Yakobo 3:6 - Katɔti Ɔku Kedee

⁶ Lɛni kani na unyemi use aani ogya kalɛ. Use aani kayawi kani na alaekpidi áƒɔ-ka ƒui. Na ɔkya-bu ɔlɔna kemmo uubile ɔlɔna umodi ɔmmɔ ƒui ku nwuna enyekpi. Ɔɔyila-bu udu na ngba bɔmɛni kemmo. Na nwuna enyekpi ási ukisine ɔmmɔ ɔyikun kemmo na ɔdubuti ɔkyula kayawi kamɛni ku kana ala ƒui.

Yakobo 3:6 ပူးပေါင်းရင်းမြစ်များ

Samuel 2 16:20

Amu na Absalom ɔ́su Ahitoƒel ɔnini, “Bi ndi-ɔ kasusu, su-bu lɛla lɛni na aayɔ́ ka bɔbla?”

Samuel 2 19:43

Amu na Israelƒuɔ bédie Yudaƒuɔ bammɔ kenye banini, “Bubo kadikɔ akpa leevu na lɛgadi lɛmmɔ kemmo. Na si banii buti-nwu ulu ɔmmɔ lɛlɔ ni, bubo kuƒi na Dawid lɛlɔ butulo-mii, ɔsika abu náka kasusu buboku ka bɔsɔku bula ɔga buboku. Anwuɔsu ulu ɔmani lɛlɔ ɔsu na bɛɛnu-bu anumi?” Nsu Yudaƒuɔ bétete Israelƒuɔ lɛla lɛdi bɔsu.

Kɔgya 140:3

Bágyu bana inye beti yayaaya aani balakpi. Na bana inye bɔɔdú bekyuli aani kɔlakpi bɔdu kalɛ.

Kɔgya 64:3

Bádɔ bana linyemi aani kuwii na bana kenye ɔdu etemila na baatu taalɛ-mi aani kataminta atula.

Agba 15:1

Kɔnyi kulakɔ ukyuli si éboku lɛlɔ kalɔ na édie litemi kenye buɛɛ. Nsu etemila bɔtu taalɛ ukyuli ɔɔyá kɔnyi kuubo.

Agba 16:27

Balalane beenye taawia kuƒi kɔni na babla likyulikpi, na bana etemila adi ogya bonwu ɔni mɔɔkywí teebile ala.

Agba 6:19

ɔkɔ kenye litemi bediene bani mɔɔnyi ɔkɔ taaka ala. Ukyuli ɔni mɔɔkya bekyuli ntɛ taabla ala ani na ubile banwani ntɛ.

Agba 7:5

Na ala amɛni adubudie-ɔ na uleku ɔsɔnɔdine enu kemmo. Na edie-ɔ na uleku ɔni mɔɔlɛ́ ɔgyani kama asɔnɔtɛ ani mɔɔní ukyuli taatákya likpidi kemmo kudɔ.

Yesaia 30:27

Bɛɛnu ka Unwoti Katɔti ɔ́si ɔdubo agyu kakaaka na ɔkɛ ku kɔnyi kɔni nse aani ogya ku uyɔ ɔni mɔɔda na ɔ́kɔ úsela katɔ ƒui. Na etemila ani na mɔɔlɛ́-nwu kenye kemmo ese aani ogya unyemi ɔni mɔɔkyula ala.

Yesaia 50:11

Ukpo ɔni na amii alati bɛ́tu bɛda ni, bɛda-nwu na uteekeye teete-mii, na bitaanu teesie. Nsu bɛti nwaa ka Unwoti ɔlati ndubo nwuna kɔnu budie bɔni-mii kɔtu na bibo abi geen.

Yeremia 20:10

Muunú ka bekyuli bammɔ baatɛmi kabɛnsɛ banini, “Ukyuli biala ɔɔyia na uwi ɔmɛni geen na ɔlɛka budie Yeremia bɔƒiɔ na bɔdu-nwu kɔtɔ!” Na bekyuli bani ƒui na mɔɔlɔ nnii mina bakpana ƒui benye kagyumana ka banu mina likpidi lɛdi na bakɛ kasiakɔ. Na baasu banini, “Ɔƒɛni kalɛ Yeremia ɔdubɔƒiɔ ɔbla lɛla lɛdi na ɔnu-bu kakpagyuɛ na bɔsia ɔmmɔ lɛlɔ bɔkɛ-nwu.”

