Yakobo 5:16 - Katɔti Ɔku Kedee

¹⁶ Anwuɔsu bidie bina alaekpidi ani na bɛ́bla kalɔ bite lɛlɔ. Na bitaakpali katɔ teete lɛlɔ kalɛ na Katɔti wabwi-mii lɛlɛ lɛni na biiƒi. Ukyuli ɔni nse sɛɛn ni, nwuna katɔ bɔkpali bubo ɔyikun geen.

Yakobo 5:16 ပူးပေါင်းရင်းမြစ်များ

Ala Kalɔ Buse 19:29

Anwuɔsu uwi ɔni na Katɔti ɔɔkyula lɛma linengudi lɛmɛni ni, únyimo Abraham lɛla lɛni na úvele-nwu. Anwuɔsu údie Lot na ɔgbankpi ɔni na Katɔti ɔ́ya na úbakyula ɔma ɔni kemmo na Lot ulie mmɔ kemmo.

Ala Kalɔ Buse 20:17

Ɔmmɔ kama ni, Abraham ɔ́kpali Katɔti na Abimelek lili na Katɔti ɔ́bwi-nwu ku ulekudi ku nwuna kaduli bekyuli ƒui na ɔ́lɛmi-ma kɔwɔ ulu,

Ala Kalɔ Buse 20:7

Anwuɔsu ni, ya na uleku ɔmmɔ ɔsɔ unwini usie ɔgyani kudɔ, ɔsika Katɔti Kenye Udiene na ɔdi. Na ɔdubɔkpali katɔ na ƒula lili na elie ngba. Nsu si átaya na ulekudi ɔmmɔ ɔsɔ unwini ni, na ati ka awɔ ku ƒula badi ƒui bɛdubo bukpi.”

Ala Kalɔ Buse 32:28

Amu na ɔnana ɔmmɔ ɔ́su Yakob ɔnini, “Asɔ aladi lɛnyi anii Yakob. Mmomu bekyuli badubɔlɔ-ɔ banii Israel, ɔsika énye asiaku Unwoti Katɔti ku bekyuli na ádi lɛlɔ.”

Samuel 2 19:19

Mmɔ na ɔ́su-nwu ɔnini, “Mina ati, muuvele-ɔ nnii, tanu mina alaekpidi. Na takali tanu likpidi lɛni na ami ƒula kabla ɔblane lɛ́bla na limeyi lɛni lɛlɔ na aatɔlɔ Yerusalem. Mmomu muuvele-ɔ ka ada-ni edie ƒula kasusu kemmo.

Baga 1 13:6

Amu na Ɔga Yerobeam ɔ́su kenye udiene ɔmmɔ ɔnini, “Vele ƒula Unwoti Katɔti na akpali-nwu na ɔsɔku mina kɔnu ɔklibi aani kalɛ kuse kudeedi.” Ɔmmɔ ɔsu, kenye udiene ɔmmɔ úvele Unwoti na ɔ́ya na ɔga ɔmmɔ kɔnu kɔ́bla aani kalɛ kuse kudeedi.

Ala Alɛdi 2 30:20

Na Unwoti lɛnɔ únu kalɛ na Hesekia ɔ́kpali-nwu úvele mmɔ na úti bana bɔƒiɔ bɔmmɔ ɔ́kyiɛ-ma sɔsɔ na útani-ma kɔtu.

Hiob 42:8

Anwuɔsu biti ɔmantɛ bakɔ maatɛ ku baƒonu maatɛ na bisie Hiob kudɔ na bitákyula akpala na lɛkpabi lɛlɔ na bina lili. Na ɔmmɔ kama ni, Hiob ɔdubɔkpali-mi uvele, na ndubuti bina ekpidi lɛkyiɛ-mii, na nsɔ lɛɛɛdubo-mii kɔtu bɔni na bina adɔlɔla bɔbla ɔsu.”

Kɔgya 34:15

Unwoti ɔɔnu bekyuli bani nse siin lɛlɔ, na uunú bana bɔkpali.

Israelƒuɔ Bɔlɛ 17:11

Na uwi ɔni ƒui na Mose enu aƒa katɔ mmɔ ni, Israelƒuɔ baadi kekpo kammɔ lɛlɔ. Nsu si ɔ́nya ɔ́yula enu kalɔ pɛ na Amalekƒuɔ bénwini baadi Israelƒuɔ lɛlɔ.

Israelƒuɔ Bɔlɛ 9:33

Amu ka Mose ɔ́nya ɔ́tɔlɔ Ƒarao kaduli na ɔ́lɛ ɔma ubendi ɔmmɔ kemmo kani na ɔ́talaku enu katɔ na ɔ́kpali Unwoti na úvele-nwu. Na mmɔ kani na etubankɛ atakpɛ bonwu ammɔ ƒui ku ɔƒɛƒɛɛ ku katɔ budu bɔmmɔ kenye káyɔ.

Agba 15:29

Unwoti ɔ́gyunku bekyuli bekpidi kudɔ ƒui. Nsu uunú bekyuli babuni kenye si baakpali-nwu.

