Yakobo 4:6 - Katɔti Ɔku Kedee

⁶ Nsu ka Katɔti ɔɔyɔ́-bu ɔsu ni, ɔɔkya-bu ɔkplu kalɛ na bɔkana bunye kpakplaa. Ɔmɛni ɔsu Bunweni Kedee Ɔku ɔɔsu ɔnini, “Katɔti ulátunaku bekyuli bani mɔɔtalaku lɛlɔ katɔ, mmomu uubunku bani muuboku lɛlɔ kalɔ.”

Yakobo 4:6 ပူးပေါင်းရင်းမြစ်များ

Ala Alɛdi 2 32:26

Na kama ƒui ni, bekyuli bamɛni bánu ka báƒiɔ na békpi kɔtɔ na bévele Unwoti banii uti ɔkyiɛ-ma. Anwuɔsu Unwoti ɔ́sɔ útani-ma kɔtu uwi ɔni ƒui na Hesekia ɔ́sɔ úlie utaadi lɛga mmɔ.

Ala Alɛdi 2 33:12

Uwi ɔni na kekpo kéƒie Manase na úusie ɔkya mmɔ ni, úvele Unwoti Katɔti ɔnii uti nwuna ekpidi ɔkyiɛ-nwu na ubunku-nwu.

Ala Alɛdi 2 33:19

Kenye udiene Hosai únweni ala pii ɔ́siku Manase lɛlɔ úbunku kalɛ na útaakpali Katɔti ku kalɛ na Katɔti únu-nwu bɔkpali. Nsu ala ekpidi ani na ɔ́bla lɛnɔ asa na ɔdubɔsɔ unwini kayi ni, únweni ana ƒui. Na únweni ala ɔ́siku kesii kani bene na ɔ́tu kadi bamba baƒiɔ ku aƒiodu ɔ́lɛ ku kesii kani na ɔ́ya na bátaakpa Asera baƒiɔ beledi bammɔ.

Ala Alɛdi 2 33:23

Manase únwini kayi úbo Unwoti kudɔ, nsu ubidi Amon anwu úni na útabla ɔmɛni mmomu ekpidi enengudi na ɔ́bla ɔ́sia kama útulo ɔti ƒui.

Ala Alɛdi 2 34:27

Ka kayi kágyu-ɔ uwi ɔni na énu ala ani na lɛ́su ka mabla kalɔ kamɛni ku kana bekyuli ni, éboku lɛlɔ kalɔ na kayi kemmo na áni ƒula awu ábwɛ na éwulo na mina anumi. Na mɔɔsu-ɔ geen ka línu ƒula buvele. Anwuɔsu nu lɛla lɛni na ndubo bɔbla.

Hiob 22:29

Lɛlɔ katɔ bɔkɔliku ɔsu na Katɔti uuboku ukyuli kalɔ. Na anwu Katɔti ɔmmɔ kani mɔɔkɔliku ukyuli katɔ si úboku lɛlɔ kalɔ na ɔ́kpali-nwu.

Kɔgya 138:6

Unwoti, ina ka eli katɔ katɔ mmɔ muedi ni, aanu bani muuboku lɛlɔ kalɔ kɔnyana. Na bani mɔɔkɔliku lɛlɔ katɔ ni, bana ablala lɛnɔ átabɛ-ɔ.

Kɔgya 9:12

Ɔsika Katɔti ulayiƒala kalɛ na ɔni bekyuli bani néwi bekyuli ubugya kalɔ kɔtu. Na uleni bekyuli bani muuwulo taakpali-nwu keku na kalɛ na beekpóku-ma ɔsu.

Israelƒuɔ Bɔlɛ 18:11

Ɔƒɛni lɛ́nu lɛ́ti ka Unwoti utulo benwoti bani ƒui nkya, ɔsika ɔ́bla ala amɛni úti ɔ́ƒɔ bekyuli bani nkya mɔɔbla Israelƒuɔ kalala.”

Agba 15:33

Si aayia Unwoti ni, ɔɔtina kalɛ na áda anu. Na lɛlɔ kalɔ buboku mɔɔtɔ asa na ɔbu ɔɔsia.

Agba 18:12

Lɛlɔ bɔtina ku ukyuli tabu mɔɔgyú taatɔ asa na ukyuli ɔɔyii udu. Na lɛlɔ kalɔ buboku mɔɔtɔ asa na ɔbu ɔɔsia.

Agba 22:4

Lɛlɔ kalɔ buboku ku Unwoti bɔyia ulu geen lɛlɔ ɔɔyá na lɛlakɛ ku ɔbu ku ngba buumomo ukyuli.

