Yakobo 4:8 - Katɔti Ɔku Kedee

⁸ Bɛni bide Katɔti, na anwu lɛnɔ ɔdubɔni ude-mii. Amii alaekpidi bablane, bɛƒɔ bina enu! Na amii bani bina kasusu kese inyɔ inyɔ ni, bɛvumana bɛsia Blɔti lɛti kama!

Yakobo 4:8 ပူးပေါင်းရင်းမြစ်များ

Ala Kalɔ Buse 18:23

Mmɔ ni, Abraham ɔ́ni úde Unwoti na úye-nwu ɔnini, “Buvele, adubɔyila bekyuli babuni udu lɛnɔ ebunku bekyuli bekpidi bammɔ?

Ala Alɛdi 1 28:9

“Mina ubi Salomo, mɔɔsu-ɔ kpakplaa ka kya Unwoti lili kalɔ uwi biala na asiaku-nwu kama siin na adi nwuna litemi lɛlɔ ku ƒula kayi ku kasusu ƒui aani kalɛ na lɛ́bla. Ɔgyi ƒula lili kemmo kasusu ku kakali biala na ada aabla ala. Anwuɔsu si énwini ésie-nwu kudɔ ku kayi ƒui ni, ɔdubunu ƒula buvele. Nsu si énwini kama ákya-nwu ni, anwu lɛnɔ ɔdubuni-ɔ uwi ƒui.

Ala Alɛdi 2 15:2

Mmɔ kani na Asaria ɔ́ta kɔnakunwi úsie Asa kudɔ na útásu-nwu ɔnini, “Awɔ Ɔga Asa ku Yuda ku Benyamin kadi bekyuli, binu! Uwi biala na bɛɛsia Unwoti ɔda bubo anu na bɛɛdi-mu lɛlɔ na bɛɛkpá-nwu ni, ɔdubulieku-mii na ubunku-mii na uledie-mii atu na uni-mii kudii.

Hiob 16:17

Nsu ngyi nwaa ka ńteti mina enu ńtabla likpidi lɛdi iye lɛta linye ɔdi lɛlɔ, mmomu mɔɔkpali Katɔti ku kayi sɛɛn uwi ndi uwi.

Hiob 17:9

Bekyuli bani nse siin beenye bana ala siin bɔbla lɛlɔ, na bana ɔyikun ɔɔkɔ́ katɔ teebu uwi biala.

Hiob 9:30

Ina lɛ́kpi na lɛ́ƒɔ mina enu na eekeye dɛ ni,

Kɔgya 119:113

Na bekyuli bani na bana kasusu kese inyɔ inyɔ na ƒula lɛlɔ ni, nkisi-ma. Na ami ni, mɔɔyɔ́ ƒula ɔda bubo.

Kɔgya 145:18

Unwoti ude bekyuli bani mɔɔkpali-nwu ulu lɛlɔ ku ɔbu geen.

Kɔgya 18:20

Unwoti ɔ́bla-mi lɛƒɔndia, ɔsika nsiaku-nwu kama siin na úse-mi kɔdɛ, ɔsika likpidi lɛdi lɛɛɛda-mi.

Kɔgya 24:4

Bekyuli bammɔ udu ndi bani enu ku kayi kemmo nse sɛɛn na béteti bana anu bátasia lɛƒiɔkpa lɛlɔ iye bataanyi ɔkɔ taakpali ala.

Kɔgya 26:6

Lídie mina enu katɔ mɔɔtina ka nse sɛɛn na mɔɔkpá-a taaka taamana ƒula lɛkpabi.

Kɔgya 51:10

Katɔti, bla-mi ukyuli ɔwɔdi na linye kpakplaa uwi ndi uwi na ntaabla ala siin.

Kɔgya 73:13

Na kalɛ mɔɔkya ɔkplu nnii mɔɔbla lɛlɔ sɛɛn kalɛ na naaabla likpidi ni, keeke na ami mɔɔbla ɔmɛni.

Kɔgya 73:28

Nsu ami ni, ɔdia ute-mi geen ka lɛ́ni líde Katɔti. Na ndubɔkɛ katamikukɔ na Ɔyikune Ƒui Katɔti kudɔ. Na libo ala ani ƒui na ɔ́bla kudu lite bekyuli.

