Yakobo 4:1 - Katɔti Ɔku Kedee

¹ Bi muuti kekpo ku kadɔ teeboku bina akɔ? Bina kayawi ebiti ani kama na bɛsiaku na eekpóku-mii na bina lɛlɔ kemmo ni, ana kudɔ na ɔɔsí.

Yakobo 4:1 ပူးပေါင်းရင်းမြစ်များ

Yeremia 17:9

“Bibo ɔkɔ geen, amii Yuda kadi bekyuli, na bɛɛtɔ́lɔ amii alati bina lɛlɔ muedi, na bilakana bɔvumana.

Mateo 15:19

Na kasusu kekpidi kani mɔɔyá na bekyuli baadú bekyuli, na baadi kɔsɔnɔ, na baabla lɛyalɛ ala, na beeyú, na baadá bekyuli kenye, na baalɔ bekyuli anyikpi ni, ana ƒui aasí kayi kemmo.

Yohane 8:44

Bina ɔti ndi ukisine ɔmmɔ, na bɛwia ka bɛbla nwuna lɛƒɔyɔ. Bekyuli ɔdune kani na ɔdi ɔ́si kalɔ kesekɔ ƒui. Na ulayɔ litemi geen lɛmmɔ, ɔsika ulasu lɛla siin lɛdi kudii. Si ɔ́nyi ɔkɔ ni, nwuna udu na uudie taatina na bɔtɛmi kemmo. Ɔsika ɔkɔ ɔnyine na ɔdi, na anwu ndi ɔkɔ bɔnyi ƒui ɔti.

Romaƒuɔ 7:23

Nsu mɔɔnu ka ala bamba ani mɔɔlɛ́-mi lɛlɔ kemmo eekpóku lɛla lɛni na mina kasusu kaatina-mi ka lɛdia. Na áya na likpidi bɔbla búnyimi-mi na bɔ́bala-mi aani ɔtɔntɛne.

Romaƒuɔ 7:5

Uwi ɔni kemmo na ɔda bubo búdie bula ukyuli udu ɔkukudi kelie kani ndanku likpidi bɔbla bɔ́tina-bu ni, ablala ammɔ ákɔ katɔ ébu. Na ala ani na bɔ́lɛku keyi na kelie kammɔ kemmo adanku kukpi.

Romaƒuɔ 8:7

Na ukyuli ɔni kasusu nsia ɔlɔna ala kani lɛlɔ ni, ɔdi ukisine ute Katɔti, ɔsika uládi Katɔti ɔda bubo lɛlɔ. Na sɔsɔ geen ni, ulakana-mu lɛlɔ bɔdi lɛnɔ kudii.

Galatiƒuɔ 5:17

Na ala ani na bula ɔlɔna ɔɔyɔ́ ni, aata teenye ala ani na Kɔyu kɔɔyɔ́ lɛlɔ. Lɛni kani na ala ani na Kɔyu lɛnɔ kɔɔyɔ́ aata teenye ala ani na ɔlɔna ɔɔyɔ́ lɛlɔ. Na ɔlɔna ku Kɔyu kɔmɛni badi bekisine bete lɛlɔ. Anwuɔsu bɛsɔ bilakana na bitaabla lɛla biala mɔɔda-mii ɔkwɛ.

Koloseƒuɔ 3:5

Anwuɔsu ni, bɛdu ɔlɔna kemmo ɔkwɛ adala biala nkya-mii lɛlɔ kemmo. Na bitasiaku-nya kama aani lɛsɔnɔdi ku ala ani muusé lɛlɔ ku ɔlɔna ɔkwɛ adala ani muuti ukyuli teesienku likpidi bɔbla kemmo na aayá na ukyuli uuti kasusu kekpidi ku ɔdivo udu biala ɔni ndi lɛƒiɔkpa.

Timoteo 2 2:23

Da lɛlɔ mami kɔbɔ ala ku kɔdɔlɔ atɛ batɛmine lɛlɔ, ɔsika kadɔ na ala ammɔ udu eeboku.

Tito 3:3

Ɔsika abu alati lɛnɔ bɔ́bla adɔlɔla ku atuɔkplu, na bɔ́ƒiɔ dii. Na ɔlɔna kemmo ala ekpidi áda-bu ɔkwɛ lɛnɔ dii. Na búti bula uwi búte kalala bɔbla ku lɛnungyie, na bekyuli békisi-bu na abu lɛnɔ búkisi-ma.

Tito 3:9

Na takyaku ukyuli ɔdi kɔdɔlɔ unyeƒi. Tebile uwi tete kaba bekyuli bɔka bɔdi, tadɔ na ataakya Mose ɔda bubo etemila lɛlɔ unyeƒi ɔdi. Ala amɛni ƒui eeebo kɔsia kɔdi.

Yakobo 1:14

Mmomu ɔlɔna alaekpidi ani mɔɔda ukyuli ɔkwɛ ni, anya muunwíni teekpoku-nwu.

Yakobo 4:3

Si ina bívele Katɔti muedi ni, ulákpete-mii. Ɔsika ɔɔɔdi kasusu kabuni kemmo na biiye-nwu ala ammɔ. Na lɛla lɛni kani na bɛɛwia ka biti lɛlakɛ lɛmmɔ bɛbla ndi ka biti-nya bɛsiaku kayawi ebiti ekpludi kama.

Petro 1 1:14

Binu Katɔti litemi, na bɛda udu ukpidi ɔni kemmo na bɛ́kya uwi ɔni na bítenwini tɔ baƒɔtaadine mmɔ bɛya.

Petro 1 2:11

Bayɔne, mɔɔlɛ-mii aani si baƒɔ ku belusiene na bɛdi na kayawi mɛni nnii bɛda lɛlɔ bidie ɔlɔna ɔkwɛ adala ani muukpóku-mii kudɔ.

Petro 2 2:18

Baasu etemila keeke taatalaku lɛlɔ katɔ. Na bada ɔlɔna ɔkwɛ adala baatɔ́lɔ bani nétetu tɔ uwi ka báda ngba bukpidi bulie báya.

Petro 2 3:3

Kudeedi ni, bɛya na ɔbla-mii nwaa ka na emeyi ekplodi ammɔ kemmo ni, bekyuli bani nsiaku bana ɔlɔna ala ɔkwɛ adala kama badububo-mii kudɔ na bama-mii.