Agba 29:23

Ukyuli lɛlɔ katɔ bɔkɔliku muuboku nwuna kalɔ bubo. Na si éboku lɛlɔ kalɔ ni, bekyuli badubɔbu-ɔ na aƒɔ lɛnyi.

Agba 3:34

Na ɔɔpii bekyuli bani mɔɔpii bekyuli ka baatalaku lɛlɔ katɔ ɔsu. Mmomu uubunku bani muuboku lɛlɔ kalɔ.

Yesaia 2:17

Na bekyuli atuɔkplu ku lɛlɔ katɔ bɔkɔliku ƒui ɔdububoku-mu kalɔ. Na Unwoti lɛnyi kani ndubɔkɔ katɔ limeyi lɛmmɔ.

Yesaia 54:7

Uwi klukwii ɔdi kani na lídie-mii ɔda, nsu ndubɔsɔ lɛƒɔ-mii na lɛkya-mii kɔgbu ku bɔyɔ geen.

Yesaia 57:15

Bula Katɔti ɔni nse kedee uli katɔ kakaaka ƒui úsela uwi ƒui, na anwu mɔɔsu ɔnini, “Ina ka katɔ kakaaka kesii kani nse kedee na nli ni, nkya-mii akɔ mɛni ka libunku bani ƒui néboku lɛlɔ kalɔ na béti bana anu ƒui básia-mi lɛlɔ na baanu-mi anumi.

Daniel 4:37

Ɔmmɔ ɔsu na lɛ́su nnii bemwi Katɔti ɔni nli mɔɔdi lɛlɔ ɔ́si katɔ ƒui ku ɔbu! Ɔsika lɛla biala na ɔ́bla lɛdia na lɛkɛ ulu lɛlɔ siin, na bani ƒui mɔɔkɔliku lɛlɔ katɔ ni, uuboku-ma kalɔ.

Mateo 13:12

Ɔsika ukyuli ɔni mbo ala ammɔ udu ni, Katɔti ɔdubute-nwu ubu na ɔkɛ utulo kalɛ na ɔɔwia. Nsu ukyuli ɔni neeebo ala ammɔ adi ni, libliidi lɛni nse-nwu muedi ni, Katɔti ɔdubɔƒɔ-ni ɔ́siku-nwu kudɔ.

Mateo 23:12

Na ukyuli ɔni na ɔɔtalaku lɛlɔ katɔ ni, Katɔti ɔdubɔyula-nwu kalɔ. Na ukyuli ɔni muuboku lɛlɔ kalɔ ni, Katɔti ɔdubɔtalaku-nwu katɔ.

Luka 1:52

Úboku baga benengudi ƒui kalɔ, na ɔ́kɔliku bani néboku lɛlɔ kalɔ katɔ.

Luka 14:11

Ɔsika ukyuli biala ɔni makɔli lɛlɔ katɔ ni, Katɔti ɔdububoku-nwu kalɔ. Na ukyuli biala ɔni meboku lɛlɔ kalɔ ni, Katɔti ɔdubɔkɔliku-nwu katɔ.”

Luka 18:14

Mmɔ na Yesu ɔ́su-ma ɔnini, “Mɔɔsu-mii nnii ka básɔ bénwini bésie kaduli ni, kuyi ɔƒɔne ɔmmɔ ɔ́bla sɛɛn na Katɔti anumi na ɔɔɔdi Ƒarisini ɔmmɔ. Ɔsika ukyuli biala ɔni na ɔ́bla nwuna lɛlɔ ukyuli ubendi ni, Katɔti ɔdububoku-nwu kalɔ. Na ukyuli biala ɔni na weboku lɛlɔ kalɔ ni, Katɔti ɔdubɔkɔliku-nwu katɔ.”

Yakobo 4:10

Biboku lɛlɔ kalɔ bite Blɔti, na ɔdubɔtalaku-mii katɔ.

Petro 1 5:5

Lɛni kani na ɔlɛka amii bani ndi baƒɔtaadine bawɔdi lɛnɔ biboku lɛlɔ kalɔ bite baƒɔtaadine benengu bammɔ. Na bina ƒui bɛda lɛlɔ na biboku lɛlɔ kalɔ na biteebunku lɛlɔ. Ɔsika Bunweni Kedee Ɔku ɔɔsu ɔnini, “Katɔti uléte bekyuli bani mɔɔtalaku lɛlɔ katɔ kuƒi. Mmomu uubunku bani muuboku lɛlɔ kalɔ.”

Samuel 1 2:3

Amii bani muukú lɛlɔ ni, bɛda bina lɛlɔ buku ku asula bɛya. Ɔsika Unwoti ndi Katɔti ɔni ngyi lɛla biala. Na ɔɔkɔ́ku ablala ƒui taanu.