Agba 15:8

Bekyuli bekpidi akpala ni, Unwoti ukisi-nya. Nsu lɛlɔ lɛɛyɔ́-nwu si bekyuli bani nse siin baakpali-nwu.

Agba 28:9

Unwoti ulenu bekyuli bani naaadi ɔda bubo bɔmmɔ lɛlɔ ina baakpali-nwu.

Yeremia 15:1

Unwoti ɔ́su-mi ɔnini, “Ina Mose ku Samuel nnye mɛni bebunku-ɔ na bɛɛkpali-mi teevele ni, lɛɛɛdubo bunu, anwuɔsu ya na Yudaƒuɔ bammɔ benwini batɔlɔ.

Yeremia 33:3

Ala ani na aaagyi ƒui ku ani kalɔ na alakana bɔwia bɔti ni, ye-mi na lɛsu-ɔ nya.

Yeremia 42:2

na básu-mi banini, “Buvele, kpali Unwoti, ƒula Katɔti, na bula lili te-bu. Agyi ka nka bekyuli bakya Yuda kalɔ mɛni kuuku, nsu bula ɛlɛɛ kani nébu ɔƒɛni aani kalɛ na awɔ ɔla aanu.

Bumomo Bɔka 11:2

Na ka bákpali Mose ni, úvele Unwoti na ogya ɔmmɔ úni.

Mateo 21:22

Na lɛla biala lɛni na bɛdubuye Katɔti na bɔƒɔtaadi kemmo ni, bɛdubɔkɛ-ni.”

Mateo 3:6

Bédie bana ala ekpidi kalɔ na Yohane ɔ́kpila-ma ntu na Yordan Ketu kemmo.

Marko 1:5

Bekyuli pii bási Yudea kalɔ lɛlɔ ku bana ɔma unengudi ɔni baalɔ Yerusalem bésie ketele kamɛni kemmo béténu Yohane litemi. Bédie bana ekpidi kalɔ béte Katɔti, na Yohane ɔ́kpila-ma ntu na ketu kani baalɔ Yordan kemmo.

Luka 9:6

Amu na batɛyane bammɔ bátɔlɔ na bátávi akpaklɔ ani ƒui kemmo na baasu Katɔti litemi buni na baabwi balɛne lɛnɔ.

Yohane 9:31

Bɔgyi ka Katɔti ulenu alaekpidi bablane katɔ bɔkpali. Na bekyuli babuni bani mɔɔbu-nwu na baabla nwuna lɛƒɔyɔ mmomu katɔ bɔkpali na uunú.

Batalane Kabla 10:38

Na bínu lɛnɔ kalɛ na Katɔti ɔ́ƒuna Yesu ɔni nási Nasaret ɔni na úti nwuna Kɔyu úse-nwu likpo na úti ɔyikun lɛnɔ úte-nwu. Na ɔ́kɛ útaavi taabla lɛbuni na útaabwi bani ƒui na ayu ekpidi eekpóku, ɔsika Katɔti ɔsiaku-nwu.

Batalane Kabla 19:18

Amu na bani nénwini kayi ni, bébo bébedie bana lɛlɔ kalɔ na bekyuli anumi.

Batalane Kabla 8:24

Amu na Simon ɔ́su-nwu ɔnini, “Biveleku-mi kalɛ na ɔgbankpi ubendi ɔmɛni udu ulálɛku-mi.”

Romaƒuɔ 3:10

Ɔsika lɛni na bénweni na Bunweni Kedee Ɔku kemmo banii, “Ukyuli ɔdi uuubo na use siin na Katɔti anumi. Ina unwi pɛ muedi!

Romaƒuɔ 5:19

Na ɔkɛnku kalɛ na ukyuli unwi ɔmmɔ ɔ́ta únye Katɔti litemi lɛlɔ na bekyuli ƒui bénwini alaekpidi bablane ni, lɛni kani na Katɔti ɔkɛnku kalɛ na ukyuli unwi ɔ́di nwuna litemi lɛlɔ ɔsu na Katɔti ɔdubɔya na bekyuli pii babla siin.

Koloseƒuɔ 1:9

Anwuɔsu ɔ́si uwi ɔni na búnu-mii kɔku ni, bútada Katɔti bɔkpali na bina lili bútaya. Na buuvele Katɔti bɔnii ubimi bina kasusu kemmo na ɔya na bɛti nwuna lɛyɔla. Na nwuna Kɔyu kute-mii lɛnunda ku ala kalɔ bunu kalɛ na bɛti ala ani na ɔɔyɔ́ ka bɛbla.

Tesalonikaƒuɔ 1 5:17

Bitaya na enu aƒɛ-mii na katɔ bɔkpali kemmo.

Tesalonikaƒuɔ 1 5:23

Na buuvele Katɔti ɔni muute-bu keyi buɛɛ bɔnii ɔbla-mii kedee na ulu biala lɛlɔ. Na ɔgyumana bina kɔyu ku kasusu ku ɔlɔna ƒui kalɛ na bɛlɛ kɔtɔ bɔdu kemmo uwi ɔni na Blɔti Yesu Kristo wasɔ webo.