Bumomo Bɔka 25:2

Na ɔkɛnku ɔmmɔ ɔsu beleku bamɛni baakpanku banana bammɔ teesienku bana lɛƒiɔkpa emeyi bɔdi kalɔ. Na Israelƒuɔ baadi adila ani béti bákpa béte baƒiɔ na baalɛ-ma akɔnkɔ kalɔ.

Bumomo Bɔka 31:16

Ɔɔɔdi beleku bamɛni násiaku Bileam kasusu kama na Peor? Na ɔmɛni ɔ́ya na Israelƒuɔ báta bénye Unwoti ɔda bubo lɛlɔ na ɔlɛ úbasiaku Unwoti bebi?

Mateo 12:24

Amu na uwi ɔni na Ƒarisiƒuɔ bénu ɔmɛni ni, básu banini, “Ɔkɛnku ayu ekpidi unengu Beelsebul lɛlɔ na ukyuli ɔmɛni ɔɔgyá ayu ekpidi taalɛku bekyuli lɛlɔ kemmo.”

Mateo 5:22

Nsu ɔƒɛni ni, ami mɔɔsu-mii nnii ukyuli ɔni meti kɔnyi makya ɔnwani ni, badubɔtɛku-nwu litemi. Na ukyuli ɔni lɛnɔ masu ɔnwani ɔnii, ‘Aaadi ukyuli ɔdi’ ni, badubɔlɔ-nwu benengu anumi. Na ukyuli ɔni masu ɔnwani ɔnii, ‘Ɔdɔlɔdi na adi’ ni, Katɔti ɔdubɔni-nwu kɔtu na lɛgyavonku lɛmmɔ kemmo.

Marko 7:15

Lɛla biala lɛni na ukyuli ɔ́di na líduo-nwu lɛlɔ kemmo ni, lilaya na uusé lɛlɔ na Katɔti anumi.

Luka 16:24

Amu na ɔ́kpali ɔnii, ‘Ati Abraham! Nu-mi kɔnyana na aya na Lasaro uti lɛnimi ɔkya ntu bɔdi kemmo na udu ubo-mi unyemi lɛlɔ na lɛlɔ lɛbla-mi buɛɛ. Ɔsika lɛlɔ lɛɛkywí-mi na ogya ɔmɛni kemmo!’

Batalane Kabla 20:30

Na bina akɔ muedi ni, badi badubo litemi geen lɛmmɔ bɔda bɔnyonu na bakpanku bekyuli pii basiaku bana ɔkɔ ala bɔtina kama.

Batalane Kabla 5:3

Amu na Petro ɔ́su-nwu ɔnini, “Anania, bi ɔsu na áya na Satan ɔdi-ɔ lɛlɔ, na ɔ́ya-a na aanyi ɔkɔ taatɔlɔ Katɔti Kɔyu? Na ébu ƒula kalɔ kani na éti éye mmɔ egulabi adi ése éte lɛlɔ?

Batalane Kabla 6:13

Amu na bekyuli bani náda-nwu kenye mɛni básɔ bábada Steƒano kenye ka ni, “Uutemi teewi kakpakɔ kamɛni uwi biala ku Mose ɔda bubo lɛlɔ.

Lɛkpa Ulu 13:6

Binye kagyumana bite bina ɔnwani iye bina ubidi ɔnanabi iye ulekubi iye bina beleku bani na bɛɛyɔ́ geen iye ƒula ɔkpana geen ɔni ndubo bɔbɛ bubasu-mii ka bibo na bitákpa baƒiɔ bani udu na amii iye bina bati kuuku bítakpa kudii.

