔnyi lɛ́kya kadi bekyuli bani nlie lɛlɔyɔ kemmo na ala adianku-ma. Ɔsika uwi na líti kɔnyi lɛ́kya Yerusalem ni, bébile ala na mmɔ bétulo kalɛ na ɔ́manku na baaadaku-ma lɛda munu munu.

Sakaria 2:8

Mmɔ na Unwoti Ɔyikune Ƒui ɔni muukeye údie lɛdi úte-mi ɔnii nsu kadi bekyuli bani nékpo Sion na béyu-nwu ala bátɔlɔku nnini, “Sion ɔ́ƒɔ ami Katɔti kuye geen aani mina lɛnumi. Anwuɔsu lɛla biala na bɛ́bla ɔma ɔmmɔ ni, anwu na bɛ́bla.

Bumomo Bɔka 18:12

“Na edula edeedi abuni ani na Israelƒuɔ badubɔkɛ aani nnɔ ku ntɛ bɔwɔdi ku edula ebi ani na badubuti beboku Unwoti ni, lɛ́sɔku-nya muute-mii.

Romaƒuɔ 11:16

Ɔsika si bodobodo kakɛ kedeedi kani na bábwɛ bákpa béte Katɔti use kedee ni, na bodobodo ɔkladi lɛnɔ use kedee. Na si kugyii kɔdi ugyiitu use kedee ni, na kugyii kɔmmɔ kɔgba lɛnɔ kuse kedee.

Romaƒuɔ 16:5

Na bigyele baƒɔtaadine bani mɔɔsa na bana kaduli mmɔ lɛnɔ. Bigyele mina ɔkpana Epaineto ɔni náka kayi bunwini ɔ́ƒɔ Kristo na Asia kalɛkɛ lɛlɔ mmɔ.

Eƒesoƒuɔ 1:4

Ɔsika ɔkɛnku Kristo ɔmmɔ lɛlɔ na Katɔti ɔ́ƒuna-bu úse asa na údie kayawi kalɛ na bɔlɛ sɛɛn na nwuna anumi na bɔƒiɔ bɔdi bulakya-bu lɛlɔ.

Lɛkpa Ulu 14:2

Ɔsika amii bɛdi Unwoti Katɔti ɔdi na anwu náƒuna-mii ɔ́lɛku kadi bamba bekyuli akɔ na kalɔ lɛlɔ ƒui ka bɛbla nwuna ɔdi.

Lɛkpa Ulu 26:19

Na ɔdubɔya na bɛyu ɔkplu bitulo bekyuli bani ƒui nkya kayawi. Na amii ndubuti ɔbu ku bumwi bite nwuna lɛnyi. Na bɛdubɔbla bekyuli kedee bite bina Unwoti Katɔti aani kalɛ na ɔ́su úse.

Lɛkpa Ulu 7:6

Bɛdi Unwoti Katɔti bekyuli kedee bani na ɔ́ƒuna ɔ́bla nwuna badi na kayawi bekyuli ƒui akɔ. Na bɛ́ƒɔ-nwu kuye geen.

Yakobo 1:18

Katɔti ɔkɛ ngba bɔƒɔ litemi geen lɛlɔ na ɔ́ya na bɔ́kɛ kɔyu kemmo ngba. Ɔ́bla ɔmɛni ɔ́siaku nwuna lɛƒɔyɔ lɛlɔ. Ɔsika ɔɔwia ka bɔbla bedeedi na nwuna ala ani na údie ƒui akɔ.

Petro 1 2:9

Nsu amii ni, bɛdi bekyuli bani na Katɔti ɔ́ƒuna. Na bɛdi bakpane bani muumwi Katɔti ɔni ndi Ɔga. Bɛdi Katɔti bekyuli kedee bani na ɔ́lɔ ɔnii binwini anwu badi. Na amii ndubo nwuna ablala ebendi kudu bubo. Ɔsika anwu geen nálɔ-mii ɔ́lɛku likpidi lɛdisa kemmo úsienku ngba bɔƒɔ bukeye kemmo.

Budie Taatina 14:4

Ama ndi bekyuli bani náda lɛlɔ sɛɛn. Na bana lɛlɔ lilese lɛlɔ na lɛsɔnɔdi ala lɛlɔ ɔsu. Ama mɔɔsiaku Koƒonu Ubi ɔmmɔ likpo biala na úsela. Ama na bédie bálɛku bayawine ƒui akɔ. Na ama ndi bekyuli bedeedi bani na béti béte Katɔti ku Koƒonu Ubi ɔmmɔ.