Yakobo 3:5 - Katɔti Ɔku Kedee

⁵ Lɛni kani na unyemi lɛnɔ use. Ina ka use blii suɛ na ɔlɔna ekpo ƒui akɔ ni, anwu na ukyuli uuti taakun lɛmɛnɛ na ala ebendi lɛlɔ. Nu kalɛ na lɛku líbomo, nsu lɛgyakpabi lɛɛkana na lɛɛkyula-ni.

Yakobo 3:5 ပူးပေါင်းရင်းမြစ်များ

Hiob 22:17

Bekyuli bammɔ néni Katɔti Ɔyikune Ƒui na bákali banii uuubo ɔyikun ɔdi bana lɛlɔ.

Kɔgya 10:3

Ukyuli ukpidi ɔɔkun lɛmɛnɛ na ala ani na ɔɔwia lɛlɔ. Na ukyuli ɔni muugyele anumi taasia lilu likpidi lɛlɔ taaƒɔ bekyuli ala ni, uuwida Unwoti na uuní-nwu.

Kɔgya 17:10

Ɔsika bekyuli bammɔ udu balanu bekyuli kɔnyana, mmomu baatɛmi taakun lɛmɛnɛ.

Kɔgya 39:1

Líbo lɛlɔ ɔda lɛ́su nnini, “Ndubɔnu kaduɛ na lɛda mina unyemi na enyekpi adi alálɛ-mi kenye. Na lɛɛɛdubo bɔtɛmi lɛnɔ uwi ɔni na bekyuli bekpidi báka bámana-mi mɛni.”

Israelƒuɔ Bɔlɛ 15:9

“Ukisine ɔmmɔ ɔ́kun lɛmɛnɛ ɔnini, ‘Ndubɔbi bɔsiaku-ma na ntáka-ma lɛkya. Na liƒie-ma ala lɛƒɔ na lile-nya na lɛdi-nya kalɛ biala na mɔɔyɔ́. Ndubɔkpa mina kewii liti lɛyila-ma udu.’

Israelƒuɔ Bɔlɛ 5:2

Amu na Ƒarao úye-ma ɔnini, “Ɔma ndi Unwoti ɔmmɔ na ɔlɛka linu-nwu litemi na lite kuƒi na Israelƒuɔ batɔlɔ? Lɛɛɛgyi Unwoti ɔmmɔ, na lɛɛɛdubo bɔya na batɔlɔ.”

Agba 12:18

Bekyuli badi beedie ala taalɛ bekyuli na aatu kayi. Nsu banundane etemila aabwi bekyuli bani kayi muunú ɔlɛ.

Agba 15:2

Ɔnundane ni, ala bɔtɛya bɔdi-nwu ebiti. Na badɔlɔdi ni, bágyu kenye beti beedie kɔdɔlɔ keyi.

Agba 18:21

Bekyuli bani na atɛ aayu emini ku lɛla lɛni mɔɔsiáku akpanabi, ɔsika unyemi ɔɔkana na ɔdu ukyuli iye ubunku ukyuli ulu ɔbuni lɛlɔ.

Agba 26:20

Si ekyweni aakywí laa na ása ni, buni na ogya uuni. Lɛni kani na si kɔtɛ keeke kɔ́sa bɔtɛmi ni, kadɔ lɛnɔ kása.

Yeremia 18:18

Bekyuli bammɔ badi básu banini, “Bɛya na bɔyila Yeremia udu! Na bakpane badubɔkya-bu kudɔ uwi ndi uwi na batina-bu Unwoti ɔda bubo. Na bɔdubɔkɛ banundane na balɛ-bu. Na bɔkɛ kenye bediene bani ndubɔsu-bu Unwoti kenye kani na ubo ute-bu. Anwuɔsu si ɔni na bɔsɔ buteenu Yeremia etemila bɔsu ɔsu ni, bɛya na bɔda-nwu kenye ka ɔ́bla likpidi bonwu lɛdi.”

Esekiel 28:2

“Esekiel, ɔyawine ubi, su Tiro ɔga anini, ‘Aatalaku lɛlɔ katɔ taavili na aawia ka bekyuli banu-ɔ aani kayaa ɔyikune ɔdi na adi na Tiro ɔma unengudi ɔmmɔ ɔdi ƒula lɛga kadikɔ, nsu ukyuli keeke kani na adi.

Esekiel 29:3

ami nnini, ‘Awɔ Egyipte ɔga, ábla lɛlɔ aani odenge bonwu ɔdi na ɔtɛ ketu kemmo. Na átaabla lɛlɔ aani si Nil Ketu bonwu kammɔ ƒui ɔwɔ kadi na kadi na awɔ nábla-ka éte lɛlɔ. Nsu ɔƒaani ni, ami Unwoti Katɔti línwini ƒula ukisine!

Daniel 3:15

Ɔƒaani ni, ndubɔya na bedie lɛnu na bagya agyala bete-mii. Na si bɛ́kya lili kalɔ bímwi mina lɛtabi lɛni na lɛ́tu ni, lɛla biala lɛdubo buse buɛɛ bute-mii na ɔsa. Nsu si bíni na bítabla lɛni ni, badubo-mii bubo bɔkya lɛgyavonku kemmo, na baƒiɔ badi baaadubo-mii bɔkana bɔƒɔ bɔsiku mina enu kemmo.”

Yakobo 3:4

Na ɔkɔlɔ ubendi ɔni nkɛ ɛpu anumi na ɔƒɛƒɛɛ ubendi muudí-nwu ni, ugyii blii ɔdi kani na beti taaka-nwu taavinku. Na baakana na beeti-nwu teesienku kesii kani na baayɔ́ ka besie.

Petro 2 2:18

Baasu etemila keeke taatalaku lɛlɔ katɔ. Na bada ɔlɔna ɔkwɛ adala baatɔ́lɔ bani nétetu tɔ uwi ka báda ngba bukpidi bulie báya.

Yuda 1:16

Bekyuli bamɛni baadɔ na bana lɛlɔ kemmo. Na beedie bekyuli bamba bɔƒiɔ. Baakun lɛlɔ lɛmɛnɛ, na bekyuli bamba ala alaƒɔ-ma anu amu ntu uwi ɔni na bákɛ-ma lɛlɔ kɔsia kani. Bana likyulikpi ala ani mɔɔda-ma ɔkwɛ kani na baabla uwi biala.