Tito 1:11

Ɔdi ka enye etile bana ala ammɔ udu bɔtina lɛlɔ, ɔsika ala ammɔ mɔɔyá na kɔduli bekyuli ƒui beeƒú bana bɔƒɔtaadi. Na ala batinane bammɔ lɛkɛ likpidi lɛni baawia ɔsu na baatina ala ekpidi amɛni.

Yakobo 2:7

Na ama ndi bekyuli bani muutemi enyekpi taasiku lɛnyi lɛni na baalɔ-mii na lɛ́ƒɔ-mii kuye lɛnɔ lɛlɔ.

Yakobo 3:7

Ukyuli ɔɔkana na ɔbla bebuo bebendi ku baasɛ ku balakpi ku kɔkpaku na beteenu-nwu lɛdi. Na bábla lɛni sɔsɔ.

Petro 2 3:3

Kudeedi ni, bɛya na ɔbla-mii nwaa ka na emeyi ekplodi ammɔ kemmo ni, bekyuli bani nsiaku bana ɔlɔna ala ɔkwɛ adala kama badububo-mii kudɔ na bama-mii.

Yohane 3 1:10

Si líbo ni, ndubudie-nwu keyi na lɛla lɛni na ɔ́bla lɛlɔ ku ala ekpidi ani na ɔɔsu tasiku-bu lɛlɔ ku ɔkɔ ɔni na ɔ́nyi ɔ́sia-bu. Nsu ɔmmɔ lɛti bɔbla bútabɔ-nwu. Ɔsika ulátuna ɔnii ɔɔƒɔ́ banwa si bébo. Na uutile bekyuli bamba bani mɔɔyɔ́ ka baƒɔ-ma lɛnɔ kuƒi, na ɔɔbɔku-ma teedie lɛkpa lɛmmɔ kemmo.

Budie Taatina 12:9

Na bábɔku liƒu kɔlakpi kɔmmɔ béboku kalɔ. Aku ndi kɔlakpi kɔkukudi bonwu kɔni baalɔ ukisine ɔmmɔ iye Satan, na ɔɔtɔ́lɔ kayawi kemodi ƒui. Bábɔku anwu ku nwuna batu ƒui bábava kalɔ lɛlɔ mɛni.

Budie Taatina 13:14

Ɔ́tɔlɔ bekyuli bani ƒui nlie kalɔ lɛlɔ na nwuna akɔla bɔbla ani na ɔ́bla ɔkɛnku eƒiebuo udeedi ɔmmɔ lɛlɔ ɔsu. Ɔ́ya na bekyuli bammɔ bése baƒiɔ badi béte lɛlɔ, na bávɔ-ma na bese aani eƒiebuo udeedi ɔni náƒɔ ɔlɛ ka bébeyi-nwu ɔkɛɛ nsu ɔmu uli ngba.

Budie Taatina 18:23

Na basɔ balanu asogya bukeye bɔdi na ƒula kemmo kudii. Na basɔ belénu uleku buti lɛnu lɛdi lɛnɔ. Ƒula beyedine bani néteeti ala teebeye ni, bekyuli bánu-ma aani bekyuli benengudi ƒui na kalɔ lɛlɔ mɛni. Na ɔkɛnku ƒula evo ani na aaƒɛ teete bekyuli ɔsu ni, áya na kalɔ ƒui bekyuli báyii ulu.

Budie Taatina 19:20

Nsu béƒie eƒiebuo ɔmmɔ ku eƒiebuo ɔni néti lɛlɔ ɔ́bla ɔkɔ kenye udiene. Anwu ndi ɔni nábla akɔla budie taatina na eƒiebuo udeedi ɔmmɔ kenye, na úti akɔla budie taatina ammɔ ɔ́tɔlɔ bekyuli bani na bése likpo ku eƒiebuo ɔmmɔ likpose na bémwi eƒiebuo ɔmmɔ baƒiɔ. Na bekpone bammɔ béti eƒiebuo ɔmmɔ ku bekyuli bamɛni ƒui na bébo-ma bátákya ogya livongu lɛni nse bonwu aani ɛpu kalɛ, na ɔɔda ku ogya atabi kemmo.