Yakobo 5:5 - Katɔti Ɔku Kedee

⁵ Ngba bɔni na bílie na kayawi mɛni ni, bɛ́kɛ kayawi kamɛni kemmo ebiti ku lɛlɔyɔ biala. Na bílie lɛmwi kalɛ na badu-mii na Litemi Bɔtɛ Limeyi lɛmmɔ lɛlɔ.

Yakobo 5:5 ပူးပေါင်းရင်းမြစ်များ

Kɔgya 17:14

O Unwoti, ƒɔ-mi na bekyuli bekpidi bani kasusu ndi ka basala kayawi ala bese bete lɛlɔ mɛni enu kemmo. Awɔ muute bekyuli bani na aayɔ́ adila na baadi. Na bana bebi baakɛ́ taadi teemo. Bana bawɔ baakɛ́ ala teetulo kalɛ na baawia.

Kɔgya 73:7

Anumi élie-ma lɛmwi na alaekpidi kabla ku kasusu káƒɔ-ma kayi kemmo. Na likpidi kɔkwɛ sɔɔn na baakya.

Agba 17:1

Si ákɛ lɛla lɛni uwi utu-ni lɛlɔ ádi ku kayi ƒaa ni, ɔdia utulo si ésie kadikɔ bonwu ku ala lidu lidu na kadɔ kakya mmɔ.

Agba 7:14

“Lɛ́bla mina unwi bɔbla akpala. Na ɔmwi lɛ́wɔlɔ lɛla biala ɔkɛnku kenye kani na líse lɛlɔ.

Etemila 11:9

Lɛlɔ lɛyɔ-ɔ na ƒula lɛkloƒu uwi na enu ngba emini. Na teni lɛbuni biala na ánu iye ƒula kayi kaayɔ́ tete lɛlɔ. Nsu tayiƒala ka Katɔti ɔdubɔtɛku-ɔ litemi na lɛla biala lɛni na ábla lɛlɔ.

Yesaia 22:13

Nsu bɛɛnu ka lɛlɔ mmomu mɔɔyɔ́-mii, na bɛɛtɔ́ taaƒia taadi limeyi, na bɛɛdú bebuo taakun na bɛɛdi na bɛɛní ntɛ! Na bɛɛsu bɛnini, “Bɛya bɔdi na bɔni, ɔsika kɔnaadi bɔdubo bukpi.”

Yesaia 3:16

Unwoti ɔnini, “Yerusalem beleku balábu. Bákpa bana amɔ bakɛ beesé anumi teete banana, na bana enwu eti kayaa, na ala ani nda-ma akɔnkɔ ku anikpo aabla kɔku na beebó lɛlɔ kudu. Katɔti ɔdubɔni-ma kɔtu.

Yesaia 47:8

“Bɛ́bu bɛnii amii kani ndi bayikune ntulo ƒui, na amii bilénwini bekpinele, na bina bebi lɛnɔ belekpi. Mmomu lɛla lɛni kani lɛlɔ na bina anu asia ndi, bɔdi ku bɔni ngba emini. Nsu binu lɛla lɛni na mɔɔsu-mii ɔƒɛni.

Yesaia 56:12

Na bɔsu kani na bɛɛsu lɛlɔ bɛnini, “Bɛya na bɔni-mu na bukpi-mu! Na kɔnaadi lɛnɔ ɔsia-nwu lɛlɔ lɛni kani, na bɔkya lɛlɔ ebiti.”

Yeremia 12:3

Nsu ni, Unwoti agyi kalɛ na nsiaku-ɔ kama na ńtalɛ-ɔ kama kudii iye mina kasusu muedi katimi ƒula lɛlɔ. Anwuɔsu ni, bekisine bamɛni lɛku na ebeyi-ma adu aani baƒonu kalɛ.

Yeremia 25:34

Unwoti bekyuli bese bete-nwu aani nwuna baƒonu kalɛ na amii bana batɔnkune nádi nwuna baƒonu bammɔ lɛlɔ banune. Nsu ɔƒaani ni, bina lɛlɔ na údu ka bebeyi-mii badu aani baƒonu bammɔ kalɛ. Na bɛdubo bɔbwɛ bugyingya aani kalɛ na lɛkyami lɛbwɛdi lɛni mɔɔdia bɔnu lɛɛlɛ́ teebo teegyingya kɔkɛ kɔkɛ. Anwuɔsu bɛyu bɛtɛ kalɔ na biteewulo na biteebo teeminime na lɛti akɔ.

Esekiel 16:49

“ ‘Bátaatalaku lɛlɔ katɔ na bébile lɛlɔ. Na ala ƒui ása-ma, nsu ina amu béni na bétebunku bawabane ku bani na balakana na bebunku lɛlɔ na ulu ɔdi lɛlɔ.

