Yakobo 4:3 - Katɔti Ɔku Kedee

³ Si ina bívele Katɔti muedi ni, ulákpete-mii. Ɔsika ɔɔɔdi kasusu kabuni kemmo na biiye-nwu ala ammɔ. Na lɛla lɛni kani na bɛɛwia ka biti lɛlakɛ lɛmmɔ bɛbla ndi ka biti-nya bɛsiaku kayawi ebiti ekpludi kama.

Yakobo 4:3 ပူးပေါင်းရင်းမြစ်များ

Baga 1 3:11

Anwuɔsu Katɔti ɔ́su-nwu ɔnini, “Ka ɔmɛni na éye-mi na éteye ngba gyɔlɔɔ iye akɛla étete lɛlɔ iye aya ƒula bekisine ƒui bekpi, mmomu bɔwia na áwia ka ati bekyuli bammɔ bɔda siin ɔsu ni,

Hiob 35:12

Katɔti ulákpete bekyuli bani mɔɔta teenye-nwu lɛlɔ, na bebo ulikplu na baatalaku lɛlɔ katɔ.

Kɔgya 18:41

Báva bákpali ka ukyuli ɔdi ubaƒɔ-ma, nsu ɔdi uuubo na ɔƒɔ-ma. Na bákpali Unwoti muedi, nsu útakpete-ma.

Agba 1:28

“Uwi ɔmmɔ ni, bɛdubɔkpali ami Lɛnunda, nsu naaakpete-mii. Na bɛdubɔwia-mi na bilanu-mi.

Agba 15:8

Bekyuli bekpidi akpala ni, Unwoti ukisi-nya. Nsu lɛlɔ lɛɛyɔ́-nwu si bekyuli bani nse siin baakpali-nwu.

Agba 21:13

Bekyuli bani muutile atu si bawabane beewulo kɔnyana ni, ama lɛnɔ belénu belete-ma si baayaki lɛla lɛdi.

Agba 21:27

Unwoti ukisi ukyuli ukpidi akpala. Na ɔni nsɔ ntulo ƒui ndi ka ute-nya ku kasusu kekpidi ka ɔkɛ nwuna lɛla lɛdi ɔsu.

Yeremia 11:11

Ndubo bɔya na Yuda ku Yerusalem kadi bekyuli bebo abi geen ɔni na ɔdi ulakana na wekeli lɛbibo lɛmmɔ. Lɛla lɛni na lɛ́lɛ ugyii ɔƒɛni na lɛdi mmɔ. Na badubuvele-mi banii mbunku-ma, nsu lɛɛɛdubo bunu bute-ma.

Yeremia 11:14

“Yeremia, takpali tevele na bekyuli bamɛni lili iye asu-mi anii ndie-ma. Ɔsika lɛɛɛdubo bunu ina ákpali-mi na lɛɛɛdubo bana buvele lɛnɔ bunu!”

Yeremia 14:12

Bakana na bakɛ bataavi ku kɔka na bakyula akpala bayala-mi kaƒɔ na beti edula akpala babagya-mi enu. Nsu si béwulo bákpali-mi ni, lɛɛɛdubo-ma bɔkpete na lɛɛɛdubo-ma akpala ammɔ lɛnɔ bɔƒɔ. Mmomu ndubɔya na kekpo ku kɔka ku lɛlɛ lidu libadu-ma na lɛyila-ma udu ƒui.”

Mika 3:4

Bɛdubo Unwoti buvele limeyi linwi bɛnii ubunku-mii, nsu ɔdubo kama bunwini bɔkya-mii na ulénu bina bɔkpali na bina ekpidi ɔsu.

Sakaria 7:13

“Na lɛ́su nnini, ‘Uwi ɔni na lɛ́kpali-mii límene ni, bina akɔ ɔdi biala útenu-mi litemi. Anwuɔsu ami lɛnɔ lɛɛɛdubo bina litemi bunu.

Mateo 20:22

Yesu ɔ́su-ma ɔnini, “Bɛɛɛgyi lɛla lɛni geen na biiye. Lɛbibo lɛni ndubo buti ni, amii lɛnɔ bɛdubɔkana-nya buti?” Amu na bedie kenye banii, “Ɛɛn, bɔdubɔkana.”

Marko 10:38

Yesu ɔ́su-ma ɔnini, “Bɛɛɛgyi lɛla lɛni na biiye! Bɛ́ƒɔ bɛ́di ka bɛdubɔkana na bɛni lɛbibo ɔɔƒɛɛ ɔni na mɔɔní? Na bɛdubɔkana na bɛƒɔ bɔkpila ɔdi ɔni na mɔɔƒɔ́ na kayawi mɛni?”

Luka 11:10

Ɔsika ukyuli biala ɔni muuvele Katɔti ni, uute-nwu. Na ukyuli biala ɔni mɔɔwia lɛla lɛdi ni, ɔɔkɛ́-ni. Na ukyuli biala ɔni muubó kɔnu kegbuta ni, Katɔti ɔɔlɛmi teete-nwu.

Luka 15:13

“Na emeyi alɛɛ adi kama ni, ɔnamudi ɔmmɔ úti nwuna ala ammɔ ƒui úye na úti egulabi ammɔ na ɔ́tɔlɔ úsie ɔlɔgyu kakaaka kesii kani na útélie ngba basa basa na úbile egulabi ammɔ ƒui.

Luka 15:30

Nsu ka ƒ'ubidi ɔni nébile ƒula lɛkɛ na ɔkɛ ɔsiaku bayalɛ mɛni ɔ́sɔ únwini úbo ɔma ni, ádu ebuo ɔni nélie lɛmwi éte-nwu!’

Yakobo 4:1

Bi muuti kekpo ku kadɔ teeboku bina akɔ? Bina kayawi ebiti ani kama na bɛsiaku na eekpóku-mii na bina lɛlɔ kemmo ni, ana kudɔ na ɔɔsí.

Yohane 1 3:22

Na lɛla biala na buuvele-nwu ni, bɔɔkɛ́-ni ɔsika bɔɔdi nwuna ɔda bubo lɛlɔ na bɔɔbla lɛla lɛni mɔɔyɔ́-nwu kaƒɔ.

Yohane 1 5:14

Bɔgyi nwaa ka si buuvele Katɔti lɛla biala na nwuna bɔyɔ kenye ni, uunú-bu bɔkpali.