Tesalonikaƒuɔ 1 5:25

Banwa, bitaakpali katɔ na bula lili.

Hebriƒuɔ 11:4

Ɔkɛnku bɔƒɔtaadi lɛlɔ na Abel úti akpala ani ndia ntulo Kain akpala ɔ́kpa úte Katɔti. Na ɔkɛnku nwuna bɔƒɔtaadi lɛlɔ ɔsu na Katɔti úmwi-nwu na ɔ́nu-nwu ka ɔdi ukyuli ɔni nse siin. Ɔsika nwuna akpala áyɔ Katɔti kaƒɔ. Ina ka Abel úkpi ni, ɔkɛnku nwuna bɔƒɔtaadi lɛlɔ ɔsu na nwuna ablala amu aatɛmiku-bu.

Hebriƒuɔ 11:7

Uwi ɔni na Katɔti ɔ́lɛ Noa kpakplaa na ala ani na útanu tɔ lɛlɔ ni, Noa ɔ́ƒɔ ɔ́di. Anwuɔsu ɔ́nwi ɔkɔlɔ ubendi ɔni kemmo na anwu ku nwuna kaduli bekyuli béduo bákɛ bɔƒɔ na bɔyia bɔni na úti úte Katɔti ɔsu. Noa bɔƒɔtaadi bɔmɛni búnwini kɔtɔ bɔdu úte kayawi bekyuli ƒui. Na ka Noa ɔ́ƒɔ Katɔti ɔ́di ɔsu ni, Katɔti ɔ́su ka Noa ɔdi ukyuli ɔni nse siin.

Hebriƒuɔ 12:13

Bɛbwɛ bina kɔvinkɔ ƒui na kɔdia bɔvi kalɛ na bani neeebo ɔlɔkplu ni, balakpa balaƒɛ belewi kalɔ, mmomu basia-mii kama na bakɛ ɔlɔkplu bawɔlɔ.

Hebriƒuɔ 13:18

Bɛkpali katɔ na bula lili. Bɔgyi nwaa ka bula kayi kaladu-bu kɔtɔ kɔdi. Na bɔɔyɔ́ ka butaabla lɛla lɛni ndia uwi biala.

Yosua 10:12

Limeyi lɛmmɔ ni, Unwoti Katɔti úti Amoriƒuɔ ɔkya Israelƒuɔ enu kemmo. Na únye-ma kama na badaku-ma lɛlɔ bɔdi. Na ka ɔƒɛ úsela bɔnu ni, Yosua ɔ́kpali Katɔti momoomo, na Israelƒuɔ bammɔ ƒui bénu ka ɔ́su ɔnini, “Bula Unwoti, ya na ɔƒɛ udi unye na Gibeon ɔma eli, na aya na kɔbuli lɛnɔ kɔsɔ kɔkya Ayalon Kɔwɛ.”

Petro 1 2:24

Kristo ɔlati náƒɔ bula ekpidi lɛbibo ɔ́sia lɛlɔ útédu ka bákana-nwu bámana ugyii lɛlɔ na bádu-nwu. Ɔ́bla ɔmɛni kalɛ na bɔlɛ likpidi kemmo kalɛ na likpidi lɛsɔ liladi-bu lɛlɔ. Na bulie ngba na butaabla ala ani mɔɔyɔ́ Katɔti kaƒɔ. Abi ani na Kristo úbo na bula lili mɛni náya na abu bɔ́yu ɔkplu na kɔyu kemmo.

Yohane 1 3:22

Na lɛla biala na buuvele-nwu ni, bɔɔkɛ́-ni ɔsika bɔɔdi nwuna ɔda bubo lɛlɔ na bɔɔbla lɛla lɛni mɔɔyɔ́-nwu kaƒɔ.

Samuel 1 1:12

Ka ɔɔkpali Katɔti lɛni ku kabɛnsɛ ni, Eli unye ɔɔnu-nwu kpoo.

Samuel 1 12:17

Ɔɔɔdi uwi ɔmɛni na baaƒɛ kamu yoo? Na bɛgyi lɛnɔ ka si edula ɔƒɛwi ɔmɛni údu ni, ɔnantu ɔsɔ ulána. Nsu ina ka use lɛni ni, ndubo Katɔti bɔkpali na ɔya na ɔnantu ɔna. Na kayaa kataabwɛ ogya. Na ɔmɛni ɔdubɔya na bɛti kalɛ na likpidi lɛni na bɛ́bla líbomo ɔni na bíye bɛnii bete-mii ɔga na utaadi-mii lɛlɔ ɔsu.”

Samuel 1 12:18

Amu na Samuel ɔ́su Unwoti ɔnii ɔya na kayaa kataabwɛ ogya, na ɔnantu lɛnɔ utaana. Na limeyi lɛmmɔ kani ni, Unwoti ɔ́ya na ɔnantu ɔ́na, na kayaa lɛnɔ kaabwɛ ogya kalɛ kani na Samuel úvele-nwu. Mmɔ ni, bekyuli bammɔ ƒui báyia Unwoti ku Samuel.