Esekiel 39:17

“Esekiel, ɔyawine ubi, ndubo limeyi bɔdi na Israel abi lɛlɔ na lɛbla akpala na mmɔ. Anwuɔsu ya na baasɛ ku bebuo ku alakpi akɔ bebuo na basi lɛƒɛnyi ƒui bebo na babakun akpala lɛna na bani ubugya lɛnɔ.

Amos 6:1

Bɔbuɛ ute amii bani nli-nwu ƒaa na Sion ku amii bani nli kɔbi lili na Samaria na bɛɛkali ka bɛ́gyi ɔban bɛ́mana bina lɛlɔ. Amii ndi lɛlɔ badine na Israel kalɔ kani náƒɔ lɛnyi ketulo mmɔ. Na Israel kadi bekyuli beebo-mii kudɔ teebevele-mii ala na beebó kalɔ teegyele-mii!

Luka 16:19

“Dii ni, ɔnana ɔlakɛne ɔdi ɔkya ɔni mɔɔda adala ani náƒɔ kuye, na ebiti kemmo sɔɔn na ɔ́kya nwuna ngba emeyi kemmo ƒui.

Luka 16:25

“Nsu Abraham ɔ́su-nwu ɔnini, ‘Ubi, nyimo ka na ƒula ngba bɔni na élie kemmo ni, ala abuni sɔɔn na áƒɔ. Na Lasaro anwu ni, ala ekpidi sɔɔn na ɔ́ƒɔ. Nsu ɔƒɛni ni, ɔɔkɛ́ ebiti na awɔ eebó abi.

Romaƒuɔ 13:13

Bɛya na bɔda bula lɛlɔ kaduɛ aani bekyuli bani nkɛ mɔɔví bukeye kemmo. Na ɔɔɔdi adikpi emeyi bɔdi ku ntɛ bukpi ku lɛyalɛ ala ku likyulikpi ala ku lɛlɔ ntɛ bule ku lɛnungyie.

Timoteo 1 5:6

Nsu ukpinele ɔni mɔɔbla lɛyalɛ ni, uuubo ngba na Katɔti anumi ina ka uli ngba.

Timoteo 2 3:4

Badi bekyuli bani mɔɔkya bana bakpana kakya. Na badi bekyuli bani nábi basiaku bana lɛnunsia kama, ku bekyuli bani mɔɔkali banii ama kani ntulo ku bekyuli bani mɔɔyɔ́ kayawi ebiti teetulo Katɔti.

Petro 2 2:13

Katɔti ɔdubɔya na bebo abi aani kalɛ na ama báya na bekyuli bébo abi kalɛ. Bana ebiti ndi ka badi lɛla biala ɔdivo ku ɔƒiiwi nwaa muedi. Ɔdi kɔƒa litemi ka basalaku-mii si bɛɛdi. Na bana ɔkɔ ala kani mɔɔda-ma kubiti.

Yuda 1:12

Badi bekyuli bani ablala mɔɔyá na bina kasala keesé lɛlɔ si bɛ́sala bɛɛdi Blɔti adila ammɔ. Beedie lɛlɔ na ama lɛti baadi teemo kalɛ na baayɔ́. Bese aani ɔnantu ɔni nánwu, nsu ulána kudii, na ɔƒɛƒɛɛ kani muubó-nwu taavinku. Na bese lɛnɔ aani egyii ani naaanwu ina egyiibi bɔnwu uwi muedi. Bese aani egyii ani na bágyu-nya ku ligyiitu na ékpi ƒui.

Budie Taatina 18:7

Na kalɛ na ɔma ɔmmɔ ɔ́kɔliku lɛlɔ katɔ na nwuna adikpi bɔdi akɛla kenye ni, bɛya na ubo abi na uwulo utédu ekpidi ammɔ kenye. Ɔsika ɔma ɔmmɔ use aani uleku ɔni násu na nwuna kayi kemmo ɔnini, ‘Uleku Ɔga na ndi, na nlie mina lɛgaboku lɛlɔ. Lɛɛɛdi ukpinele, na lɛɛɛdubo kɔnyana kɔdi lɛnɔ buwulo kudii!’

Samuel 1 25:36

Uwi ɔni na Abigail ɔ́sɔ únwini útéduo kaduli ni, Nabal ku anwu badi belie baadi taani aani ɔga mɔɔdi limeyi. Na ɔ́ɔni-mu sɔsɔ na aatí ka bɔsia-nwu anumi. Anwuɔsu Abigail útasu-nwu lɛla lɛdi useyi uwi ɔmmɔ útédu ka kadi kégye.

Samuel 1 25:6

Na bɛsu-nwu bɛnini, ‘Muuvele Unwoti nnii ute-ɔ ngba gyɔlɔɔ! Na ute awɔ ku ƒula kaduli bekyuli ƒui ɔlɔkplu. Na ɔya na ƒula ala ani ƒui na ebo akya kpakplaa!