Yakobo 5:19 - Katɔti Ɔku Kedee

^19-20 Mina banwa, si bina akɔ ɔdi údeyi bɔƒɔtaadi ulu geen ɔmmɔ lɛlɔ na ɔkpanadi ɔ́sɔku-nwu úboku ni, ɔ́ya na ukyuli ukpidi ɔmmɔ kɔyu kɔ́lɛ kukpi kemmo. Na Katɔti ɔdubuti ekpidi pii ɔkyiɛ-nwu.

Yakobo 5:19 ပူးပေါင်းရင်းမြစ်များ

Kɔgya 119:118

Awɔ muuní bekyuli bani ƒui na baládi ƒula ɔda bubo lɛlɔ. Na bana ɔkɔ ala bɔbla ƒui bɔdi kɔkwɛ kukpludi kɔni neeebo kɔsia.

Kɔgya 119:21

Aadɔnku bekyuli bekpidi bani naaadaku ƒula ɔda bubo lɛda. Na ewida aasiaku bekyuli bani naaadi ƒula ɔda bubo lɛlɔ.

Agba 19:27

Ubi, si éni anii ukyuli utatina-a lɛla ni, énwini kama ákya lɛlati.

Yesaia 3:12

Bekyuli bani ablala nse aani banamu mɔɔnya mina bekyuli taakya, na beleku baadi-ma lɛlɔ. O mina kadi bekyuli, bina batɔnkune bákpanku-mii bésela batáyila. Bákpanku-mii bálɛku ulu geen ɔmmɔ lɛlɔ.

Esekiel 34:16

Na ndubɔsia bani náyii ku bani négyingya bakya lɛnɔ kama na linyimi bani náƒɔ lɛlɔ alɛbi na bani lɛgyumana bani nse kpɛtɛ kpɛtɛ. Na bani nélie lɛmwi na bebo ɔlɔkplu ni, ndubɔdu ama, ɔsika lɛla lɛni ndi lɛbuni na mɔɔbla uwi biala.’ ”

Esekiel 34:4

Bíni bani nse kpɛtɛ kpɛtɛ bɔgyumana na bɛbwi bani muuƒi iye binyimi-ma lɛlɛ lɛni na báƒɔ. Biidie-ma atu na baakɛ taavi kalɛ kalɛ na bilasia bani náyii ulu kama. Bɛɛbla-ma ulikplu na bɛɛɛdaku-ma lɛda.

Mateo 18:15

“Si ɔƒɔtaadine ɔkpana ɔ́ƒiɔ-ɔ ni, sie-nwu kudɔ na etédie atina-nwu ka ɔ́ƒiɔ-ɔ. Na ya na ɔmɛni ɔbla bina inyɔ ntɛ lɛti kɔtɛ. Si únu kalɔ ni, awɔ ku-nwu bɛsɔ bilie kɔnwa ku kɔnwa.

Luka 22:32

Nsu ni, Simon, lɛ́ɛkpali katɔ na ƒula lili kalɛ na ƒula bɔƒɔtaadi bulayuɛ. Na uwi ɔni na adubunwini ebo-mi kudɔ ni, na akya ƒula banwani ɔkplu.”

Galatiƒuɔ 6:1

Banwa, si ɔdi ɔ́bla likpidi lɛdi ni, amii bani na Katɔti Kɔyu kɔ́ƒɔ-mii lɛlɔ kemmo ni, binwini-nwu buɛɛ na ɔda likpidi lɛmmɔ bɔbla ɔya. Nsu bɛnu kaduɛ kalɛ na bina akɔ ɔdi uleduo ɔgbankpi ɔmmɔ udu kemmo.

Timoteo 1 6:10

Ɔsika sika lɛnungyie kemmo na ekpidi lidu lidu lɛɛkwɛ́ taasi. Ɔmɛni ɔsu na bekyuli badi báyila bɔƒɔtaadi ulu geen ɔmmɔ. Na bana ngba ƒui búduo lɛbibo kemmo.

Timoteo 1 6:21

Ɔsika badi baasu banii bagyi ala amɛni. Nsu ɔkɛnku ɔmɛni ɔsu na báyila bɔƒɔtaadi ulu ɔmmɔ. Muuvele Katɔti nnii ɔda-mii kaduɛ na nwuna lɛƒɔndia kemmo.

Timoteo 2 2:18

Bénwini kama bákya litemi geen lɛmmɔ na bakya beeƒú baƒɔtaadine badi kasusu banii bula ngba bɔsɔ bɔta bubelieku Katɔti búubo búbavi.

Hebriƒuɔ 5:2

Na bekyuli bani naaagyi ɔda bubo bɔmmɔ na báyii ulu ni, ɔkpane ɔmmɔ ɔgyi kalɛ na ɔbla bana litemi buɛɛ. Ɔsika anwu lɛnɔ ulákana ɔda bubo bɔmmɔ ƒui lɛlɔ bɔdi.

Yakobo 1:16

Banwa bayɔne, bitaya na ukyuli ɔdi ɔtɔlɔ-mii.

Yakobo 1:19

Banwa bayɔne, binyimo na ukyuli biala use atu unu lɛla biala. Na uwi lɛlɔ na ɔkɔsi bɔtɛmi. Na uteteeti kɔnyi pla pla.

Yakobo 3:14

Nsu si ebo lɛnungyie na ƒula kayi kemmo ku enyekpi na aawia awɔ lɛti lɛkɛ ni, takun lɛmɛnɛ ka áda anu. Ɔsika aanyi ɔkɔ, na alásu litemi geen lɛmmɔ.

Petro 2 3:17

Nsu ni, mina bayɔne, bɛgyi ɔmɛni bise. Anwuɔsu bɛti lɛlɔ bɔda kalɛ na bekyuli bekpidi balátɔlɔ-mii ku bana ekpidi ablala na bideyi ulu geen ɔmmɔ lɛlɔ. Naaawia ka bina bɔƒɔtaadi bɔyuɛ!

Yuda 1:11

Bɔbuɛ muute-ma! Ɔsika ulu ɔni lɛlɔ na Kain ɔ́vi ni, nwuna lɛlɔ kani na ama lɛnɔ bakɛ. Na bányonu lɛlɔ na belie ngba bukpidi bɔni na ukyuli ɔni baalɔ Bileam úlie ka baawia kayawi lɛkɛ ɔsu. Báta bénye Katɔti ɔda bubo lɛlɔ aani kalɛ na Koran ɔ́bla. Na badubɔyii udu aani Koran ɔmmɔ kalɛ.