Yesaia 13:15

Na bani ƒui béƒie badubɔtu-ma baƒuaala, na batɛ kuwii kenye.

Yesaia 29:13

Unwoti ɔ́su ɔnini, “Bekyuli bamɛni bada bana kenye kani baabu-mi, nsu balayɔ-mi na bana kayi kemmo. Keeke kani na baabla-mi kabla. Baatina kayawi lɛlɔ ala aani si mina ɔda bubo bɔdi.

Yesaia 58:2

Baakɔ́ taayu limeyi ndi limeyi banii ami na baasiaku. Na beekpóku lɛlɔ aani si mina litemi na baawia batɛya. Na baatina lɛlɔ aani kadi bani bekyuli mɔɔwia ka babla lɛbuni na baadi mina ɔda bubo lɛlɔ. Baawia ka lɛni lide-ma suɛlɛ suɛlɛ na lɛtɛ litemi na ulu lɛlɔ siin lite-ma, na baasu ka lɛlɔ lɛɛyɔ́-ma ka bataasiaku-mi.

Yeremia 4:11

Uwi ɔni na ɔgbankpi ɔmmɔ ɔdubo bɔlɛ ni, Unwoti ɔdubɔsu amii Yerusalemƒuɔ ɔnini, “Ndubɔya na ɔƒɛƒɛɛ kpakplaa ukpo ɔsi kalɔ kakwiidi lɛlɔ na ɔɔɔdi ƒɛƒɛɛ buɛɛ ɔni muuƒwi aƒata teedie bina kamu kemmo na kakpa. Mmomu ɔdubɔkpala-mii ɔtɔlɔku aani kɔtu bɔni na bina ekpidi ɔsu.

Yeremia 4:14

Nsu ni, Yerusalem, uwi ɔmu ɔkya-mii ka bɛkɛ bɔƒɔ. Bɛƒɔ bina ekpidi ƒui bidie lɛlɔ ku kayi kemmo na bɛda likpidi kakwɛ biala bɔkya bɛya,

Kɔnyana Buwulo 3:57

Ébo uwi ɔni geen lɛlɔ na mɔɔwia-a kebunku, na ásu-mi anini, “Da bɔyia ya!”

Esekiel 18:31

Bini bina alaekpidi lilu lɛni ƒui lɛlɔ na bɛsia na bise kalɔ bitaabla kasusu kabuni na bɛsiaku-mi kama siin! Munuu bɔyɔ geen na bɛɛyɔ́ ka badu-mii na bina ekpidi bɔbla ɔsu?

Sakaria 1:3

Nsu si amii bɛdubunwini bibo-mi kudɔ ni, ami lɛnɔ nsɔ lɛɛɛdubo kama bunwini bɔkya-mii.”

Malakai 3:7

ina ka bíni na bilenu-mi litemi ɔ́si bina bati kuuku uwi ƒui. Nsu si bínwini bíbo-mi kudɔ ni, ami lɛnɔ ndubunwini libo-mii kudɔ. Nsu buye na biiye bɛnini, ‘Dɛ na bɔdubɔkana na bunwini bubo-ɔ kudɔ?’

Mateo 12:33

“Ɔdi ka bɛti ka kugyii kɔbuni kɔɔnwu ebi abuni, na kugyii kɔni naaadia kɔɔnwu ebi ani naaadia. Kugyii biala ebi na beeti taanu kugyii kɔmmɔ udu taati.

Mateo 15:2

“Bi ɔsu na ƒula batɛyane balásiaku bula bati kuuku ɔda bubo kama? Baláƒɔ bana enu kalɛ na bula ɔdi ɔɔtina asa na baadi.”

Mateo 27:24

Uwi ɔni na Pilato ɔ́nu ka ɔ́sɔ ulakana lɛla lɛdi bɔbla, na mmomu unyeƒi kpakplaa ndubo bɔlɛ ni, úti ntu na ɔ́ƒɔ enu na bekyuli bammɔ anumi na ɔ́su-ma ɔnini, “Ukyuli ɔmɛni kukpi kɔɔɔsia-mi lɛlɔ! Bina litemi na lɛdi.”

