Yakobo 3:2 - Katɔti Ɔku Kedee

² Ɔsika bula ƒui bɔɔƒiɔ́. Nsu si ukyuli ɔdi ulaƒiɔ na lɛla lɛni na ɔɔsu kemmo ni, na ukyuli ɔmmɔ use siin na ɔda lɛlɔ lɛnɔ kaduɛ.

Yakobo 3:2 ပူးပေါင်းရင်းမြစ်များ

Baga 1 8:46

“Ukyuli biala uuubo na ulábla likpidi. Anwuɔsu si bábla likpidi lɛdi ni, ɔƒɛni kalɛ adubuti kɔnyi akya-ma, na anyonu-ma ete bana bekisine, na badubuƒie-ma batákya bana kɔlɔ kɔni na amadɔ iye ɔgyu kakaaka kemmo.

Ala Alɛdi 2 6:36

“Ukyuli biala ɔɔbla likpidi. Nsu si banii ƒula kadi bekyuli báƒiɔ-ɔ akana na eti kɔnyi kpakplaa geen na akana na aya na bana bekisine beƒie-ma batɔlɔku.

Hiob 15:13

na livo liiƒí-ɔ na Katɔti lɛlɔ, na aatɛmiku-nwu kalɛ kalɛ na aayɔ́?

Kɔgya 34:13

ɔlɛka ɔda nwuna unyemi kaduɛ na ulatɛmi enyekpi iye utaanyi ɔkɔ lɛnɔ.

Kɔgya 39:1

Líbo lɛlɔ ɔda lɛ́su nnini, “Ndubɔnu kaduɛ na lɛda mina unyemi na enyekpi adi alálɛ-mi kenye. Na lɛɛɛdubo bɔtɛmi lɛnɔ uwi ɔni na bekyuli bekpidi báka bámana-mi mɛni.”

Agba 10:19

Sɔ tatɛmi pii, ɔsika atɛ pii aadanku likpidi. Da anu na akɔsi atɛ bumomo!

Agba 13:3

Bekyuli bani ngyi kalɛ baada bana unyemi ni, beelie ngba gyɔlɔɔ. Na kenye bɔtu bɔlɛ ukyuli ɔɔkana na uubile lɛla biala.

Agba 20:9

Ɔma ndubɔkana bɔsu ɔnini, “Ɔƒɛni amu lɛ́bla mina kayi sɛɛn, na nse kedee ɔsu likpidi lɛdi lɛsɔ lɛɛɛma-mi lɛlɔ?”

Agba 21:23

Si áti ƒula kenye bɔda kpoo ni, eleti lɛlɔ alatákya litemi lɛdi kemmo.

Etemila 7:20

Ukyuli ɔdi uuubo na banii anwu use siin na ɔɔbla lɛla biala kaduɛ ɔsu na ulábla likpidi lɛdi na kalɔ kamɛni lɛlɔ.

Yesaia 64:6

Bula ƒui bɔ́ƒiɔ na buuuse sɛɛn. Na lɛla lɛbuni lɛni na bɔɔnu ka bɔɔbla muedi ni, lɛ́dɔli aani adikpi ani muusé lɛlɔ. Bula ƒui bɔ́yɛyɛ aani livete lɛnudi. Na bula alaekpidi énwini aani ɔƒɛƒɛɛ na ada-bu eebó taavinku.

Lewiƒuɔ Ɔda Bubo 13:39

ɔlɛka ɔkpane ɔsia ɔlɛ ɔmmɔ anu. Nsu si ɔlɛ ɔmmɔ uuuse ƒututuu ƒui, ni, na ɔlɛ ɔmmɔ ɔɔɔdi ɔlɛ ɔni muukpóku ukyuli nálɛ úwi ukyuli ɔmmɔ ɔsu útasɔ mmomu use sɛɛn.

Mateo 12:34

Bɛdi bekyuli bekpidi geen aani balakpi! Na ala abuni adi alalɛ-mii kenye! Ala ani nkya ukyuli kasusu kemmo kani na uudie keyi.

Mateo 12:37

Na amii alati etemila na Katɔti ɔdubuti ɔtɛku-mii litemi na ɔdu-mii kɔtɔ iye ute-mii ubo.”

Romaƒuɔ 3:10

Ɔsika lɛni na bénweni na Bunweni Kedee Ɔku kemmo banii, “Ukyuli ɔdi uuubo na use siin na Katɔti anumi. Ina unwi pɛ muedi!

Romaƒuɔ 7:21

Na ɔmɛni ɔsu ni, mɔɔnu lɛla lɛni mɔɔlɛ́ na mina lɛlɔ kemmo taati. Si mɔɔwia ka lɛbla lɛbuni ni, likpidi lɛsiaku-mi kpakplaa.

Korintoƒuɔ 1 9:27

Lɛ́ya na lɛvu lɛma-mi kalɛ na mina ɔlɔna ɔkana na ɔƒɔ lɛbibo biala. Ɔsika si lɛ́kɔ litemi buni lɛmɛni lɛsa líte bekyuli bamba na búbasa bɔnii bɔɔkɔ́ku lɛlɔ ni, naaawia ka bada-mi bedie na lɛyuƒɔla lɛmmɔ kenye!

Galatiƒuɔ 3:22

Nsu Bunweni Kedee Ɔku ɔmmɔ ɔ́su ka kayawi kemodi kénwini kabla ɔblane kéte likpidi. Na kenye kani na Katɔti ɔ́su úse ka wete bekyuli ɔkɛnku bɔƒɔtaadi na Yesu Kristo lɛlɔ kadububo kete bani náƒɔ-nwu bádi.

Galatiƒuɔ 5:17

Na ala ani na bula ɔlɔna ɔɔyɔ́ ni, aata teenye ala ani na Kɔyu kɔɔyɔ́ lɛlɔ. Lɛni kani na ala ani na Kɔyu lɛnɔ kɔɔyɔ́ aata teenye ala ani na ɔlɔna ɔɔyɔ́ lɛlɔ. Na ɔlɔna ku Kɔyu kɔmɛni badi bekisine bete lɛlɔ. Anwuɔsu bɛsɔ bilakana na bitaabla lɛla biala mɔɔda-mii ɔkwɛ.

Koloseƒuɔ 1:28

Na ɔmɛni ɔsu na bɔɔsu Kristo lɛlɔ litemi lɛmmɔ teete ukyuli biala. Na bɔɔlɛ-ma na bɔɔtina-ma ala na lɛnunda ƒui kemmo kalɛ na ɔdi biala ɔda ɔlɛ Katɔti anumi na use siin ɔkɛnku lɛla lɛni na Kristo ɔ́bla úte ɔdi biala kenye.

Koloseƒuɔ 4:12

Epaƒra ɔni ndi Kristo kabla ɔblane na ɔdi bina lɛkpa lɛmmɔ baƒɔtaadine kemmo unwi lɛnɔ uugyele-mii o-o! Ɔnwa ɔmɛni úti ɔ́sia lɛlɔ kpakplaa na ɔɔkpali katɔ na bina lili kalɛ na binye kpakplaa na bɛlɛ lili bɛwɔlɔ na bina bɔƒɔtaadi kemmo na bɛdi Katɔti litemi biala lɛlɔ.

Hebriƒuɔ 13:21

ute-mii ala abuni ani ƒui na bɛkana biti bɛbla nwuna lɛyɔla. Na muuvele-nwu nnii ɔbla lɛla lɛni na ɔɔyɔ́ na bula lɛlɔ kemmo ɔkɛnku Yesu Kristo ɔni námanku úte bumwi uwi ƒui lɛlɔ. Ɔsia lɛni.

Yakobo 1:26

Si ukyuli ɔdi ɔɔkali ɔnii ɔdi ɔƒɔtaadine buni na ulákana nwuna unyemi bɔda ni, ɔɔtɔ́lɔ lɛlɔ na nwuna bɔƒɔtaadi bɔmmɔ buuubo kɔsia kɔdi.

Yakobo 1:4

Bɛya na kalɛ na binye kpakplaa mɛni usie anumi ubu na ɔlɛ-mii kɔsia ɔwɔlɔ. Na bɛbla baƒɔtaadine babuni bani na lɛbuni bɔbla bɔ́ƒɔ-ma lɛlɔ kemmo ƒui.

Yakobo 2:10

Ukyuli ɔni na ɔ́ta únye Katɔti ɔda bubo bɔmmɔ ɔdi lɛlɔ ni, ɔ́ta únye ɔda bubo bɔmmɔ ƒui lɛlɔ.

Petro 1 3:10

Bunweni Kedee Ɔku ɔɔtina ɔnii, “Ukyuli ɔni mɔɔwia ka ulie ngba ngba gyɔlɔɔ na keyi kayɔku-nwu ni, ɔlɛka ɔda nwuna unyemi kaduɛ na ulatɛmi enyekpi iye utaanyi ɔkɔ lɛnɔ.

Petro 1 5:10

Na si bíbo abi ammɔ uwi klukui ɔdi kama ni, Katɔti ɔni kaƒɔ ndia geen na ɔ́lɔ-mii ɔnii bibelie ngba ƒui na nwuna bukeye kemmo ɔkɛ Blɔti Yesu Kristo ɔsu ni, ɔsɔ ɔdubɔbla-mii kedee, na ute-mii ɔyikun, na bɛsɔ binye kpakplaa.