Batalane Kabla 15:9

Útakya kavumana kadi na abu ku-ma ntɛ, ɔsika ɔ́ƒɔ-ma na bana bɔƒɔtaadi ɔsu. Na úti bana ekpidi ɔ́kyiɛ-ma aani abu kalɛ.

Korintoƒuɔ 2 7:1

Banwa, ka Katɔti úse-bu kenye na ala amɛni ƒui lɛlɔ úse ɔsu ni, bɛya na bɔbla lɛlɔ sɛɛn na bɔda lɛlɔ budie ala ani ƒui mɔɔyá na bula ɔlɔna ku kɔyu kuusé lɛlɔ kudɔ. Na bɛya na buti lɛlɔ ƒui bute Katɔti ka bɔɔbu-nwu na bɔɔyia-nwu ɔsu.

Timoteo 1 2:8

Na baƒɔtaadine kasalakɔ biala ni, mɔɔwia ka banana bataakpali katɔ ku kayi kedee kalɛ na si Katɔti ɔɔnu bina enu katɔ ni, na ɔti ka bɛ́da lɛlɔ bídie likpidi kemmo. Na kɔnyi iye unyeƒi ɔdi uuubo-mii akɔ.

Hebriƒuɔ 10:22

bɛya na bɔni bude Katɔti ku kayi kani naaatɔlɔ-bu na bɔda bɔƒɔtaadi bɔmmɔ kpakplaa. Yesu ɔ́kuna nwuna ubugya ɔmmɔ úwi-bu lɛlɔ kalɛ na bula kayi kaládu-bu kɔtɔ. Na úti ntu bɔni nse sɛɛn ɔ́ƒɔ-bu lɛlɔ ƒui.

Hebriƒuɔ 7:19

Ɔsika ɔda bubo bɔni na Katɔti úte-bu ɔkɛnku Mose lɛlɔ ni, bútabla Katɔti kabla bútawɔlɔ. Na ɔƒɛni ni, bɔ́kɛ lɛnunsia lɛni ndia ntulo na lɛɛyá na bɔɔní teede Katɔti.

Yakobo 3:17

Na lɛnunda lɛni nási Katɔti kudɔ ni, lise sɛɛn. Na lɛdanku keyi buɛɛ na ɔɔyá na ati kalɛ na ada lɛlɔ na ayɔ ƒula bakpana lɛnɔ. Ɔɔyá na ƒula ablala aanwu ebi buni na aanu bekyuli kɔnyana. Na ulánu bekyuli anumi taabla lɛla lɛdi. Mmomu aabla ala ulu lɛlɔ geen.

Petro 1 1:22

Ka bɛɛdi litemi geen lɛmmɔ lɛlɔ na bɛ́bla lɛlɔ sɛɛn ka Katɔti úti bina ekpidi ɔ́kyiɛ-mii na bɛɛyɔ́ lɛlɔ ɔƒɛni ɔsu ni, bɛya na bina baƒɔtaadine bakpana bɔyɔ bɔkɔ katɔ bubu ku kayi ƒui.

Petro 1 3:21

Na ɔmmɔ mɔɔtina-bu lɛla lɛni na bula ngba bɔƒɔ ntu bɔkpila ɔdi ɔmɛni ɔdanku. Ɔɔɔdi ɔlɔna lɛlɔ bɔkpi na ɔdi, mmomu ɔkɛnku kenye kani na búse búte Katɔti ku kayi kani nse sɛɛn lɛlɔ na ɔdi. Katɔti ɔɔƒɔ́-bu ɔkɛnku kalɛ na bɔ́ƒɔ Yesu Kristo bɔsɔ bɔta bɔlɛ bekpine akɔ bɔ́di ɔsu.

Yohane 1 3:3

Na ukyuli biala ɔni mɔɔsia Kristo bubo anu ni, ɔɔklibi lɛlɔ teese sɛɛn aani kalɛ na Kristo lɛnɔ use sɛɛn.

Samuel 1 14:35

Na usien ɔmmɔ ni, Saul ɔ́tu lɛkpabi na bábla akpala béte Unwoti na mmɔ. Na ɔmmɔ ndi kudeedi ka Saul ɔ́bla lɛni.